مسيرة حب

الجزء الثالث

{مسيرة حب}
(الجزء الثالث)
سيف: اهدي يا رعد ممكن تكون بتتمشي عادي
رعد:هي متعرفش حاجه هنا يا سيف هتروح فين لوحدها
سيف:انت فين يا رعد مايا قدامي اهي
رعد:انا رجعلك حالا
.…....................
سيف:مايا كنت فين
مايا كنت بتمشي في المول يا سيف عادي
لاحظ سيف عيون مايا الحمره من البكاء وعرف أن رعد هو السبب في الحاله دي
احمد و هو بيقف ويقرب من مايا:مالك انت عيونك عمله كدا لي انت معيطه
مايا:لا ابدا ممكن بس حساسيه عادي
احمد بحنان:قوليلي بس مين السبب في أن اللؤلؤ دا ينزل من عينك وانا اقتله
في اللحظه دي كان رعد واقف ورا احمد وسامعه وكانت مايا مرعوبه من شكل رعد وعيونه الحمرا اللي بتدل علي أن هو علي حافة الغضب
رعد:انا السبب وابعد كدا
أزاح رعد احمد بحده بعيد عن مايا ومسك اديها بقوه وسحبها وخرج وسط دهشة الجميع
ملك:عز هو في اي رعد مالو و لي معيط مايا
عز:حبيبتي اكيد شدوا في الكلام كالعاده
ملك:انت رعد اخوك دا لا يطاق
عز:ملك متنسيش أن اخويا
ملك:اسفه بس دي كمان اختي
زينه:انتو مفيش عندكوا قلب تفضلوا تجرحوا فينا ولما نبدا نفوق لنفسنا تستكتروا عليا ازاي نرتاح انت ورعد نفس النسخه
كانت زينه بتقول الكلام دا وهي بصه لسيف وقامت قبل ما يتكلم واتجهت لاحمد
زينه:معلش يا احمد متزعلش من رعد
احمد:هو مالو انا كنت بطمن عليها
سيف بحده:وانت مالك كانت من بقيت عيلتك
عز:انا بقول يلا نروح عشان الباشا ونشوف رعد و مايا فين
...…........….......................
عند رعد و مايا كان رعد لسه ماسك اديها بقوه وماشي بيها في الشارع
مايا:رعد اقف أنا تعبت
رعد:لا رد
مايا:رعد انت بتوجعني
رعد:لا رد
مايا بضعف :رعد بجد خلاص هقع
وقف رعد فجاه وهي مش ملاحظه فخبطت فيه بقوه
مايا:انت بتعمل كدا لي
رعد بحده:هو سؤال واحد تجاوبيني عليه انت فعلا بتحبيني
مايا:انت اللي بتحبني ولا لا
رعد:مايا متعصبنيش عليكي اكتر من كدا مترديش السؤال بسؤال
مايا:وانت عايز تعرف اي هااا عشان تقولي ان انا اللي بحبك وانت مش بتحبني عايز تفضل لامتا تكسر فيا يا رعد من واحنا صغيرين وانا بسمع كلامك في كل حاجه كل حاجه في حياتي ماشيه بكلامك وانت ملتزم البرود مش بفهم انت بتفكر في ايه بتتعامل معايا زي تالا وفرح ولا انا مختلفه لكن كفايه يا رعد كفايه انا تعبت
قالت الاخيره وهي بدأت تنهار من البكاء
كان رعد واقف مصدوم مش عارف هل هو فعلا اذاها نفسيا للدرجه دي اول مره مايا تبقا بالحده دي فهو معتاد علي مايا الرقيه الملاك ملاكه زي ما هو مسميها هل هي بالغباء دا مش عارفه تشوف هي عنده اي مشافتش غيرته عليها وأحمد بس بيبص ليها
كانت مايا بدأت تهدأ وبتبص لرعد شافته سرحان فيها
مايا:للدرجه دي عياطي ممتع ليك لدرجة أنك سرحت
رعد وهو بيفوق من أفكاره:كنت متخيل انك اكتر انسانه عرفاني وعرفه طبعي
مايا بسخريه:هتصدقني لو قلت ليك اوقات بحس أن معرفكش خالص
رعد:مايا انت بتضحكي عليا ولا علي نفسك انت عارفه كل حاجه عني دا انت بتفهميني من غير ما اتكلم طول عمرك تبصي لعيني بس بتعرفي انا عايز اي وبتعمليه لي المره دي مش عارفه تفهمي أو انت اللي مش عايزه تفهمي
مايا:افهم حاجه مش متاكده منها
رعد:وانت عارفه أن انا صعب اعبر مش بعرف اعبر
مايا بتحدي:ولا انا بعرف افهم يا رعد سيبني بقا اشوف حياتي لحد يعرف يعبر ليا عن الأنا محتاجاه
قرب رعد من مايا وعنيه حمرا جدا نتيجه لكلامها وهي فضلت ترجع لورا لحد ما انحصرت بين الحيطه ورعد
مال رعد واتكلم بهمس مخيف :والله يا مايا يبقا اخر يوم في حياة اي حد لو فكرتي بس تبقي لغيري انا مش سيف اعمل مشكله او اقول اي كلام وانت عارفه انا بعمل اي انت بتاعتي انا ملكي انا
شعرة مايا بضربات قلبها بتزيد بشكل غير محتمل من أثر كلماته وقربه المهلك ليها
مايا بشجاعه مصطنعه:انا مش عربيه ولا فيلا عشان تملكني يا رعد
رعد وهو بيقرب اكتر و بيبص في عينيها:انت اغلي حاجه انا بمتلكها يا مايا
مايا بهدوء وتوهان:بردو بتمتلكني
رعد بتوهان وهو غير قادر علي السيطره علي نفسه:انت مش عيزاني امتلكك وانت روحي ازاي حد مش بيمتلك روحه
مايا:انت قولت اي؟
رعد وهو بيقرب اكتر:قولت انك رو...
قطع كلام رعد رنين تلفونه وبداء يفوق هو و مايا اللي اول ما استوعبت الموقف وشها بقا احمر من الخجل
تحمحم رعد ورد علي سيف
رعد:ايوا يا سيف
سيف: انت فين يا رعد
رعد:انا اخد مايا و مروحين اهو
سيف:طب تمام نتقابل هناك
قفل رعد دون أن يتكلم كلمه اخري وبث علي مايا اللي واقفه بتلعب في اديها وباين الخجل عليها
رعد:احم يلا عشان نروح
تحركت مايا من غير اي كلام فهي تايهه في كلامه لسه
.................................
وصل الجميع القصر في نفس الوقت ودخلوا سوا
ياسين:كل دا بتتفرجوا علي المدينه انتم لفيتوا فرنسا كلها ولا اي
عز:والله يا بوب كل الوقت دا في مول واحد
ياسين:لي بقا
سيف و هو بيقلد البنات:الله حلو المحل دا يا بنات يلا ندخل نتفرج
ضحك ياسين علي أولاده
ياسين:اهم حاجه البنات اتبسطوا
فرح:جدا يا بابي
ياسين و هو بيبص ل مايا اللي سرحانه:واضح
رعد:احم انا هطلع اوضتي ارتاح بعد اذنكم
سيف: وانا كمان
بداء الجميع في الانسحاب وقرب ياسين من مايا
ياسين:مالك يا مايا سرحانه في اي
فاقت مايا واكتشفت أن هي واقفه قدام ياسين والباقي اختفي
مايا:احم ل..ا لا ولا اي حاجه يا اونكل
ياسين بابتسامه:دا انت ملاحظتيش أن كلهم طلعوا في اي احكيلي
مايا وبدأت الدموع تظهر في عينيها:صدقني يا اونكل مفيش
ياسين وهو يضمها ليه:طب يا حبيبتي خلاص لما تحبي تحكي انا موجود ديما براحتك
اروي من الخلف:اي دا يا ياسين بتخوني ومع مين مايا اللي أد بنتك اه قلبي مش قادره
ياسين وهو بيقرب منها:بقا انا اخونك طب بذمتك يا مايا حد يخون القمر دا
قالها ياسين وهو بيغمز مايا وبيقربوا من اروي
اروي:ياسين لا انا عارفه النظره دي مايا بلاش
قرب ياسين من اروي و بداء يزغزغ فيها هو و مايا وبدأت مايا تبعد و وقفت بعيد تتفرج عليهم
وقف ياسين وفي حضنه اروي وهي بتضحك
ياسين:بس كفايه نكمل فوق في الأوضاع
اروي:ياااسين
ياسين:عيونه
مايا:بعد اذنكم هطلع اوضتي
جلال:مايا انتم جيتوا امتا
مايا:من شويه يا بابي
جلال :ملك فين
مايا:في الاوضه فوق
جلال:طيب هاتيها وتعالي عايزكم في موضوع مهم
مايا:خير يا بابي في حاجه
جلال:خير يا حبيبتي يلا بس
مايا :حاضر بعد اذنكم
بص جلال ل ياسين:لازم تكون موجود مش هقدر افهمهم لوحدي
ياسين:متقلقش انا و اروي موجودين
بعد وقت قليل نزلت مايا و ملك و دخلوا مكتب ياسين
ملك:ايوا يا بوب
جلال:بوب لا انت تخفي قعاد مع عز الدين احسن الفتره دي
ضحك ياسين واروي
ياسين:انا عز ابني دا مرض معدي
ضحك الكل وقعدة مايا بهدوء
جلال:شوفوا يا بنات انتم الوقتي كبار بما فيه الكفايه عشان تفهموا اللي انا هتكلم فيه دا  انا بس عايزكم تعرفوا أن مفيش انسان بيحبكوا قدي صدقوني
ملك:بابي هو في ايه؟
جلال:انتم مامتكم عايشه مش ميته
ملك:ايه ازاي اومال احنا بنزور قبر مين في مصر
جلال:اهدي يا ملك اللي بنزورها دي مراتي اللي ربتكوا
ملك:انا مش فاهمه حاجه
جلال انا هفهمك كل حاجه
..............فلاش باك................
من24 سنه انا قابلت امكم في امريكا كنت مع ياسين هناك في شغل بعد ما شاركة ياسين في الشركه بتاعتي  وبقيت رجل اعمال
شوفتها بقوامها وشعرها اللي لون خيوط الشمس والغابات اللي في عينيها كانت حوريه من الجمال
اعجبت بيها جدا وكنت لسه يومين وارجع مصر وانا كنت وقتها سهران في نايت كلاب وهي مع اصحابها وقفه لوحدها علي البار واصحابها بيرقصوا وقرب منها واحد وكان بيضايقها قربت منهم وبعدتوا عنها وقربت منها
جلال:Hi
-Hi
جلال:are you okay
- I'm fine thanks for saving me
جلال: you're welcome , What is your name
- I'm Sara and you
جلال: Galal
ساره:انت عربي
جلال:مصري انت عربيه
ساره: لبنانية بس كل حياتي هون ما بيبان عليك انك مصري
جلال:لي
ساره:لغتك تقول انك الماني جدا وعايش هون طول عمرك
جلال:انا بتكلم لغات كتير بسبب شغلي
ساره:شو بتشتغل
جلال:رجل اعمال
ساره:الله يوفقك
جلال:لي مش بترقصي مع صحابك
ساره:ما بدي اليوم
جلال:طب ممكن نرقص سوا
قالها جلال و هو بيمد ايدو ليها
ابتسمت ساره:اكيد
قضي جلال وساره السهره سوا واتكلموا كتير عن حياتهم لبعض
جلال: Nice to meet you
ساره:  me too
جلال:هشوفك تاني
ساره:انا علطول هنا
جلال:ممكن اعزمك علي الفطار بكرا
ساره:اكيد
طلعت ساره ورقه وكتبت فيها رقمها ومشت وسابت جلال وسط أفكاره
رجع جلال جناحه وهو بيفكر فيها
جلال:انت طلعتيلي منين بس
خبط الباب ودخل ياسين
ياسين:انت كنت فين لحد الوقتي
جلال:كنت سهران
ياسين:طب ظبط نفسك هنمشي بكرا بعد الظهر لأن اروي تعبانه ولازم انزل لان ممكن تولد في اي وقت
جلال:طب ما ترجع انت وانا هرجع بعد يومين تلاته
ياسين:لي في حاجه عايز تعملها
جلال:لا عادي هغير جو بس
ياسين:تمام ومالو بس متتاخرش عشان لو اروي ولدة مش هفوق لاي حاجه
جلال:تمام
وفعلا رجع ياسين تاني يوم مصر وفضل جلال 4 ايام في امريكا وكان بيقضي كل اليوم معاها لحد قبل سفروا الصبح
ساره:هتسافر اليوم
جلال:ايوا مرات شريكي هتولد في خلال الايام دي ولازم اكون موجود عشان الشغل
ساره:بالسلامه أن شاء الله
وصل جلال المطار وركب الطياره وجت المضيفه تسأله يحب ياكل اي
-do you want eat anything sear?
رفع جلال رأسه واتصدم
جلال:ساره
ساره:نسيت اخبرك أن رح كون مضيفه تبع طيارتك اليوم
جلال:هتقعدي في مصر قد اي
ساره: 48 ساعه
جلال:حلوين هفرجك فيهم علي اماكن كتير هناك
ساره: okay
وصلت الطياره واخد جلال ساره نزلها في اوتيل من اوتيلات ياسين وقضي معاها يومين وراها فيها معظم القاهره
وفي اخر يوم قبل ما ساره تسافر
جلال:انا مش عايزك تمشي
ساره:ولا انا بس خلاص الوقت انتهي
جلال:تتجوزيني
ساره:شو
جلال:تتجوزيني يا ساره؟
ساره:اي موافقه
اتجوز جلال وساره بعدها باسبوع بعد ما سفرة ساره واستقالة من شغلها ورجعت تاني لجلال
قضي جلال وساره شهر من أسعد أيام حياتهم ما بين سفر  حب وعشق وغرام ورومانسيه لحد يوم ما ساره اكتشفت حملها في مايا
جلال:يعني اي
ساره:يعني هنزل البيبي انا ما بدي اولاد انا
جلال:مش من حقك دا يا ساره انا عايز البيبي
ساره:بس انا ما بدي انا ما بعرف إن كنت رح كمل معك أو لا
جلال:نعم اومال اتجوزتيني لي
ساره:انت اللي طلبت أن اتجوزك وانا وافقت لأن معجبه فيك
جلال بحده:البيبي مش هينزل يا ساره مفهوم
قالها جلال ومشي وساب ساره تفكر
عدي شهر من حمل ساره وجلال وساره مش بيتكلموا كتير وفي يوم كان جلال وساره بياكلوا في صمت وقطع الصمت دا ساره
ساره:جلال انا راح سيب البيبي بس بعد ما أولد ما رح خلف تاني انا مضيفة طيران جسمي راح يبوظ
جلال:لما تولدي بالسلامه نتكلم يا ساره اهم حاجه بس الوقتي صحتك
ساره:ما بدي تكون هيك معي بدي جلال اللي دوبني دوب بحنيته
جلال:حاضر يا ساره
عدة شهور حمل ساره و ولدة مايا كان جلال فرحان بيها جدا
جلال:حمدالله على السلامه يا حبيبتي
ساره:الله يسلمك حبيبي
جلال:شوفي البنوته زي القمر ازاي
ساره:اي حلوه كتير
عدة الايام وكل ما الايام تمر يحس جلال أن ساره مش مهتمه بمايا لحد ما كان عند مايا سنتين واكتشفت ساره حملها للمره الثانيه
عملت ساره مشكله مع جلال وان هي هتنزله المره دي وان هي خلاص جابت البيبي اللي هو عايزه لكن لما راحت للدكتور عرفت أن في خطر علي حياتها لو عملة عملية إجهاض رجعت تاني وحافظت علي حملها لحد ما ولدة ملك و كانت طول حملها مايا قاعده مع اروي ورعد وسيف
بعد ولادة ملك باسبوع طلبت ساره الطلاق وان هي مش هتقدر تكمل وتتحمل مسؤلية اولاد وبيت وزوج وطلقها جلال
.............نهاية الفلاش باك..............
ملك بدموع:اومال مين  ماما نسرين دي
جلال :دي حبي الاول اللي معرفتش أنساه في حياتي قبلتها بعد طلاقي بتلات شهور وكان جوزها متوفي بقالو سنه واتكلمنا وعرفة أن هي مش بتخلف وفضلنا فتره نتكلم لحد ما لقيت أن الموضوع بيخرج من ايدي وان الحمل كبير علي اروي قررت اتجوز عرضت عليها الجواز وهي وافقت واعتبرتكم بناتها لحد ما انتم عارفين الباقي
ملك بدموع:لي تعمل فينا كدا لي تسيبنا
جلال:اهدي يا حبيبتي هو انا قصرة في حاجه طب كانت ماما نسرين قصرة في حاجه
ملك:لا هي اللي قصرة هي اللي سابتنا
بص ياسين لمايا اللي قاعده من اول الحوار بهدوء
ياسين:مايا رايك اي
مايا:للاسف بابي اتاخر اوي لما حكي لينا
جلال:قصدك اي
مايا:انا شوفتها النهارده في المول وانا بتمشي لوحدي شوفت نسخه مني واقفه قدامي بس علي أكبر وهي اجت تقرب مني بس انا خوفت ورجعت المطعم تاني
ملك :عشان كدا كنت بتعيطي
مايا:احم انا بس اتخضيت
ملك:لي قولت لينا يا بابي
جلال:لأن قابلتها في مطار فرنسا واحنا جاين وطالبه تشوفكم ودا حقها ابعدوا معاها واتكلموا معاها هي امكم حتي لو انا كنت غيرة كل اللي يثبت دا بس هي هتفضل امكم
مايا:هي رمتنا زمان ومشت انا مش مستعده اشوفها
ملك:ولا انا
كان جلال علي وشك الحديث لكن قطعته اروي
اروي:اسمحلي يا جلال اتكلم انا
جلال:اتفضلي
قربت اروي من ملك و مايا وقعدة جنبهم
اروي:انتم عارفين انكم بناتي وعمري ما قولت غير كدا مهما حصل انا هفضل ماما اروي وانتم صغيرين كنتم بتقولوا ليا يا ماما بس انا هسالكم سؤال لسه بتعتبروني ماما
مايا وملك في نفس الوقت:اكيد
اروي:يبقا اسمعوها ادولها فرصه ممكن ليها سبب ولو اتقبلتوها تمام وخير متقبلتوهاش انا هفضل ماما اروي
ابتسم ياسين علي حبيبته فهي بتعرف تقنع اي حد باللي هي عيزاه بس بحنيتها
مايا:ماشي بس هي مره واحده اللي هنقعد معاها فيها وحضرتك تكوني موجوده معانا
جلال هي اصلا هتيجي هنا انتم مش هتخرجوا برا البيت دا
ابتسمت اروي  ليهم وضمتهم
اروي:طب يلا ممكن تطلعوا تصحوا الناس اللي فوق دي لما اقول للشغالين يحطوا العشاء لأن انا جعت جدا واونكل ياسين جاع وثواني وهيقوم يضربنا
ضحك الكل وخرجوا من المكتب وفضل ياسين مع اروي
ياسين:بقا انا جعت جدا وهضربكوا
اروي وهي بتضحك:اصل باين عليك انك جعت
ياسين:بجد
اروي:اممممم انت ناسي أن بفهم عينك ولا اي
ياسين:طب مش فاهم حاجه تانيه كمان
اروي بارتباك:احم لا مش فاهمه
ياسين:اروي يا حبيبتي احنا بقالنا 25 سنه متجوزين لسه بتربكي وتتكسفي
اروي: اوعي بقا كدا عشان العشاء وانا اصلا زعلانه منك هه
ياسين:زعلانه مني انا لي؟
اروي:عشان تحضن مايا وتقولها يا حبيبتي كويس
ياسين بضحكه:دي قد بنتك والبنت كان شكلها معيط واضح أن رعد بيه عككها
اروي:انت ولادك طالعين ليك جبروت
ضحك ياسين وخرج هو واروي من المكتب السفره
......................................
بدأت البنات تلف علي كل الاوض تصحيهم وصلت مايا عند اوضة رعد وهبطت علي الباب
مايا:رعد قوم عشان العشاء
لكن مش سمعت صوت كررت الخبط والكلام ولكن لا رد بردو
فتحت الباب ودخلة تطمن عليه لكن شافت الأوضاع فاضيه
مايا:هو راح فين دا
اجت مايا تخرج لكن سمعت صوت باب الحمام الداخلي بيتفتح وبيخرج رعد وهو نصفه العلوي عاري
بثت مايا ليه وفتحت بقها وحكت اديها علي عينيها
رعد:مايا انت بتعملي اي هنا
مايا:انا كنت جايه اصحيك عشان العشاء ولما انت مردتش دخلت اطمن عليكقرب رعد منها وشال اديها من علي عينيها وكان لبس قميصه
رعد:وهو قريب منها انت وشك احمر كدا لي عمرك ما شوفتني من غير قميص يعني
مايا:اص...اصل ماينفعش
رعد :ما انا بنزل البحر كدا في اي
مايا وهي بتحاول تفوق من قربه المهلك ليها:احم انا هنزل عشان العشاء
رعد بصوت منخفض أجش ساحر:وانا هاجي وراكي علطول
مايا بتوهان:ورايا فين
رعد:مش عارف
افاق الاتنين علي صوت سيف
سيف:شجره و اتنين بكون هنا يبني
خجلت مايا من الموقف واحمر وجهها وبصت في الأرض وخرجت
رعد و هو بيقرب من سيف:تحب خليك الشجره الوقتي
سيف:اي يا حضرة الظابط كل دا حصل امتا
رعد:هو اي اللي حصل
سيف:القرب والهمسات دي طب كنت اقفل الباب
رعد:ولا حصل اي حاجه كل الحكايه أن فعلا بفقد السيطره طول ما هي جنبي وقريبه مني
سيف:الله دا الرعد وقع بقا
رعد:واقع من زمان بس باجي اعك الدنيا وازعلها في الاخر
سيف:طب يلا ننزل عشان نتعشا ولينا قعده ونشوف هنعمل اي مع الاتنين دول
خرج رعد وسيف من الأوضاع شافوا عز نازل هو و ملك و بيضحكوا
سيف:تصدق اللي طلع ل ماما فينا بحنيتها وذكاءها الواد المفعوص دا هو الوحيد اللي ماشيه معاه حلاوه
ضحك رعد واتجهوا للسفرا
كان ياسين متراس السفراء علي يمينه اروي وجنبها تالا ثم جاسر ثم عز ثم ملك ثم جلال ثم حسام وعلي يساره رمزي ثم منه ثم زينه ثم فرح ثم سيف ثم رعد ثم مايا
كان العشاء عائلي جدا وجو مليان بهجه وسعه وضحك بسبب عز و ملك وفرح ونقاشهم سوا وجدالهم وكانت سهره سعيده علي الجميع
في الصباح صحت مايا وملك علي صوت جلال
مايا:صباح الخير يا بابي
جلال:صباح النور يا عيوني
ملك:صباح الفل يا بوب
جلال وهو يبتسم:صباح الياسمين يا حبيبتي ،بنات والدتكم هتيجي النهارده
مايا:بسرعه كدا
جلال:متنسيش احنا لسه كام يوم بس وهنرجع مصر
ملك:بابي هو انا المفروض اقول ليها ايه
جلال:مش فاهم يا ملك
ملك:يعني اقول ليها مامي ولا اي
جلال:حبيبتي هي مامي بس قولي الأنت حساه لأن الوضع غريب لحد ما تستقري ويلا عشان الفطار
مايا:10 دقائق وهنكون وراك
خرج جلال وبدأت البنات تجهز ونزلوا للفطار
كان الفطار صامت جدا نظرا أن ياسين فهم الكل علي الضيفه اللي هتكون موجوده علي الغدا
كان رعد بيبص عليها وخايف لتتجرح مش مصدق ازاي ام تتخلي عن بناتها كدا
كانت مايا بتاكل بهدوء وملاحظة نظرات رعد بس فضلت السكوت
عز الدين محاولا تخفيف الجو
عز:وحدوه
الجميع:لا اله الا الله
عز:الله جو مناسب اوي أن يكون عزا ولا اي يا بوب
ياسين:عز اسكت خالص
عز:بقولك اي يا بوب انا عايز اتستر
سيف بسخرية:ايوا اصلك عنستي يا سوسو وقطر الجواز فاتك
تالا:اي دا اومال انا بقا يتقال عليا اي
عز:تيتا
تالا بطفوله:انا تيتا يا جاسر
جاسر:فشر يا عمري دا انت ست البنات هو اللي تيتا تحبي اوريكي
هزة تالا رأسها بطريقه طفوليه وقف جاسر وقرب من عز
عز:اي يا ابو الكابتن مالك كدا صلي علي النبي
جاسر:انا هوريك هي تيتا ازاي
عز:مين دي دي طفله بضفاير انا اللي تيتا واهدي وارجع مكانك
ضحك الجميع علي عز وقطع ضحكهم دخول الخادمه
-ياسين بيه في واحده في الصالون اسمها مدام ساره منتظراكم
ياسين:شوفتها تشرب اي واحنا جاين
بص ياسين لملك و مايا اللي اتوتروا وجلال اللي غمض عيونه
ياسين يلا يا جماعه نرحب بالضيفه وبعد كدا نسيبهم لوحدهم
وقف الجميع واتحركوا مع ياسين وفضلت مايا ورعد مكانهم
وقف رعد وقرب من مايا ومسك اديها
رعد:اوعي تقلقي انا موجود جنبك لو حصل اي حاجه وحبيتي تقومي عرفيني وانا هتصرف
مايا:رعد متسبنيش بجد محتاجالك اوي الوقتي
رعد:انا طول الوقت جنبك وهفضل جنبك يلا عشان منتاخرش عليهم
...............................
دخل الجميع سلم علي ساره وكان اخر حد جلال وهو ماسك في أيده ملك وجنبها عز بيشجعها
جلال:اذيك يا ساره
ساره:كيفك جلال
جلال:انا كويس الحمدلله دي ملك
ساره: ماشاء الله تبارك الله كبرانة وكيف جلال في كل شيء
ملك:اهلا بيكي
ساره :اهلا بيكي هيك من بعيد انا امك تعي لعندي
قربت منها ملك وسلمت عليها وحضانتها بتكلف
دخلة مايا وجنبها رعد
ساره:مايا طول عمرك تشبهيني لما كنتي بي المول اتعرفت عليكي من شكلك
مايا:من شكلي يعني مش حسيتي ان بنتك حتي
ساره:تعي بحضني
مايا:اسفه مش بقدر احضن حد مش اعرفه
ساره:انا امك
مايا:بإمارة اي امي هل انت اللي ربتينا أو ذاكرتي ليا كنت جنبنا وقت تعبنا مثلا انا افتكر أن في كل الاوقات دي كانت ماما نسرين هي اللي جنبنا مش شرط عشان انت اللي خلفتينا تكوني انت امنا انا امي اتوفت من4 سنين
ساره:اي انت بتشبهيني في الشكل بس بتشبهي الوكيل في الطباع
مايا:ودا شيء بشرفي أن أشبه ابويا اما بالنسبه للشكل فا يخلق من الشبه اربعين
كان الجميع مصدوم من كلام مايا وقوتها الكل معتاد أن مايا بتخاف تجرح حد بالكلام وديما هادئه 
ساره:واضح أن انتم مش متقابليني خالص مايا
مايا:مش الفكره انت هتفضلي امي لأن دمي من دمك لكن مفيش حاجه جوايا تحسسني بالدفا ليكي
جلال:مايا اقعد واتكلمي براحه مش كدا
ساره:لا جلال اتركها تقول كل شيء جواها فهو حقها
كانت مايا لسه واقفه جنب رعد مجرد قربه منها عطيها قوه
مايا:انا مفيش حاجه جواه انا برد علي حضرتك مش اكتر
ساره:كنت صغيره ما كنت بدرك شيء
مايا:اللي اعرفه ان حضرتك وقتها كان عندك 27 سنه يعني عندك وعي كفايه انك تعرفي يعني اي اسره بس حضرتك فضلتي شغلك وحياتك عننا
ساره:كنت خايفه
مايا:مش مبرر علي كلام طنط اروي أن بابي كان بيعمل كل حاجه عشان يفرحك ويطمنك اي الخوف في انك كنت عايزه تنزلينا انت مكنتيش عايزه ولا واحده فينا و اجت واحده غيرك اتعاملت معانا أن احنا حته منها يشهد ربنا عمرنا ما حسينا أن هي مش امنا الحنيه والحب وكل حاجه عشان كدا اتصدمنا لما عرفنا أن هي مش امنا
ساره:اعطيني فرصه يا مايا حتي اتعرفي علي اخواتك
مايا:الله ما انت اتجوزتي اهو ليا اخوات ولا دول كمان كانوا غصب عنك زينا
ساره:اعطيني فرصه ولو صغيره
مايا:لا رد
ساره:ملك شو رايك
ملك:راي من رأي مايا مايا الأكبر وهي اللي تفهم عني
ساره:اعطوني فرصه صغيره تعي مايا انت وملك اقعدي معي نتعرف اكتر ونقرب من بعض اكتر انتم طول عمركم مع ابوكوا خليكوا معي
جلال:دا مستحيل انا بناتي مش هيبعدوا عني يا ساره انت طلبتي تتعرفي عليهم بس
ساره:هما معاك من يوم ولادتهم
جلال:وانت اللي اخترتي وسبتيهم ومشيتي
ساره:جلال هادول بناتي
مايا بحده:انت مكنتيش عيزانا اصلا ازاي تقولي بناتك احنا مش هنسيب بابي ابدا
ساره:هرفع دعوه عليك يا جلال وهاخد بناتي بالقوه البنات من حق الام
رعد:دا لو مش متجوزين
بص جلال ل رعد نظر رعد لجلال نظره فهمها جلال وسكت هو و ياسين
ساره:بطهما مو متجوزين
رعد:مين قالك
ساره:انا متابعه اخبارهم من شي سنه
رعد:طب كويس خدي بقا الخبر الحصري دا فرح رعد ياسين الصادق علي مايا جلال اخر الشهر طبعا انت اول المعزومين
كانت مايا واقفه مش فاهمه حاجه هو أعلن أن هما هيتجوزوا حالا طب ازاي
ساره:خلاص باخد مايا لحد الفرح وملك تفضل معي
رعد:لي هو انا مش قولت ليكي ولا اي
ساره:شو راح تجوزا بنت 19 سنه ويترا لمين
رعد:عز اخويا شكلك مش متابعه كويس وبردو انت اول المعزومين
ياسين:رعد دا مش اسلوب تكلم بيه حد اكبر منك اقعدوا كدا واهدوا دا مش اسلوب تتكلموا بيه
رعد:والله يا باشا هي اللي دخلاها تحدي شكلها متعرفش هي جايه قصر مين
بدأت ساره تتصنع الحزن والبكاء
ساره ببكاء مصطنع:انا بس محتاجه اقرب من بناتي شو التحدي في هيك
سيف وهو بيقرب من زينه:مفقوسه اوي أن هي مش بتعيط بجد
ضحكت زينه ولكن من غير ما تبين وحطت اديها علي بوقها
سيف:ايوا امسكي نفسك كدا بدل ما نتروق وسط الحرب دي
كان ياسين بيبص لساره بنظره حاده هو و رمزي و جلال فهم يفهمون الالعيب
جلال:اهدي يا ساره
ياسين:ساره انت عايزه توصلي لايه
ساره بارتباك فهي تهاب ياسين:ولا شيء انا بدي بناتي
ياسين :تمام يا ساره اقعدي مع بناتك لكن هنا البيت بيتك لكن انا معنديش بنات تبعد عننا ولا ايه يا جلال
جلال:اها طبعا
رمزي:وكدا كدا انت كنت صاحبت منه و اروي يعني مش هتحسي انك غريبه وسطنا ولو حبه تنزلي مصر معانا كمان مفيش مانع
ساره:انا بدي يتعرفوا علي إخوانهم
ياسين:يشرفوا هنا في اي وقت
سكتت ساره هي متاكده أن هي مش هتعرف توصل لليرضيها مع ياسين
بدأت ساره تغير الكلام ونتعرف علي مايا وملك بدأت مايا تهدي وتتكلم معاها بهدوء اكتر وكان رعد قاعد قدامها بيشجعها
ياسين:رعد تعامله معايا المكتب انت و عز محتاجكم
وقف الاثنين توجهوا مع باباهم وراحت ارروي و سيف وراهم
ياسين:انا عايز افهم ايه الأنت قولته برا دا
رعد ببرود:قولت اي
ياسين:رعد متعصبنيش عليك موضوع الجواز دا هي الحاجات دي فيها هزار
رعد:هو حضرتك ممكن تعترض علي مايا أو ملك
ياسين:اكيد لا
رعد:خلاص يبقا فرحي انا وعز اخر الشهر
يتبع .......
بقلم الاء ابو العز ❤️