عند شادي : السلام عليكم
عمر : وعليكم السلام ورحمة الله♥
شادي : اها يا فردة مع السلامة وزي ما وريتك شيمي ختها لي في عيونك ️💛
عمر : طيب يعني برضو ما ناوي توريها.... عيوني فداها(نسى نفسو بتكلم معا منو زولنا دا 😹)اقصد معاها في كل شي ان شاءالله💛
شادي : حا اوريها لم اصل لانو م حتخليني اسافر 🙂 تسلم يا حبيب
عمر : انا شايف احسن تكلمها 🙂
شادي : يا زول حتعمل سين وجيم 😹
عمر : طيب طيب 😹
بلسان شادي:-
دخلت المطار وتميت حاجاتي وماشي على الطيارة وانا ماشي يدي ضربت بيد وحدة لقيتها مرة كبيرة بس ما عارف انا حسيت كاني بعرفها قبل كدة💔 كانو بيناتنا صلة💔 ما عارف بس كنت عايز اوقفها عايز اسالها انتي منو لي لحظة وعيت على نفسي ولقيتها مشت ما اديت الموضوع اهتمام قلت يمكن بيتخيل لي ساي 😅
الطيارة اقلعت الساعة 2 وصلت الدوحة الساعة 6
نزلت في مطار حمد الدولي وضربت لي صحبي الو
:منوور والله 😍
شادي : ابو محمد بنورك ياخ 😍
: جمبك انا اطلع لي برة
شادي :طيب(شادي اصلا عندو صاحبين وبس عمر الاول وابوبكر التاني اللهو ابو محمد اكبر منهم بي سنتين بس من قامو مع بعض 😍💛 ام هو سافر مع مرتو واستقرو في الدوحة بجو اجازات وبس )
ابوبكر : زولنا ياخ حمدلله على السلامة ومنور مرة تانية 😍💛
شادي : نور الله قبرك 😍 كيفك الصحة والامور والاولاد
ابوبكر :انت يا زول عايز تموتني سريع سريع 😹 بخير الحمدلله ارح حتشوفهم اسي
شادي :بعد عمر طويل ياخ 😹 ظاابط
وقفتو في دارالسلام مول الحمدلله لقيت معاي ريالات اشتريت لي اولادو شوكلت والعاب ولي مرتو عطر هدية
ابوبكر نزلني وما عارف اني حنزل اشتري لم شافني شايل الحاجات قال لي هو دا شنو انت عايز تدلعهم لي من اسي 😹😹
المهم مشينا البيت اولادو بيعرفوني جوني جارين وسلمو علي ومرتو سلمت علي اتغدينا واظيتهم الحاجات مرتو شكرتني وقالت لي ما قصرت والله تسلم 💛💛
ومشيت نمت نومة عميقة ما صحيت الا 2 ص😹
صحيت لقيت ابوبكر صاحي اتونست معاهو وحكيت ليه الحصل كلو واني عايز اعرف من ابوي كل شي بخص امي
طبطب علي وقال لي انا جنبك وان شاء الله حنعرفها سوا
يازول كدي احكي لي اهلك كيف وشيمي وشيري ومهند كيفهم 😍
قلت ليهو شيري ما رجعت مع زوجها ومهند قال لو ما خلص ما برجع ☹️ وشيمي برلومة صيدلة جامعة الخرطوم 😍💛
قال لي ما شاء الله والله دقيقة شيمي دي مش خليتها صغنونة 😹😹 ااي ياخ والله كبرت وبقت عروس 😍
ومهند دا والله مجنون ما ناوي يشوفكم ياخ لا يا زول خمسة سنة طول عديل قلت ليهو ااي والله بس راسو قوي شديد
قال لي انت يا شادي رايك شنو في شيمي وعمر انا ليه حاسي انهم لازم يكونو مع بعض 😹💛
قلت ليهو والله انا كمان حاسي انة عمر بحب شيمي من زمان بس شيمي ما عارف 😹 بس ان شاءالله القدر يجمعهم لانو صدقني محلاقي زول احسن من عمر لي شيمي 😍
وانا قلت استشيرهم في الموضوع دا عايز قبل ما يحصل شي اخلي شيمي امانة مدى الحياة لي عمر لانو عارف انو قدر المسئولية قال لي ااي والله ولد مافي زيو ووزنو بالدهب يتوزن 💛💛💛
وعلى كدة هو حكى لي الحاصل عليهو واي حد مشا نام 💛
يلا نتلاقى في البارت الاحدى عشر 💛✨
اللهم صلي وسلم على سيدنا محمد 🌺✨
احرص على أن تبين مشاعرك للآخرين قبل رحيلهم فالدموع لا تعيد الراحلين.🌚💔
