فصلية ابن الشيخ

بارت ٤

سمر.. انت شنو من بشر بلا احساس
علي اني الي بلا احساس لوانتي لعبتي عليه لعبة وخليتيني اصدكج وانقهر عليج لج انتي موبشر كتله كذب انتي
سمر علي مامجبورة اكذب عليك اني حجيت كلشي وصرت صريحه وياك لك حرام عليك الدتسوي بيهه كوم عنييي
علي الصح داسوي هسه وشوفي شنو منتضرج منا ورايح يابنت الكلب لجججج عيني عينك تتواعدين وبيتي هَََََممممممم
سمر متواعده وبيتك كل عقلكككك انته
علي اي متواعده يازباله يامعندج ذرة اخلاق اذا ماجبته وذبحتكم سوة ماطلع اني علييي
سمر لك كل عقلككك يعني شون متواعده واني بلبيت لاطالعه ولامحاجيه احد
علي هههه لتحاولين اصلا تجذبين عليه اعرف كولشي وصورةةة اكوو الج انتي واكفه ويا
سمر لك علي شدتحجي كل عقلك ولك اني باب الغرفه ماطلعتها انوب اتواعد
علي وهاي منو؟؟؟؟ كوليلي هاي منوووو
سمر منو هاي مواني
علي لاانتي ياجذابه انتي وبيتي هم لج ساقطه بنت الشوارع انتي بت شوارع وحتبقين بنت شوارع واليوم اراويج نجوم الضهر
. سمر جابلي صور مدري المن وكلي متواعده اني نصدمت لان اني مطالعه باب الغرفه شلون شلون هيج يصير شنو القصه بعدني اول يوم الي وشفت عجايب ياربي. ترا هاي مواني وماانصحك اتاذيني لان اني اليأذيني يتأذه والله وكتلك بعد
علي ههههه خوفتيني صح صح يتاذه لانج وحده ساقطه حته تاذي
سمر. دفعني ع جربايه وضل يتقربلي واني ابعده عني لحد ماشد شعري بيده وخله عيونه بعيوني
علي اشششش ماسمع صوتج
.
.
.
. علي ورا ساعتين تقريبا طلعت كعدت بالحديقة واجتي يمي سهام
سهام ها شكتلك موكتلك متواعده
علي اخ بس لواعرفه منو اذا ماشربت من دمةةة
سهام اشرب من دمها هيه هيه الخاينه الك...
علي سهام اني اعرف اتصرف لتدخلين انتي
سهام علي أنت تهمني حيل مستحيل اخليك تضيع هيج
علي اني اعرف اتصرف ميحتاج تعلميني وبعدين علي ابن الشيخ مستحيل يخاف حته ينخاف عليه
سهام علي ابن الشيخ دولة وعلم فدوة الاسمك نروح احننه
علي... احس سهام هل ايام تتقرب مني شنو القصه شرايده هاي.. خيتي رحم الله والديج
سهام خيتي شنو اوع لتكلي خيتي دلعني كلي سهام عيوني بس موخيتي
علي ها فهمت
سهام شفهمت
علي لاهيج ماكو شي ليضل بالج
سهام تشرب بعد جاي
علي لاتسلمين راح اطب انام
سهام خوش تصبح على خير 🥺😍
.
.
. علي طبيت لكيت سمر نايمه ومغطايه بس نايمه بدون ملابسها ممبدله ولامغسله اجيت مددت بصفها وصفنت عليها يالله شكدد حلوة هاي البنيه بالرغم صادقت اشكال وعشت وي شكد بنات ويوميه وي وحده بس بشكلها مميز حيل ومختلفه ماشفت
.
شلت ايدها المجروحه ولزمتها وتلمست اصابيعها وصافن بغير عالم اني. فجأة

سمر بابا باابا حبيبي
علي ها
سمر بابا دتشوف شسوو بيه بابا ذبوني ورة ماممت بابا اني بنتك مافرحت فرحة عمري بابا بابا مشتاقتلك ابوس ايدك اخذني بابا
علي حلمانه بابوها وتشكيله وتبجي بالحلم معقولة هلكد متأذيه هيه لهل درجه متحمله عود وليش شنو الخلاها هيج
سمر بابا انت متخليني اغلط واني ماغلطت الخاطرك بس طلعوني غلطانه يابةةةة اريد اجي يمكك ابويه ابوس ايدك تاخذني وياك
علي سمررر سمرررر
سمر هاها شكوو شكككو
علي كعدي كعدي دوختيني تهذين وتبجين شبيج
سمر. كعدت هاي شنو اني بدون ملابس جريت الجرجف ولفيت نفسي بي وصفنت ع علي واكول اني وين شلقصه شورطني شجابني شنو السويته وصرت بهل مكان شنو جان ذنبي بهل قصه صررت اكبر ضحيه وتدمررت كليا مبقت عندي طاقة اتحمل كل هل ضيم يارب ساعدني
علي. مودحجي وياج
سمر ها ها كك كوول
علي احجيلي ويامن جنتي وليش
سمر شحجي اذا انت اتهمتني روح للي شوفك صور وحجالك كوله ليش من انت مهتم متدخلت بنفس لحظه بعدين انت بيتكم كله كامرات واني ماعرف حته شون يستخدموهن ذني وتلفون ماعندي وحته عباتي عفتهة بذاك بيتكم شون اني طالعه
علي. من حجتلي صفنت حجيها صح شوون اني مافكرت بيها مبينه سهام تريد توكعها مواكوللكم اني غبي ماعرف اتصرف خلص لازم احل هل سالفه مايصير هيج
علي. اني من حقي كلشي سويته ومراح اعتذر عن شي راح اعوفج براحتج اريد انام تعبت
سمر ميحتاج تعتذر واني هم اريد انام تسوي. فضل اذا تعوفني
علي تمام عفتج
سمر. اخ ياربي شسوي هسه اني شون انام شوون اعيش حياتي واتاقلم ع الضيم لازم اتحمل بعد هذا قدري المصيبه مبيدي اي اي حل ابدا بس اني ملازم استسلم وابقه عايشة هيج عيشه لازم اكو شي مستحيل انو قسمتي هيج كل عمري احلم انو اتزوج شخص يعوضني حرمان اهلي وضلمهم ممعقولة هيج اتجازة... فرشت السجاده وصليت ودعيت ياربي سامحني واغفرلي اذا غلطت وعوضني بالإحسن اعرف انته مراح تحرمني وراح تجازيني ع كد نيتي واعمالي راجيتك يارب تعوضني وانت عد حسن ضن عبدك بيك اكيد
.
.
.
سهام ترا اني صوجي شفتهم وصورتلك صوجي
علي لعبتج غلط سهام غلط متعرفين اني اعرف كلشي ترة ودريت وشفت تصوير الكامرات ولعبتج الوصخةة
سهام علي بس والله من حركة دمي والله ماتحملت اشوفهة وياك
علي شنو متحملتي مثلا رجلج ومادري اني
سهام بس اني. بعدني احبك
علي شتحبيني انتي مرت اخوي وعندج جهال هذا الحب ميفيدج بعد ومستحيل ارجعلج لتنسين السويتي بيه
سهام بس اني ارمله هسه علي وتكدر تزوجني بعد ماكو مانع وبعدين اني شسويتلك
علي شسويتيلي مو شنو نسيتي شسويتي
سهام علي اني من تزوجت مجبورة ونته تعرف
علي. مامجبورَة مو كلتي ترا ادري كلش زين اخذتي احمد علمود الفلوس وبس وجان عبالج الاملاك بسمه مثل ماحجالج هوَة ورحتي تزوجتي وبعدين تفشلتي من عرفتي كله الي ولاخوي
سهام لا موهيج والله نجبرت اهلي جبروني علي صدكني
علي سهام اني تزوجت تنسيتي من اليوم ورايح تحلمين بعد ارجعلج ابد
سهام علي هاي فصليه مومرتك وحته ماكو حب بينكم حته اصدك هل شي
علي هاي فصليه صح بس حلالي ولعلمج بعد اني اخذتها
سهام شنو شنو اخذتها
علي يعني صارت مرتي اخذتها بعد
سهام تجذب علي مو شون تاخذها هاي وحدة اخوها مجرم
علي بعد هاي مرتي ومن يعجبني اروح يمها شوكت ماريد حلالي وملكي وانتي خلتفيدج الفلوس والطمع ومستحيل توصليلي ابد ابد. ويلا ولي من كدامييي
سهام علي بس اسمعني ابوس ايدك احبك والله
علي لتحاجيني بعد ويلا من كدامي
.
.
سهام مستحيل اخلي يروحلها لازم ادور حل بس شنو بيدي شسوي وارجعة لازم اخلي كدام الامر الواقع والعب لعبتي صح واخلي يتورط وياخذني غصب بس شلون؟؟
.
. بعد مرور عدة ايام
سمر اتاقلمت عل وضعيه وابو علي واخو كلش صارو اصدقائي واداريهم حجولي هواي سوالف وعلمني ابو علي على طبع ابنه حسيت ابو علي نفس ابوي وجنت من اضوج اروحله احجيله ويخليني يمه ويمسح على راسي نفس ماابوي يسويلي حرفيا جان ابو عوضني واخو علي هم كلش وكف وياي ونتشاقه ونسوي كعدات بس علي بعيد يجي يضربني يهيني ياخذ اليريدة ويروح بس صار اسبوع ابد مايجي لبيته بس بيت اهله ع كد الاكل وهوة وسهام ميتحاجوون بس سهام حقيرة وتحاول توكعني بمشاكل واني اتجنبها حيل وبقيت ع هل حال احد ما اجه يوم وعلي قرر يرجع الاربيل بس أهلة منعو ومسمحوله اله اني ويا اروح بحساب مرته ف هوة لحد الان ماقابل وان شاء الله ميقبل لان اذا رحت يدمرني
.
. علي اليوم بليل راح اروح ولحد يحاول يقنعني ويكلي لاتروح وعلى سمر راح اخذها وياي مثل متردون بس مابقة هنا
سمر ما ماروح اني عمو كوله ماروح ماروح ويا عمو ابوس ايدك

ابوعلي ميصير يابه رجلج لازم ترحين ويا انتي بنيه ميصير تبقين هنا بدونه
سمر عمو ماكدر والله ياذيني والله يضربني عمو ونبي يموتني
علي لجججج
ابوي علي علييي دحجي وياك
علي يابه كلت تروح وياي يعني تروح
ابو علي تروح بس مو تاذيها وذا تاذيها من هسه كلي اطلكها وازوجهة اخوك ترا
علي شدتحجي يابه شتزوجهةةةة اخوي هاي مرتي ترااا شنو نسيت فصليت منو هيه
ابو علي مانسيت بس هذا الموجود تحلفلي ماتاذيها
علي. من كلي ازوجهة اخوك انهاريت احساس غيرة مدري شنو بداخلي شنو يزوجهة اخوي هوة لوبيدي ابوشها اني كدام ال كل ماريد يشوفوون جمالها مونوب ياخذهااا اخوي
. هاهيه يابه احلفلك مااذيها بس لتفتح هيج موضوع وانتي روحي لبيتج هسه بسرعه ماشوفج هنا
ابو علي خليها نشبع منها قبل متروح
سمر اي والله عمو ماريد اعوفكم مومن ودي انت صرت حسبت ابوي شوون اعوفكم من جديد مثل ماعفت اهلي
ابو علي الله يخليج بنيتي لتخافين اجيج كل فترة ليهمج نشوفج وتملين منه
سمر هوة انتو ينمل منكم الله يخليك يارب
علي يلا كومي حضري جنطتج
.
سمر رحت مدري فرحانة مدري حموت قهر لان اني ماريد اروح ويا شكد جنت اروح لاربيل وي بابا وامي واتونس بس هل مرة اروح فصليه وي واحد اكرهة ويكرهني ماعرف شلون حتأقلم لميت غراضي ورحت اريد انام حته بليل متاخر نطلع بس علي ماجه ابد يلا لايجي خفتا وراحه .... .....
. .
..
.
.

سهام بما انو حتروح اريد نشرب شي سوة واعتذر عن البذر مني والله يهنيك من كل كلبي
علي مصار شي بس معندي وقت اشرب شي اعتذر غير مرة

سهام هوة بس اليوم انت هنا دخلي نكعد شوي
علي اصريتي يعني تمام
سهام يلا تعال شون عصير يخبل يشفي الجروح
علي اي سالمة ايدج يلا
.
.
. سمر هوة كال بليل نطلع وهسه صار الفجر وماكو شنو القصه اروح الهم لو شنو او شعلية اني عسا لا راح.. داحجي وي نفسي واسمع صوت صياح ياساتر ياربي لبست عباتي وركضت البيتهم الجبير وريتني مرخت وشفت شصاير متجمعين كلهم بغرفة علي وجان علي.....
لهنا ينتهي هل بارت اتمننة يعجبكم واشوفكم ببارت جديد احبكم كاتبتكم هبة الحسيني🤍🥺