علاقات محرمة

❤️المقدمة +1❤️

#علاقات محرمه
الحلقة 1
#سنيوريتا لولي💙

رجعتت من بعد غياااب حوالي عدة شهور بأقوا رواااية ح تكون بإذن الله...
#ح نبذا الرواية بعيد ميلادي 🥺😂❤️

في ليلة بتاريخ #12/7 1999
ولدت #غزل في هدا اليوم يلي سبب مشاكل وفراق  امها عن بوها وكانت هي سببه💔 ....
زهور: كانت تاعبه هلبا وقت جابتها ومع هدا مجرد ما قالولها بنت جبتي قعدت تبكي بحرق ونار زادت نفسيتها اكتر وتعبت اكتر ورجعت دخلت في غيبوبه 😥💔

# قدام الغرفة الولادة....

خالد: هااا شفت بوي قتلك اني بتجيني بنت من نطلقها ومن نتزوج لنحبهااا اخر كلام عندي .
الجد محمد: لاحول الله ياربي حكمة ربي بتعارضها يا ولدي وبعدين من امته تخالف كلامي انت 😤
خالد: يا بوي عمري ما خالفت كلامك وزوجتني انت بدون حتي ما تسمعني وما خليتني نتزوج لنحبها ومع هدا فوتت وسكتت وقتلك لو بتجيني بنت بنطلقها وهدا كلام متفقين عليه من شهوور فخلي عندك كلمة يا بوي .
الجد محمد: تم تم دير لفي راسك ونظم امورك بس من اليوم معش تحلم نصرف عليك وتحمل مسؤلية نفسك 🙂
خالد: تمام تمام هدا لتبيه انت من قبل  🙂

بعد مرور ايام دار خالد لفي راسه زي ما كانت تعبيله فيه حبيبته ويلي تقوله عليه ينفذه مش حاسس بي بنته ولو شوية طلق مرته ولوحها في حوش اهلها واعطها مبلغ كبير من المال ومعش سأل عليها ولا دورها ولا قال عندي بنت من الاساس🙂💔

غزل: تعبت امها هلبا تعيط وبس ومتخليش فيها ترقد وكانت زهور تبكي كل ليلة ع يلي قاعد يصير معاها وكيف تتطلق من راجلها بدون اي سبب بس ع خاطر بنت وان هو كان مغصوب عليها في زواجها متهنتش معاه ولا يوم من لما تزوجت حتي بنت كانت جيتها غلطة ااااي غلطة 💔
رجع تفكيرها للماضي زهور وتفكرت كلام خالد
خالد: خليها في بالك ما تحوليش ديري اي تصرفات تخليني نحبك ولا نهتم فيك ولا نحس بأي شعور تجاهك 😏
زهور: كانت طيبة هلبااا ومتسمعيش صوتها كانت تسكت وما تتكلم تعود هو عليها يهزب ويهين فيها ويقلل من احترامها قدام العيلة بس الجد محمد كان ديما واقف معاها وسلفاتها  كانو يحبوها ويحترمو فيها بس خالد كان معمي عيونه وما يشوف غير عفاف يلي كانت واخده عقله 🙂
زهور: ناضت ومسحت دموعها وخشت توضت وصلت ركعتين حتي ترتاح نفسيتها وتوقف بكئ🥺
.
.
اما عن خالد فرحان وكإن ملك الدنيا بعد تزوج من عفاف بس الكل تغيرت معاملته معاه في كل شي معش يكلمو فيه ولا يحترمو فيه ولا دايريله قيمه بس هو مش مدورهم ولا عاطيهم اي وجه كانت تمكر فيه عفاف وان هو صح ومدورش اهلك ومن كلام خبيث هدا  يلي زاد  الكره والحسد يلي متعوده عليه عغاف غرسته في قلب وعقل خالد المهم يكون ليها ويسمع كلامها وباقي طزز فيهم 🤦🏻‍♀️...

بعد مرور عدة سنوات ....
كبرت غزل وصارت تقرا بالجامعه كبرت وعرفت الصح من الغلط كبرت وعرفت ماضي امها وان هي سبب كانت في طلاق امها كرهت التاريخ يلي جت فيه ع دنيا وكرهت حاجة اسمها بابا بس وقفت امها انها ما تخليها تشوفه ولا حتي تعرف عنه ميت ولا حي ولا كإن عندها أب غرست كره وحقد تجاه والدها
وإن لو صادفني الوقت وتلاقت معاه ح دفعه ثمن اغلاطه كلهااا لسببها لي امها وكل دمعه نزلت من امها وكل ليلة بكت فيها ح تردله...
قررت غزل انها تفكر في مستقبلها وانها ح تكون حاجة كبيرة ترفع راس امها فيها وفي خوالها يلي تعبو في تربايتها
حطت في راسها حاجة وحده بس ان يسمع والدها عليها وينصدم في بنته كيف كبرت وصارت و تخليه ينذم في اليوم الف مرة علي يلي داره معاها ومع امها هدا كان هذفها بالحيااااة ويلي حابة توصله 🔥