علاقات محرمة

الحلقة 12

#علاقات محرمه 12❤️🔥
#لايك قبل ما تقرو ❤️
#سنيوريتا لولي♥️
بعتذر عن تأخير اعتقد وضحت هدا بالأغلب قروبات وقناتي ع تيلي انو واخده لقاح الكورونا وتعبت منها ف بليز قدرو الظروف يلي نغيب فيهم وما ننشر الرواية🙏
.
.
.
خالد/ واقف يستني في غزل تعيد عليه🥺
غزل/ قابلت بوها وحطت عينها في عينه ودموع كيف ينزلو ح نسامحك المرة هادي وحابة افتح صفحه جديدة معاك بس مش ح ننسي لدرته فينا وماما يا ....وسكتت
خالد/ يبكي قوليها بنتي باللهي عليك نبي نسمعها منك
الجد محمد/ سامحيه ياغزل عشاني وع خاطر عيلتك ترجع تلتم جديد
الكل قاعد يستني في رد غزل
غزل/ جدي مش ساهل هو واحد يسني لصار معها تي هو طلع ماما ع خاطر غزل جت ع دنيا اااي غزل جت طلقهاا كان يبي ولد ياريتني جيت ولد راهو توا ماما معانا 😭
عمار/ كان يبكي ع غزل وربي احلي غزل جت ع دنيا الحمدالله جيتي بنت
عمر نخصه بيده تي صكر فمك بلا هبال
غزل/ ح نسامحك بس ع خاطر عيد ولازم نسامحو بعضنا ح نفتح صفحه جديدة معاك ومع العيلة كلها بس صدقني مستحيل ننسي لصار والله
خالد/ باهي مش ح تحضني بوك يا بنتي
غزل/ تقرب بالطشه وبعدها جرت في حضن بوها وكإن طفل يجري في حضن امه غزل قعدت حاضنه بوها لدقائق وهي تقول لييش يابابا ليييش طلقت ماما ليييش ليش بعدت علينا ليييش انت ما فكرتش تسأل علينا 😭😭😭
خالد/ كان يرد في كلمه سامحني اسفه سامحني اسفه عارف غلطت بحقك
عفاف/ كانت تشوفلها وقلبها يغلي غلي
ايهاب /كانو دموعه ينزلو ونفس الوقت يبتسم
غزل/ بعدت من علي والدها وقالت الله يسامحك
ورجعت تسلم وتعيد ع باقي العيلة
وصلت في عمار عيدت عليه وتبتسمله بدون ما تحضنه
عمار/ كان يبتسم وقرص خدها بالطشه😂
وصلت في إيهاب
ايهاب/ كان يتمني تحضنه بس ما قربت عليه
غزل/ بإبتسامه كل عام وانت بخير
إيهاب/ وانتي بخير وقرب من وذنها أحلي بنيه جت ع دنيا ومرة تانيه معش تقولي ياريتني جيت ولد
غزل ضحكت حاظر🤭
الجد محمد/ العيد كمل واحني نعيدو ونسلمو ع بعضنا نوضو هيا وتو العصير والشكله اهلي وناسي قريب يخشو  والجيران واقارب
العيلة تضحك كلها
الشباب والرجالة طلعو برا
والبنات دخلو ويجهزو في الحلو وسكاكر العيد لصغار
عمر/ عارف ان ما عيدش ع رغد وكان يبي يعيد عليها بطريقته الخاصه
عمر/ خيرها هكي القهوة مرة من ندارها
رغد/ خافت وردت حي انا والله درت بس فيها سكر
عمر/ هاتي صبعك ها ذوقيها
رغد/ معش تعلم بروحها وحطت فيها صبعها وذاقتها
عمر/ ايوا هكي توا فناجي فيه سكر يا سكر انت انا بحبك ياسكر
ايات وغزل /يضحكو
ابرار/ شافت ايهاب جاي سكتت
ايهاب/ تطلع يافرخ شن دير داخل اطلع
رغد/ خزو عليك ياعمر خوفتني والله وقلبها من داخل يرقص من فرحه ومن لصار😂
عمر/ طلع يجري وخاف من ايهاب
غزل/ ياعنجد الرومانسيه 😂😂
رغد/ عينك خرفي
ايات/ وربي فرخ يحبك غير انتي مش عارفه من عامي عيونك ما تشوفيش فيه
رغد/ سكتت ماحبتش ترد
هند/ دخلت عليهم شن ديرو
غزل/ جت يلي من وجها رايح احمر واضح عليها كانت تكلم في كبيدة😒😂
هند/ حسني تحشمت عيب
ايات/ في مسرح مصر زي ما قال مكسوفه يا أختي حلاتك انتي وخجلك😂😂😂
هند/ هه‍هههه خزي انشالله تجربو هالشعور هدا وبعدها تنوريكم ع تسهويكم انتي وياها😂😂
غزل/ احكيلنا شن جديدك انتي وياها
هند/ خبرني قالي جهزنا كل شي وبيعزم اقاربه معاها بجو  وقالي بوي اول ولد ومش منقص عليك شي
ايات/ مشالله ربي يتمم ع خير يارب🥺❤️
غزل/ حقا مش ح تمشو لحوش جدودكم
رغد/ لا بنمشو احني اليوم قال جدي برو اليوم وغدوة نبي كلكم هنا عشان بيان هند
ايات/ اي
هند /لكن انا مش ح نمشي الحق بنقعد هنا معاك ياغزل لو مش ماشيه
غزل/ اي مش ماشيه لاغدوة انا حوش خوالي بس مش ح نبات الحق
هند/ اها كويس اهم شي تكوني موجودة في بياني وما نبي شي تاني 🥺
غزل/ قديش عندي هند انا
هند/ محلاك وخلاص🥺❤️
منار/ جتهم اطلعتو بنات عيدو ع جارات واقارب
غزل/ تعرفو حسني ما خطريش نطلع نقابل حد
هند/ لا عيب هيا خلي نطلعو كلنا جميع
طلعو كل البنات وسلمو ع الجاي وع ماشي وغيرة جوهم واكتر شي كانت العين علي غزل لان جديدة عليهم اول مرة بشوفوها فكانو الكل يشوفلها بنظرات  غريبة
غزل/ فيا شي بنات لان حاسة الكل يشوفلي يحسسو فيا نانسي عجرم😂
ابرار/ لان جديدة عليهم ف شي أكيد هدا العين عليك
غزل/ ااي اي 😂
جئ وقت الظهر ودخلو يجهزو في الغذئ السلفات ومعاهم البنات وزحمت العيلة
خديجة/ غير كان يجي واحد من الأولاد يقولولي قديش نفر ومتغذئ هنا بيش نعرفو قديش نديرو قعد
🔥ســنـــيــوريــتــــا لــــولــــي🔥
🔥ســنـــيــوريــتــــا لــــولــــي🔥