علاقات محرمة

الحلقة2

#علاقات محرمة 2
#لايك قبل ما تقرو
#سنيوريتالولي💙
.
.
.
غزل: شنو في خالي علاش طلعتني من محاظرة
خالها مروان : ساكت ومصدوم ومش قادر يتكلم وعيونه مفتوحات وشاد روحه عشان ما يبكي
غزل: خاااالي خوفتنييي رااااه شن صاااير قوولي
مروان: توا توصلو توا تعرفي
غزل: لأااا تواا نبي نعرف قووولي
مروان: يجري بأقصي سرعه وما ردش عليها
وصلو للحوش وكانت الدنيا معبية سيارات وزحمه الصغار والرجالة
غزل: فتحت باب ومشت تجري قعدت تنادي بصوت عااالي ماما
زهور: مقعمزة وتعيط علي امها
غزل: دخلت ولقت امها طايح وتعيط والجيران يساندو فيها
غزل: طاحت جنب امها ع ركبيها وقعدت ضبط في امها وتبكي عليها نحسابك انتي صارلك حاجة ياماما وقت خالي جاني بروح بيا قلبي مات والله متحملتش اي صدمه وقتها
زهور ميمتي يابنتي سيبتني وعدت عندي من بعدها اني اااه ياربي اعطيني الصبر والقوة اااخ ياربي صبرني علي فراقها اخخخ ياربي ماعندي حد غيرها في دنيا اااااخ ياربي اخخخ😭😭
غزل: لحمها يرعش مع بعضه ومعش قدرت تتحمل العياط امها أكتر
دخلو خالات غزل وكل وحده تعيط بصوت عالي وكإن معش عندهم حد في دنيا غيرها
التمو الناس وبدي يتعبي الحوش
غزل: كيف ماتت جداي سيبتها راقده انا
خالتها ناجية الكبيرة قعدا تصبر في العيلة لقوها ميته في فراشها امك قعدت تنوض فيها ما بتش تنوض لقتها ميته ربك يحبها رفعها بالساهل بدون ما تتوجع
غزل:ياروحي عليك جداي الدوام الله ربي يصبرنا عليها جداي كانت مونستنا في حوش منو عندنا غيرها يهدرز علينا ولا يغيرلنا جونا عندناش حد  راه 😔💔
ناجية: الله غالب يا بنتي ماعندنا ما نعارضو حكمة ربي وبعدين منخلوكش لا انا ولا خالاتك ولا خوالك انشالله
غزل: تمسح في خشمها بالمنديل انشالله خير يارب
.
.
.
رغد وابرار كملو محاظراتهم وقلبهم كله قعد مع صحبتهم غزل
"تعالو نرجعو شوية كيف تعرفو عليها
تلاقو جميع وقت ولد كان يعاكس في ابرار ورغد وقت كانو جايبين ملفهم وبسجلو بكلية الهندسه
غزل كانت واقفه جنبهم ما قدرتش تسكت دافعت عليهم ومن وقتها تعرفو ع بعضهم وقعدو صحاب 😂"
ابرار: توا نعرف شن ندير
رغد: شن يافرخه
ابرار: بنتصل بيها
رغد: منين لقيتي رصيد مش ماعندكش
ابرار: حصلت زوز دينار😋😂
رغد: خايينه منين يافرخه لقتيهم 😒
ابرار: عمار وعمر طلبو منين نديرلهم قهوة وانا قلتلهم بشرط واعطوني لنبيه ودرتلهم قهوة مش خدمه باهيه ولاه 😂😂
رغد: تيسه واللهي عرفتي كيف تخدمي😂😂
ابرار: مزال كل يوم ليطلب من نديرله ونضملهم دارهم وليبوه بس بمقابل😂
رغد: بههه هيا غير اتصلي بغزل
ابرار: اصبري يرن

ترن ترن ترن ترن

غزل: عرفت صحباتها مشغولات عليها ناضت وطلعت ركبت فوق سطوح حتي تكلمهم ردت
غزل: بصوت تاعب ايوا بيرو
ابرار: اهلين غزل
غزل: اهلين فيك
ابرار: وينك شن فيك علاش طلعتي من محاظرة شغلنا عليك
غزل: تتكلم وتبكي جداي توفت هدا علاش روحت
ابرار: لا حول الله البقاء لله
رغد: مني وشن في هاتي تلفون ايوا غزل شن في
غزل: جداي ماتت
رغد: ربي يرحمها انشالله توا نكلم جدي ونجو بعدين
غزل:تمام انشالله بس متعرفوش مكان مرات
رغد: اسمك ولقبك من خلي نقول عليه لجدي
غزل: قوليله غزل الشافعي يسكنو جنب جامع...
رغد: تمام حاظر في امان الله نتلاقو ديري بالك ع روحك ياغالية
غزل: تمام حاظر باي
شوية جيء عمر بروح بيهم
رغد: فتحت الباب وركبت من تالي وخلت ابرار تركب من القدام
عمر: خيرك مطرمه رغد مش من عادتك شن فيك
رغد: باللهي اسكت صحبتي جداها ميته ومنبيش نضحك 😭
عمر: ووووه 😂😂😂عليك يارغد من امته تبكي انتي
ابرار: ااي حق مش وقت ضحك
رغد: غني ع عمرك غني
عمر: ومن هي بنت هادي يلي ما تبوش تضحكو ع خاطرها
ابرار: مش لازم بنت وخلاص
شوية ودهمو ع ايات وهند
ايات: شن الجو يافرخات
عمر: خليهم متكلمهمش البنات حزينات ع خاطر صحبتهم جداها توفت 😂😂
ايات وهند/ انفلقو ضحك عليهم😂😂
رغد: اللطف ياربي وخلاص بنعيييط رااه اسكتو الهم مانبيش نضحك
ابرار: انفقلت ضحك معاهم 😂😂😂
عمر: عيب هيا خلاص كل شي إلا رغودتي ايوا
رغد: رغودتك عينك نوض تل يشحطك🌚
ابرار: مهم من نكلمو جداي يرفعنا نعزو تمشو معانا ايات وهند
ايات: كان وافق جدي تلقوني اول وحده
هند: لالا إمشو مش ماشيه
رغد ملحي ع اساس واقفه عليك
اما عز الدين روح بي باقي بنات
حنين وجمانه
وصلو ع حوش
كانو حاطين الغذي ويستنو فيهم امته يوصلو
غيرو حوايجهم وقعمزو كلهم ع صفرة
خالد: جنبه مرته وصغاره
وبنات  مقعمزات في جيهة  و الشباب في جيهة
ابرار: بصوت واطي قوليله جدي رغد
رغد: يا جدي
محمد: نعم رغد
رغد: بنقولك ترفعنا نعزو في صحبتي جداها توفت
محمد: منعرفش كان فضيت كنهدا برو مع واحد من الأولاد بس منو هي صحبتكم
رغد: ااااءء اسمها  غزل الشافعي هكي قالتلي
محمد وخالد /مجرد ما سمعو الاسم وكإن مية مثلجة نزلت عليهم
محمد: كييييف من وين تعرفوها انتو البنت وين تلاقيتو وشن وصلكم فيهاا كلمه وراء كلمة
خالد: صمت حتي كلمة لاااا وسلفات يشوفو لبعضهم وبس مش قادرات يتكلمو
"طبعا محمد منبهم كلهم سر هدا ما يعرفه حد غير الكبار صغار مانبوهم يعرفو بيه "
محمد: فكر بين نفسه لو رفض وما خلاهم يمشو وقتها بشكو او بحسو بشي ف وافق وان هو يرفعهم بنفسه
محمد: تمام وتو روحكم مع ساعه 5 عصر
رغد: واااخيراا شكرا جدي تمام حاظر ع وقت نكونو جاهزين
خالد: ناض من ع صفرة وطلع وقلبه وتفكيره كله يجيب فيه مع بنته مجرد ما سمع إسمها معش قدر يصبر عليها وكإن قلبه قعد يحن عليها وكان يلقي يشوفها
ناضو البنات بعد ما كملو غذي
جداهم وين نايضاات قعمزي انتي وياها  اغسلو ماعين قبل ما تمشو
رغد وابرار /مش علينا اليوم علي جمانه وحنين صح ولاه
جمانه /مفلحكم بتمشو وبتحصلونا في مااعين هدا فيش فالحات
ايات/ وليش ما تغسل مناار علي راسها ريشه تخش تغسل الماعين مش احني بس
منار/ معش تجبدي اسمي ع لسانك يافرخه
عفاف /بنتي صغيرة ومزال مش ح نخليها تغسل نبيها تركز ع قرايتها توا بس😌
ايات ياااي ع اساس بتحظر الدكتوراء هي مصيرها كووجينه وغسل وتطيب وطوبو علي زوز🙂
رغد/ جدييي كلمها مافيش فرق بينا
جمانه: ااي جدي شنوو هدااا مافيش فرق ايوا
ايات: اشرتلها حسابك بعدين يافرخه تنوريك انا
منار: عجبتها😛
اكرم وعمر وعزو ميتين ضحك عليهم نوضو اغسلو ماعين وانتو ما فيكم كان دوة
رغد : غمزة😉 لعمر نوض ساعدنا عمر🥺
عمر :توا عمرر
ايهاب ناض من ع صفرة وقال الحمدالله وطلع لداره
"تذكيرر  هند هي مخطوبه من ايهاب ايات مش مخطوبة"
هند: قعدت تشوفله لا حتي اختفي
محمد: اني راسي بيتفجر من خش نرقد ما نبيش نسمع صوتكم العصر نلقاكم واتيات
ناضو السلفات وخلولهم الصفرة يأكلو
وقعدو كلمة بكلمة بنات
عفاف: شدت بنتها وركبت لشقتها
جمانه :وحقربي لا من نشدها لا ما نقتلها وقولو ما قالت جمانه
ايات: معااك حتي اني
رغد: واني ع امهااا اخخخ كان نشدها نربيها من اول وجديد
عمر: حسنيي خفتت هدا انتي يا رغد😥😂
ابرار: حتي اني معاك رغد😂
رغد: بدلع تعرف شن خاطري توا عموري
عمر: شن رغودتي ترا قولي
رغد: عرفت جريدة الخضراء لفي نخلة ولاه
عمر: اااي به
رغد: بصوت عالي خاطري نطيح فيك طريحه بيهاا ع جلدك نخليه قوز قزح 😤😤
عمر: هبلتيي انتي
هند: تييي اسكتي ساد وانتو زي قطوس وفار
رغد: ما هبلتش رسمي نحكي🙂
حنين: وبعدين به بتسعدونا ونكونو يد وحده ولا شنو يا شباب وصبايا
ايات: عزو اكرم هيا نوضو سعدوهم ضمو ع اقل مطبخ بس🥺
عمر: وانا ع خاطر رغد بنسعدكم 🥺
رغد: وخيتي محلاه ليفهم عليا مش منك من جريدة الخضراء😌😂
ايات: يلا هيا قدامنا للمطبخ
دخلو للمطبخ  وكل واحد شد حاجة ينظف فيها عمار يلم في معاين وايات وجمانه وحنين يغسلو في صحون ورغد تنشف في الغاز وعمر يبصر عليها
عزو قعد ينظف في طاولة الأكل
أكرم يكنس في مطبخ
عمر: واللهي إلا بايرات باهي مش عارفه امته بتعتمدو ع روحكم بس
ايات: في حاجة اسمها غسالة ماعين
ابرار: مش عارفه علاش ما ياخدوهلناش خلي نهتمو بإيدينا شوية
عزو: ع اساس متع اهتمام انتو ارقدي انتي وياها😂
عمار: عرفتو ليش ما يبوش يخدوهلكم
البنات: لييش ؟؟؟
عمر وعمار لان في هلبا في حوش غسالات ماعين مش لازم منها
البنات :كل وحده سلبت شبشبها وطاحو فيهم ضرب😂😂هربو بكل من مطبخ
رغد/ تففف باردين نننن خَدامات طلعنا خَدامات يا عارنا وخلاص🤦🏻‍♀️
ايات/ توا نقولو ع جدي يشرهلنا سادنا عيينا🤦🏻‍♀️
رغد: ااايه بعد كل وحده تكون في حوش راجلها وقتها يشروها 🤦🏻‍♀️
جمانه: هيا وقت راهو لينا سعتين واحني نغسلو