علاقات محرمة

الحلقة10

#علاقات محرمه10❤️🔥
.
.
.
صكر الخط الحاج محمد/ منو هدا يا هند لجابتهلي بيخطبك متقوليش نفسه لكنتي تكلمي فيه ولاااه
والد هند/ يشوف لبنته بنظرة تخوف
غزل/ بلعت ريقها معش عرفت شن تقول
هند/ صمتت معش عرفت شن ترد
الكل يشوف للجد ولهند
الجد محمد/ نكلم فيك اني يا هند هدا نفسه قاعده تكلمييي فيه
هند/ شافت لغزل بمعني تكلمي
غزل/ خليها يا جدي متكلمش فيه بس شفت كيف بنتك كيف راجل قاعد يبيها ومجرد ما عرفت انها نفصلت عن ولد عمها جاها طول مفروض...
الجد محمد/ انتي اسكتي غزل
هند / بشجاعه ااي نكلم فيه وما سيبته الولد كان راجل معاي وما سيبني بكل واهو توا بجئ يتقدملي مفروض تفرحو لبنتكم حبة الراجل الصح وبعدين اني موافقه عليه وكان انتو رفضتو
والد هند/ شنن بديري تراا كان رفضناه بتهربي معاه زي المراهقين
غزل/ وقفت مش هكي يا عمي قصدها حرام خيركم هكي انتو هكي تخلوها تتصرف تصرف هدا في حالة رفضتوه ف باللهي خلونا نفرحو ولو مرة معاكم مليت من نكد وتعبت وسيبت الفطور وناضت مشت
ايهاب/ يشوف لغزل بعيونه لا حتي دخلت ع حوش
هند/ لحقت غزل
رغد وايات وبنات لحقو غزل وهند
الجد محمد/ قعد يفكر بإجابية وقعد يشوف جانب إيجابي للعيلة لان خاطرهم في فرحه كبيرة زي هكي وقفت نوضو جهزو الضيافه بعد العشئ بجو نبيش اي حاجة ناقصه
السلفات /بفرحه ناضو وكلمو بنات يساعدوهم
جمانه تعالو انزلو جدي وافق وقال جهزو كل شي مانبيش حاجة تنقص افرحو بنات واخيرا بنفرحو في الحوش
ابرار/ حي هيا ننزلو نضمو الصالة والمربوعه بسرعه ومجموعه تغسلو صحون مع نسوين عمامي
غزل/ بفرحه انا عليا هند من نقعد جنبها
هند/ حي وقت عليا بنستشور شعري وستين حاجة بنديرها
غزل/ تعالي لشقتي وخودي راحتك فيها هيا نوضي وقت علينا
العيلة /تجري وكل وحده دير في حاجة
هند/ شنو بنلبس باااهي قوليلي
غزل/ خليني تعالي نشوفلك توا خلي نستشور شعرك قبل
هند/ اوووف قلبي ينبض بسرعه خايفه تعرفي
غزل/ هدا الحب ياحنه تساهلي
عمار وعمر/ ينضفو ويساعدو في بنات
عمار/ يدور بعيونه علي غزل حنو يا مشفشفه وين غزل
حنين/ تلبس في حنين في شقتها
عمار/ اها
ايات/ بسرعه بنات خلونا حتي احني نجهزو روحنا
رغد اي بلكي نحصلو واحد مع هند في حالة كان طرف خطيبها 😂
عمر/ شافلها بحرقه عينك تعرفيها ولاه جاين بشوفو هند مش رغد
رغد/ شقلبت عيونها نبصررر 🥴
ابرار/ العشي يذن حي علينا وقت
المهم فاتت نص ساعه وكل واحد ركب لداره يجهز في روحه
الجد محمد/ ايوا هشام
هشام اهو احني في طريق قريب نوصلو
الجد محمد/ توصل ع خير تعرف نعته وين ولا نقولك
هشام لا لا عارفه
الجد محمد/ تمام كويس ربي يوصلكم ع خير
هشام/ امين هيا نتلاقو
منذر كان يسوق في سيارة وقلبه قريب يطلع من الفرحه
هشام /انشالله يوافقو بس
منذر/ انشالله موافقين
هشام/ وكان ما وفقوش قتلك
منذر/ غصب عليهم 😌
هشام/ توا نشوفو سوق سوق 😒
البنات/ جهزو روحهم ونزلت يجهزو في ضيافه
ايات /انشالله وحده منكم تمشي في جرة هند
جمانه /كانهو انتو خاطرك انشالله انتي احني مزال صغيرين 🙄
ايات/ تحشمت لا اني مزال 😌😂