آنتي_للمُّر ِ_سُكر

1

#آنتي_للمُّر ِ_سُكر《01》🖤🍬
#بقلم_ايمان_ماجد*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
" مِرارًا وتكرارًا ، أنتي للمُرِّ سُكر🖤"

  في احدى القاعات الدراسية الخاصة بجامعة السودان كلية التمريض :-
الدكتور: ... يلا ي شباب بكدا نكون خلصنا كورس الانتومي للسمستر دا بحمد الله .. الشيتات التسجيل عند المنسق وكذلك الاسليتات وشدو
حيلكم لانو امتحاني م ح يكون ساهل ... يلا في أمان الله☺👋... المحاضر لملم باقي  اغراضو وشال شنطتو  وودع الطلبة وطلع من القاعة ....
في واحد من البنشات كانت_رزان_قاعدة اول م المحاضر طلع شالت تلفونها الكان برن بإلحاح طواال وقت المحاضرة وكانت حاسة باهتزازو جووه شنطتا...، طلعتو على عجل وبقلق ولقيت ٦ مكالمات فائتة من ابوها....بدا جسمها يرجف ودقات قلبها اتسارعت.."يارب خير.......، انشاءالله يكون خير😓".... ضغطت على "الرد باتصال" والخوف بيزداد مع كل جرس بتسمعو ...لحدي م ابوها رد
_الووو ابوي في شنو ....
= مزمل : ..رهف ي رزان
_رزان بخوف وهلع: رهف مالا ي بابا كويسة صح 💔💔م تقول لي حصل ليها شي تاني💔💔
_ابوها وكل تعب والم الدنيا في صوتو: تعبت تاني... و....ما قدرت تتنفس..اضايقت شديييد💔💔.... اخدناها المستشفى واسي في غيبوبة وما معروف الح يحصل شنو بس ربنا يعين💔.
  رزان كانت بتسمع الكلام دا وبتلملم في حاجاتها وجسمها برجف خايفة تفقد اختها الوحيدة الاصغر منها "رهف💔" المبتلاة بكانسر في رئة ليها سنتين تقريبا ...في السنتين دي ضاقو م ضاقو من الالم والوجع والخوف والقلق عانو م عانو وهم بشوفوها بتتوجع وبتبكي لمن تاخد جرعها الكيماوية ودموعها على خدها وماف استجابة اتألمو بقدر المها والعلاج بيسري في اوردتها والألم بيشل حركتها وتتنهد بوجع وهي لسه طفلة م اتجاوزت ال١٢ سنة .... اتوجعو بقدر وجعتها وهي بتفقد شعرها وزعلانة عليهو وما قادرة تتقبل الفكرة دي... اتوجعو لمن شافوها بتعاني في التقاط انفاسها بين الفترة والتانية ويجرو بيها المستشفى تاخد أكسجين حتى ترجع انفاسها طبيعية اتوجعو وهم شايفين الاطفال الفي عمرها بلعبو في الشوارع شايفنهم راجعين من المدارس وهي المستشفى بالنسبة ليها اصبحت مكانها المعتاد وبيتها التاني... كلو قضاء وقدر ومؤمنين بيهو ولا اعتراض عليهو بس يلا الوجع حااار وما بتحمل والصبر احيانا بيخذلنا وبننهار وبنبكي وبنعاتب "ليييه ي الله 😭💔.." بس نرجع ونستغفر ونقول "اذا احب الله عبدا ابتلاه💔" واكبر ابتلا انك تشوف المرض بنهش في ابنك، في اخوك ،في اعز انسان على قلبك .....،وما بيدك شي غير الدعاء💔... اصعب حاجة يكون الالم ملازم ليهو والموت ممكن يكون الراحة الوحيدة من والوجع الاصابو...،  بجد دا اصعب انواع البلاء انك تكون قاعد على اعصابك سنتين متوتر وخايف تحت اي لحظة يزفو ليك الخبر المؤلم  والمحتم حدوثو ولا مفر منو 💔...

".. اميرة ومزمل (والدا رزان) ربنا رزقهم بنتين بس وابتلاهم في بتهم الصفيرة "رهف" كانو مكرسين كل حياتهم ليها ولعلاجها الما منو امل اسرة مزمل تقريبا كانت (رهف ومرضها) المحور الذي تدور حوله حياتهم .. حتى رزان م كانت راضية تسافر الخرطوم بعد امتحنت وشالوها الجامعة عشان م تكون بعيدة عن رهف بس اقنعوها انها لازم تشوف مستقبلها وياريتها م اقتنعت بقت عايشة على رعب وخوف يومي كل م تسمع رنة التلفون قلبها بنتفض وبتدعي انو م يكون سبب الاتصال  ' ذالك الخبر  المتوقع والمسلم به '... عارف لمن يكون الانسان بعيد... القلق بيتضخم ...،والخوف بيتضاعف ...،والتفكير بزيد بتبقى  الحياة صعبة جدا جدا تحت رحمة التوقعات والتهيئات  💔😢.."
  ***
رزان بت هادئة عمرها ٢٠ سنة بتقرا تمريض في السودان زولة مسؤلة بتحب من قلبها كتومة عااقلة او شبه عاقلة شخصيتها دايما موزونة تحسها بتفكر قبل تعمل اي شي متعلقة برهف شدييد ويمكن المرض خلاها تتعلق بيها زيادة وزنها وطولها وسط نحيفة قمحية شعرها اسود مجعد وكثيف "كيرلي" عيونها عميقات بشكل فظيع كحيلة طبيعي .
   *****

    ......................
رزان رجعت بيت عمتها /القاعده معاهم  في الخرطوم ../ .. لملمت وحزمت شنطتها وشالتها طالعة بيها كانت عمتها في المطبخ بتعمل الغدا لمن دخلت رزان راجعة من الجامعة ولسه في وقفتها وم مرت ثواني شافتها طالعة من غرفتها شايلة شنطتها جرت عليها بخلعة واضحه في صوتها ....
=عمة رزان (جواهر): بسم الله ي بت مزمل جنيتي ولا شنو؟؟؟ ماشة وين ي بتي ؟؟ ...الحاصل شنو؟
_رزان وصوتها برجف ودموعها بترقرق في عيونها : ...رهف ي عمتو😢💔... رقدت مستشفى تاني وداخلة في غيبوبة من امس بليل ..
=جواهر  بأسى : كُر علي حبيبتي رهف ربنا يشفيها عااجلا 💔😟
_رزان : ....انا م بقدر اقعد هنا التفكير والقلق ح يقتلني ....تصدقي انا م قاعدة انوم الليل ي عمتو 😭😭 م قادرة اركز في محاضراتي 😭💔 م قادرة اضحك واتونس ضحكة صادقة طالعة من أعماقي 😭💔..انا خلاص حسمتا أمري ح ارجع واكون جنبها لحدي م تتعالج لاني منقسمة لاتنين جسمي هنا وتفكيري هناك معاها ... انا راجعة بيتنا عمتو جواهر....، اعفي لي لو ضايقتك او كنت ثقيلة عليك الفترة الفاتت دي تعبتي معاي والله وما قصرتي واتحملتني ....
=جواهر بخلعة: سجمي ي بت مزمل دا كلام تقوليهو؟؟ .... وطوالي جواهر لمت شعرها بالباندة وقالت وهي متحركة على غرفتها : طيب البس ونستنى سيف  يجي يسفرنا بالعربية ... انا زاتي ماشة اطمن على بتي واقيف مع مزمل في اللحظات الصعبة البتمر عليهو دي ...
وفعلا في لحظتها ضربت لولدها ( سيف الدين) ... وقاليها انا في مكان قريب ربع ساعة بالكتير واصلكم ...
  'جواهر دي اخت مزمل (ابو رزان)الكبيرة اتزوجت بدري وسكنت الخرطوم اولادها كبار اغلبهم خريجين جامعات وبناتا متزوجات التلاتة وعندها بت واحدة متزوجة وقاعدة معاها في البيت دي راجلها مغترب ..أما سيف دا اصغر اولادها في البنات والأولاد وهو القاعد معاها في البيت اتخرج هندسة نفط وبترول قبل سنتين ولقى وظيفة طوالي بمشي ٢٠ يوم في مكان التكرير في ابار النفط الخام وبرجع بقعد ٢٠ يوم في البيت '..
  ***
جواهر انسانة مرحة وحساسة وقريبة للجميع الكل برتاح ليها قصيرة مربوعة جنها ضحك روحها شبابية
اما سيف مدلل امو طوييل اسمر شعرو مفلفل وناعم فيهو رزانة وعقلانية شخصيتو جذابة لحد ماا
---------------------------------
يتبع 😴💛
_________________________
اذا لقيت دعم بتابع ان شاء الله ❤️.