أيهم: جدي هو انت ساكت ليه المخطوفه دي تبقي ملاك حبيبتك فتاتك المدلله جدي انت عارف هي فين سكوتك يدل علي كده
الجد:انا مش ساكت انا بدور زيي زيك وبعدين دي حفيدتي هسكت ليه
أيهم بشك: ماشي ياجدي انا همشي وهعمل نفسي مصدقك بس انا مش هسكت خالص
الجد: ولو لقيت أخبار عنها طمني سلام
أيهم: سلام
الجد في نفسه: انا كان لازم أعمل كده ملاك وجودها خطر هنا كان لازم أبعتها لخالها وأخفيها من الوجود وكمان علشان أيهم يحس بيها وبنفسوا شويه وانا دلوقتي لازم أكلم خال ملاك
الجد: ألووو أحمد أي الاخبار عندك وأخبار ملاك
أحمد: الحمدلله وملاك أخبارها فل وكمان ماشيه مع الجو هنا
الجد: طيب تمام بس لازم أيهم ميعرفش حاجه عنها أصلوا قالب الدنيا عليها
أحمد: أطمن مش هيعرف حاجه
الجد: انا دلوقتي هكلم شوقي أخليه يجيبلي جثه ماحدش يقدر يتعرف عليها علي أساس انها ملاك علشان نضمن ان ملاك مش في خطر
أحمد: بس انا صعبان عليا أختي والعيله وبالذات أيهم هو بيحبها بس بيكابر انا مش عارف ليه
الجد: لازم يعرف قيمتها والموضوع ده هيخليه يتعلم ولما تظهر تاني قدامو يستغل الفرصه ومايضيعهاش من أيديه تاني أيهم مش صغير أيهم لازم يفوق
أحمد: معاك حق لازم يفوق طيب محتاج حاجه ياحج انا مش عارف أشكرك ازاي علي كل اللي عملتوا معايا انا مش عارف من غيرك كنت هعمل أي
الجد: مش عايز غير سلامتك وبعدين متقولش كده ده انت زي محمد ومحمود وخال الغاليه أبقي سلملي عليها وعلي اولادك مع السلامه ياحبيبي
أحمد: تسلم ياحج الله يسلمك مع السلامه..........
بعدما قام الجد بالاغلاق مع أحمد قام بالاتصال علي شوقي
شوقي محمد: العمر 45وهو ذراع الجد الأيمن بعد أيهم فهو من ينقل كل الاخبار للجد ويقوم بتنفيذ كل مايطلبه منه الجد
الجد: الوو شوقي
شوقي: اهلا ياحج أتفضل حضرتك
الجد: كنت عايز جثه بنت تشبهه ملاك في تفاصيل جسمها بس شكلها مايكونش واضح
شوقي: حاضر ياحج بعد ساعه بالكتير والجثه تكون عندك
................... عند أيهم.......
أيهم: يعني أي وأزاي ملاك مش موجوده يعني أي ياشويه حميييير دوروا عليها في كل مكان في المطارات وفي كل المستشفيات ولو طلبت دوروا عليها في المنتقبات حتي
أيمن: ياباشا والله قلبنا الدنيا
أيهم: أسمع الكلام ياأيمن أحسنلك وأتقي شري ودور عليها تاني وتالت وألف ومليون
أيمن: حاضر ياباشا تحت أمرك
أيهم: غووووور من وشي
أيمن: حاضر حاضر
..................... في أمريكا............
أستيقظت ملاك وقامت بفعل روتينها اليومي وارتدت جاكيت جلد أسود وبنطال أسود وخرجت من غرفتها قاصده اقناع خالها بالخروج والمشي في شوارع أميريكا
ملاك:مساء الخير ياخالو ومساء الخير علي الجميع
أحمد:مساء الورد علي وردة خالو عامله أي دلوقتي كويسه
ملاك:الحمدلله ياخالو بس ماما وحشتني جداً وكمان مريم وملك وجدوا والعيله كلها
أحمد:معلش ياحبيبتي مسيرنا هنرجع لأرض الوطن
نهي:حصل أي يااستاذه ملاك انا معجبه بيكي أه لكن تأخدي الدلع كلوا من بابا وانا أب انا كيس جوافه علي السفره ولا أي
ملاك:لا ماتقوليش علي نفسك انك كيس جوافه انتي كيس طماطم 🍅بايظ
نهي:عجبك كده يابابا
أحمد:لا ياحبيبتي ده انتي فراوله حبيبه بابا
ملاك:كده ياخالو طيب ماشي
أمير؛خلصتوا هزاركم البايخ ده ودلع البنات
أحمد:عيب.كده ياأمير يلا ياملاك انتي ونهي كلوا علشان ألاكل هيبرد
ملاك ونهي:حاضر
ملاك:صحيح ياخالوا كنت عايزه أسألك سؤال
أحمد:أتفضلي حبيبتي
ملاك:هي ام نهي فين ياخالو
أمير:انتي ازاي تسمحي لنفسك تسألي السؤال ده بابا انا شبعت انا هروح الشغل
أحمد:ماشي ياحبيبي مع السلامه
ملاك:انا أسفه ياخالو علي السؤال
أحمد:لا ياحبيبتي متتأسفيش ومتزعليش من أمير اصلوا كان متعلق بمامتوا جدا ومش بيستحمل حد يتكلم عليها قداموا انا هحكيلك
بعد ما جيت امريكا وكنت تعبان وبتعالج في المستشفي هنا نهي أم امير كانت بتشتغل ممرضه بعدمافوقت اتعرفت عليها وكانت ممرضتي الخاصه وكان ابوها مصري الجنسيه وأمها امريكيه وأمها وابوها انفصلوا وهي كامت عايشه مع أمها في أمريكا وبالرغم من أن أمها من الغرب إلا انها كانت محجبه أتعرفت عليها ويوم ورا يوم كنا نتعلق ببعض أكتر لحد ماجه اليوم واعترفتلها بحبي واتجوزنا وبعد الجواز بسنه ربنا رزقنا بأمير وبعديها فضلت سنتين مش بتخلف وصبرنا لحد ماربنا رزقنا بنهي وفي يوم من الايام خرجت انا وأمير ونهي وهي كانت تعبانه ورفضت تخرج معانا وبعد ماوصلنا انا ونهي وأمير نشتري هدوم ليهم لقيت تليفوني بيرن رديت وكنت خايف وسمعت صوتها هي وبتبكي وصوت نار جمبها ورجعت البيت بسرعه لكن للأسف لقيت أدهم السيوفي قتلها زي ماكان عايز يقتلني وجدك انقظني ولقيت ورقه مكتوب عليها أنا لسه مخلصتش انتقامي منك وقريب هرجعلك ووقتها هأخد منك أولادك والدور بعدها عليك توقيع أدهم السيوفي
وقتها ماقدرتش أمسك نفسي وصرخت بأعلي صوتي وأمير وقتها كان صغير هو ونهي ولما شاف المنظر وقع أتصلت بالاسعاف وقتها وجات الاسعاف واخدت نهي وأمير وانا ونهي روحنا وراهم بعربيتي ولما وصلنا المستشفي دخلوا نهي مراتي العنايه المشدده وبعدها لقيت الدكتور بيقول فين أحمد جوز الاستاذه اللي جوه انا فرحت قولت فاقت وبواسي نفسي لقيت الدكتور فعلاً بيقول مراتك بتقول عايزاك لبست لبس ممرض ودخلتلها مسكت أيديها وغصب عني دمعه نزلت من عيني ماهي برضوا حب عمري وأي حد كان مكاني كان هيعمل أكتر من كده ومسحت الدمعه بسرعه علشان ماتحسش بضعفي لقيتها فتحت عينيها ومسكت أيدي وبتقولي انا بحبك وهفضل طول عمري أحبك وخلي بالك من ولادي ولازم تأخدلي حقي من اللي عمل فيا كده وخليك فاكر دايماً اني عمري مامت انا عايشه بس جوا قلبك وقلب ولادك مع السلامه ياحبيب عمري وقتها صرخت بأعلي صوتي قولتلها لاء يانهي انتي مش هتسيبيني لوحدي انتي هتعيشي وهتربي اولادك انا بحبك علشان حبنا أرجوكي قووومي انا مش هقدر أعيش من غيرك لاء نهيييييي وبعد شويه لقيت قلبها وقف والجهاز بيصفر والدكتور قالي البقاء لله مسحت دموعي وافتكرت كلامها ووعدت نفسي لازم انتقم من اللي عمل فينا كده وفرقنا ويتم اولادي وبصيت عليها أخر مره واخدتها في حضني وكان حضن الوداع وطلعت عملت إجراءات الدفن ودفناها ورجعت المستشفي وكانت معايا نهي بنتي روحنا نطمن علي أمير والدكتور قال ان أمير جالوا انهيار عصبي وفقد النطق وقتها دي كانت تاني صدمه بالنسبالي لكن هعمل أي خليت أملي في ربنا كبير وكنت ببات مع أمير في المستشفي لمده أسبوع وبعدين رجعت البيت انا وأمير ونهي بس وضع أمير كان بيسوء كل يوم وقعد فتره كبيره هو وبيتعالج لحد ماالدكتور قالي لازم أمير يروح المكان اللي فقد فيه أمو وفعلا أخدت أمير بيتنا القديم ولما أمير شاف المكان اللي أمو ماتت فيه صرخ بأعلي صوتوا ونطق وكان بيبكي بكل قوتوا وقتها مكنتش عارف نفسي أعمل أي افرح ولا أحزن أفرح علشان ابني اتكلم ولا أزعل علي زعل اولادي اللي اتيتموا وبعدها وعدت اولادي اني مش هسكت غير لما انتقم من قاتل مراتي ومرت الأيام وامير كبر وكان حلموا يدخل شرطه علشان ينتقم من أدهم السيوفي ونهي كانت بتعيط من غير ماحد يشوفها بس انا دايماً كنت بشوفها وبطبطب عليها واستمرت الحياه والحمدلله زي مانتي شايفه احنا بقينا فين دلوقتي والحمدلله وبس ودي كل الحكايه
ملاك:يااااااه ياخالوا استحملت كل ده بس انا معاك ياخالوا مش هسكت عن حقك ابدا
نهي:ايوه يابابا احنا لازم ننتقم
أحمد:أكيد ياحبيبتي
.........................في مصر عند أيهم والجد........
الجد:محمد ومحمود ومنال وازهار وأيهم وعدي وكل العيله انا وصلني خبر عن ملاك
منال:بجد طيب هي فين
الجد:يؤسفني أقولكم الخبر بس ملاك ماتت
أيهم:مستحييييل
منال:لاء لاء انتوا كدابين استحاله ده يحصل
ملك ومريم:يعني أي يعني اختنا ماتت لاء وانت ياجدوا ماقدرتش تعمل حاجه حراااام عليكم
محمد ومحمود:ازاي ماتتت انت بتهزر يابابا صح
الجد:انا عارف الموضوع صعب عليكم بس مع مرور الولت كل حاجه هتتنسي شوقي أدخل وهات الجثه
أيهم:استحاله ملاك تموت وتسيبني ليييييييه يارب
وكانت العائله في حاله ذهووول
الجد:الحمدلله علي كل شيء واللي حصل حصل ودلوقتي لازم ندفن ملاك واكرام الميت دفنوا
وبعد ساعتين في محاوله الجد اقناع العائله بدفن ملاك وصراخ أمها وبكاء الجميع تم دفن الجثه اما أيهم فكان في حاله لايرثي لها كان يجلس علي قبرها وسقطت منه دمعه نعم دمعه عاشق وحبيب
أيهم:اه اه ياملاك سبتيني ليه ده وحيد من غيرك ده انا هموت ليه حرام عليكي لييه يارب بعد ماتعلقت بيها تأخدها مني اللهم لا اعتراض علي حكمك بس يارب دي كانت بلسم لجروحي
الجد:يلا الكل علي البيت وبلاش بكا علشان البكا مش هيفيد في حاجه ولا هيقدر يرجع اللي راح يلا وكل واحد يقرالها شويه قرأن بدل البكا يلا
وبعد مرور الوقت كانت العائله تتواجد في القصر منهم من كان قلبه يتعذب علي معشوقته ومنهم من كان غير مبالي ومصدق من الصدمه ومنهم من يبكي ومنهم ومنهم........
................في أمريكا ...........
ملاك:خالو انا عايزه اخرج انا ماخرجتش من لما جيت
أحمد:لا مش هينفع انتي في خطر استحاله أخليكي تخرجي
ملاك:ارجوك ياخالوا ارجوك
أحمد:ماشي بس متتأخريش وتفتحي تليفونك علشان لما أتصل بيكي تردي فورا
ملاك:حاضر ياأحلي خالوا في الدنيا
..........في الشارع عند ملاك.........
نجد ملاك تتمشي في شوارع أمريكا الهادئه وكانت مبهوره بالجمال ولكن جمالها لايقارن بجمال ام الدنيا
ولكنها شعرت بأن احد يراقبها ويتتبعها خطوه بخطوه وفجأه لم تشعر الا بمنديل علي فمها ومن ثم ذهبت في ثبات عميق...........................
••••••••••••••••••••••••••••••••-•---•--•--------
أستتتتتتتوب كده ياتري أيهم هيعمل أي بعد ماعرف ان ملاك ماتت وهينتقم ازاي ولا هيسكت؟
وياتري مين اللي خطف ملاك وليه؟ وهل أدهم السيوفي اللي خطفها ولا لاء؟ وياتري أحمد خال ملاك هيعمل ليه
دووومتم في حفظ الرحمن ورعايته أتمني تدعموني علشان أقدر أكمل ولو برساله بسيطه مع السلامه 🌹🌹🌹🌹🌹🌹🌹 وكل عام وانتم بخير
