تقي:تروحي ايه بس استني بصي هو من فتره كلمني قالي متشوفيلي عروسه من قرايبك وهو عارف ان كلهم مخطوبين الا انتي يبقا قصدو ايه؟
عطر :ايه؟؟
تقي:يابنتي انتي هتشليني بصي هو دايما بيلمح بالكلام عنك ووالله هوريكي الشات بس انا مكنتش عايزه اعشمك واعلقك بحبال دايبه وخلاص
عطر:ما انتي كدا بتعلقيني بيه اكتر
تقي :بصي جربي انتي اتعاملي عادي وهزري
عطر: تتوقعي هيفتكرني
تقي: بقولك بيلمحلي بالكلام عنك تقوليلي هيفتكرني يارببب
عطر:قصدي ك شكل
تقي: ما انتي متغيرتيش كتير
عطر:ااء
قطع كلامهم رن الجرس
تقي:شكلهم جم بصي "دانا" كمان جايه النهارده خلي بالك وانا من زمان بحذرك خلي بالك هي عينها منو
عطر:تصدقي وحشتني البت دي
تقي:يارب صبرني انا بقول ايه وهي بتقولي ايه يلا نطلع ياعطر الله يهديكي
عطر:طب شكلي حلو؟
تقي :قمر قمر
.......
"آسر"
ابن عم تقي
حب طفولتي زي ما بيقولوا
توقعت فالاول انو مراهقه والهبل وخدت الموضوع بهزار وحب ايه وبتاع دا بس لقيت الموضوع بيزيد كل يوم اكتر من الاول!
لقيتني بحبو كل يوم اكتر
لقيتني بتعلق بيه
بحب الكلام عنو
بفتح اتفرج علي صورو بس
من صغيره لقيتني بتعلق بيه بطريقه غبيه
وهو اما عرف جمله بسيطه اللي عبر بيها
"انت اختي الصغيره"
ابتديت اخبي وابين انو مش فارق معايا مع ان كل اللي بينتلهم كدا كانوا متاكدين اني قصدي العكس
ابتديت اكبر وانا مش شايفه غيرو
لحد ما سافر يكمل تعليمو برا..
بقالو 4سنين و6شهور و4ايام!
اربع سنين بعيد
اربع سنين بعرف اخبار بسيطه عنو
.......
كنت متشوق اشوفها
وحشني الكلام معاها وهزارها
تقريبا كنت متابعها ب كل خطواتها
اهي هانت كلها كام يوم وتبقا من نصيبي
كل اللي قالقني ل تكون نستني!
الدقايق بتعدي بطيئ اوي
اتمني تقي تكون قالتلها اني جي واروح الاقيها هناك
اتمني تكون لسه بتحبني..
.......
علي"اخو تقي":حبيبب قلبي
آسر :ليك واحشه والله
علي:ايه كل دي غيبه
آسر:منا جيت اهوو
على :الا صحيح انت ناوي تخطب بجد
آسر:قصدك ناوي اتجوز
علي:لا ياراجل
آسر:اه ياراجل الا صحيح اومال فين تقي
تقي:اديني جييتت
آسر:ياساتر بتيجي علي السيره
علي:دي ناطه في اي حته.. ثانيه كدا هروح ارد علي التلفون
في نفس الوقت دخلت عطر
.....
كانت وحشاني ب شكل
كانت وحشاني بصتها دي
بس المره دي بصتها مختلفه
كلها لوم وعتاب
مش عارف فضلنا باصين لبعض قد ايه
اتمنيت الوقت يقف عشان الحق املي عيني منها
.....
عطر اتحرجت من بصاته جامد واستغربت هو باصصلها كتير كدا ليه كان واحشها جدا بس حبت تغير الموضوع
.....
عطر:ايه ياجدع انا كل ما اسيبك حبه تطول؟
آسر: خلي بالك عشان انتي بتختفي خلاص
عطر:هشش هطول صدقني الصبر اهم حاجه الصبر
آسر:كانت وحشاني الجمله دي والله
عطر وتقي تنحوا لبعض وعطر قعدت تتهته في الكلام
تقي عشان تغير الموضوع :الا يا ولا يا آسر بقا في بنأدم عاقل يتجوز مره واحده لا وكمان هتسافر تاني
عطر بهزار: الخطوبه سقطت منو في النص
آسر:ايوا ما احنا في عصر السرعه وكدا
عطر:يعني مش عشان تلحق تسافر تاني وتاخدها معاك تؤ تؤ عصر السرعه
آسر فضل باصللها ومبستم
عطر ب همس ل تقي:مالو دا مبلم كدا ليه
تقي:صوتك عالي الله يخربيتك
آسر سمعها وضحك
بعدها الجرس رن وكانت دانا واختها
دخلت دانا ومنغير مقدمات حضنت آسر
عطر تنحت ووشها احمر من الغضب
آسر بعدها بهدوء
آسر :دانا ازيك
دانا:بقيت تمام بعد ما شوفتك كل دي غيبه
عطر بهمس لتقي :شوفي الجبروت بتشقط الولا عيني عينك كدا
آسر سمعها وحاول يكتم ضحكو
آسر:الدنيا مشاغل بقا يا دانا
لينا'اخت دانا' :وشغلتك عننا بردو
آسر بهزار:يعني انتوا اللي كنتوا بتسالوا اوي
لينا ودانا قعدوا يضحكوا
دانا:هاي عطر
عطر ب ابتسامه مستفزه:هاي
وووو
يتبع...
"ممكن فولو وڤوت؟🥺
