روحوا كلهم بدون احداث تذكر
روحت البيت فرحانه جدا واتجدد امل جديد جوايا اننا ممكن نكون من نصيب بعض
ملامحو متغيرتش كتير
تقريبا حبيتو النهارده اكتر واكتر
خدت روايتي وعملت نسكافيه تقريبا كنت بشرب القهوه ك نوع من انواع العقاب لنفسي معرفش كنت بشربها ليه كانت بتبوظ مزاجي اكتر مما هو بايظ
النهارده قررت اعمل نسكافيه
طلعت البلكونه وقعدت اقرا الروايه بهدوء
لحد ما سمعت حد بيفتح البلكونه اللي قدامي
توقعت في الاول انها تهيؤات
بس افتكرت الصبح وفضولي خلاني اتابع من بعيد
واشوف مين بقا جارنا الجديد
......
النهارده تقريبا اكتر يوم فرحان في حياتي
شوفتها بعد اربع سنين غياب!
اربع سنين مبنتكلمش!
حسيت من نظراتها انها لسه بتحبني
يااه لو تعرف اني بحبها من وهي صغيره
عملت قهوه وطلعت البلكونه اشم هوا
اول ما رجعت صممت اني اخد شقه في العماره اللي قدامها
اصل انا مش هقدر ابعد اكتر من كدا
جيت اطلع لقيتها قدامي...
......
فضلت مركزه حبه وادقق في اللي قدامي
لحد ما عرفت دا مين
دا آسر!
آسر هو جاري الجديد
ماسك في ايدو مج وطلع وقف
فجأه لقيتوا بصلي وضحك ودخل تاني!
ايه دا ايه انا حياتي مالها بقت غريبه كدا ليه
خدت التلفون ودخلت بعتت لتقي اللي حصل بالظبط واتفجأت بردو
قفلت موبيلي ونمت تقريبا لأول مره من مده كبيره فرحانه فرحه غبيه
......
اول ماشفتني حسيتها كدا اندهشت
كنت فرحان لأني شوفتها تاني
بتوحشني بسرعه غبيه
مش عارف قعدت بعيد عنها كل دا ازاي
بس اللي اعرفو اني مش هكرر غلطي دا تاني
......
صحيت من نومي بس المره دي مطلعتش البلكونه
فتحت التلفون علي طول
لقيت مسدج من داليا
استغربت لأننا متكلمناش بقالنا كتير
داليا:صاحبت عطر من زمان وباباها صاحب بابا عطر واخوها'داوود' أكبر من عطر ب اربع سنين ونفسو يتجوزها من زمان
فتحت المسدج واللي فهمتو أن اخوها عايز يجي يتقدملي!
اخوها شخص طيب وكل البنات بتحبو جدا
و ب امانه ميتخسرش
معرفتش اعمل ايه فقولتلها هصلي استخاره وارد عليكي ولبست ورنيت لهنا وليلي وياسمين و ولاء
وقولتلهم يستنوني عند تقي بسرعه
......
عطر: جماعه فاكرين داوود
ولاء:داوود مين
عطر:ياجماعه اخو داليا ابن صاحب بابا اللي دايما كنتوا تقعدوا تقولو حلو وبتاع وقولتلو حسيتو بيحبني
هنا:ايوا ايوا داوود كراشي القديم
عطر:ياربي بقول ايه وهي تقولي ايه المهم ايوا هو دا
تقي:عطر انتي بتنقطينا بكلامك واحنا جيلنا ضيوف وقربت ازهق
ليلي:قربتي تزهقي؟
ياسمين :دي بتمهد الكلام بقالها ساعه انا مزهقتش انا خللت
عطر: ثانيه ثانيه ضيوف مين آسر جي
تقي:اه جي ولو مخلصتيش هحبسك هنا فالاوضه ومش هخليكي تشوفيه
عطر :اصلا البلكونه بتاعتو في وشي لو عايزه اشوفو هشوفو
ياسمين:بلكونه مين يختي
ليلي:حتت البلكونه دي متحكتليش علي فكره
عطر راحت حكتلهم كل اللي حصل امبارح
هنا:ماشي فكنا بقا من كل دا الموضوع الاساسي ياعطر الله يسترك
عطر:اه اه الموضوع الاساسي ايه دا كان ايه
تقي:هار اسود دي لسه بتفتكر
عطر:خلاص والله بصوا داوود متقدملي ومن كلامو انو بيحبني اوي
كلهم في صوت واحد:احييييه
عطر:بسم الله الرحمن الرحيم
هنا:ايه الهزار البايخ دا
عطر :ههزر ليه ياشيخه انتي كمان
ليلي:وانتي رايك ايه
عطر:جماعه ب صراحة انا حاسه آسر وتلميحاتو امبارح انو جي يتجوز دانا وهي اخده عليه جامد وخدتو بالحضن عادي فحساهم مقررين كدا وانا مش هبعدهم عن بعض وانا كمان ليا حقي اعيش حياتي وداوود ابن حلال وكلوا يتمناه ف انا ليه مديش لنفسي فرصه؟
تقي:فرصه ايه يمووو فرصه الولا عينوو كانت هتتخلععع عليكي امبارح وانتي تقولييلي فرصه
ليلي:بتحبيه من وانتي مفعوصه ياقادره وجايه دلوقتي تقولي فرصه
ولاء:جماعه براحه عليها
ياسمين:انا شايفه انها شافت كتير منو وهو لو كان بيحبها بجد كان اتلحلح حبه
عطر:انا هصلي استخاره وامري لله
تقي تنحت حبه وقالتهم ثواني وجايه
......
تقي راحت ترن ل آسر
تقي:الوو
آسر:الو ياتقي انا نازل اهو
تقي:آسر ثواني
آسر: ايه في ايه
تقي:انت بتحب عطر؟
آسر:ءاييه
تقي:بقولك بتحبها
آسر:قولت قبل كدا دي اختي
تقي:تمام دلوقتي عطر متقدملها اخو صاحبتها بيحبها من زمان وهي يترفضو عشانك بس هي قررت تديلو فرصخ وكلوا شايف انها صح في دا بس بماا انك ابن عمي ف انا جيت احذرك لو بتحبها ف الحق بسرعه لان عطر بتضيع من ايدك
آسر:اعملها ايه حد قالها تقعد لحد ما تعنس عشاني
تقي:اخر كلام
آسر:يووه انا هقفل هتجوزهالي غصب
تقي قفلت وبتبص وراها شافت...
يتبع...
اعملوا vote و Follow عشان اكملل
