الايام بتعدي بسرعه
بقيت بتجنب اطلع البلكونه غير نادرا
بقيت بتجنب اطلع برا الشقه عموما
حتي الشغل اخدت اجازه مؤقته منو
خلاص داوود حدد معاد وجي يتقدملي رسمي فيه
مش عارفه اللي عملتو دا الصح ولا غلط؟
صليت كزا مره استخاره وكنت خايفه ومش مستريحه نهائي
وفي نفس الوقت بحاول انسي آسر
بحاول اكرهه نفسي فيه
رجعت ل حالتي القديمه ويمكن اسوأ
افتقدت وجود ماما وبابا جمبي
يمكن كانوا هم بس اللي هيقدروا يهونوا عليا كل دا
اهملت رودينا بطريقه مش طبيعيه
وخالتو اخدتها عندها تقعد فتره
وخلاص جه اليوم اللي المفروض داوود جاي يتقدملي فيه
وكلوا فاهم اني موافقه عليه
لو رفضتوا هخسر صحبتي!
حسيت ان مفيش مفر
ان الموت هو الحاجه الوحيده اللي هتنجدني من كل دا
هو اللي هيرحمني من كل المشاكل دي
كنت خلاص خدت قرار
وان دا افضل حل.
لقيت تلفوني بيرن ف استغربت دايما اللي بيسال عليا او بيكون عايز يكلمني بيبعت مسدج
ف لقيت اللي بيرن رودينا
رديت علي اساس ان دي اخر مره هكلمها فيها
لقيتها بتعيط!
بتقولي وحشتيني اوي ياعطر هتيجي تاخديني امته بقا، انا حسبتك روحتي عند ماما وبابا لما لقيتهم سابوني قاعده عندهم كتير، ومش راضيين يجيبوني تعالي خوديني بقا!
دا الللي قالتو بالظبط!
مكانتش سيبالي فرصه اتكلم حتي
استغفرت ورديت عليها وقولتلها اني هاجي اخدها بليل وانها تحضر هدومها
وقعدت اصلي
صليت كتير اوي
مش عارفه كام ركعه بس كانوا كتير جدا
قعدت ادعي ربنا يوريلي الطريق الصح
ويبعد الشيطان عني
استغفرت كتير اوي
تقريبا كنت قطعت الصلاه من فتره
ومن الأول كنت بقطع فيها اصلا
استغبيت نفسي جدا
كنت هسيب اختي ميتبقاش ليها حد!
ذنبها ايه هي؟
يبقا ولا اب ولا ام ولا اخ ولا حتي اخت!
هو الحل الوحيد للمشاكل الهروب منها؟
مينفعش نواجها مثلا؟
هي الدنيا هتقف لو رفضت داوود؟
هي الدنيا هتقف لو آسر مبيحبنيش؟
بابا وماما ماتوا دا اللي اتكتب لهم زمانهم فالجنه
انا كدا مكنتش هروح لهم!
لا ثانيه انا كنت هضيع نفسي!
فوقت من كل دا علي صوت الجرس
.....
تقي:احيه عليكي العريس قرب يوصل وانتي يختي متحركتيش من من مكانك
ليلي:انت الكسل وصل بيكي انك حتي ملبستيش عشان تقابليه؟
هنا:اوعي تقولي هتقابليه بالاسدال
ولاء:والله هبله وتعملها
.....
انا اصلا مكنتش مركزه معاهم
هم ازاي بيتعاملوا عادي كدا وبيهزروا وهم عارفين اني مش موافقه
ازاي وهم متاكدين اني بعمل كدا عشان انسي اسر
وهم عارفين اني مبطقش داوود اصلا
محدش جرب يواسيني حتي وهم شايفين اني معيطه!
......
ياسمين:انتي يابنتي سرحتي فين اييه
تقي:ياسااترر قومي ياعطر البسي الله يهديكي قومي
......
خلصت لبس وحطيت ميكب بسيط ولأول مره اخس نفسي شكلي حلو كدا
انا دايما مش راضيه عن شكلي
وشايفه اني وحشه جدا
بس النهارده حاسه اني جميله بجد
كان نفسي يكون آسر اللي جي عالاقل كنت هكون فرحانه ب شكلي دا...
ولاء:تقريبا عطر حبكت تسرح كل شويه النهارده
هنا:جاوبيني بصواحه سرحانه فيا ولا في جمالي؟
قاطعهم الجرس
تقي:العريس جه ويويوييويويوي
.....
بعد ما اتفقوا برا علي كل حاجه
طلعت انا
كنت سرحانه في السجاده اصلاا
بعدها قالوا نسيب العرسان حبه لوحدهم
كنت حاسه اني كدا اتدبست خلاص مفيش هروب
... :جاوبيني بصراحه السجاده جديده؟
لا ثانيه الصوت دا انا عارفاه كويس دا مش صوت داوود احنا هنهزر مع بعض!
يتبع...
