اوقعتنى مشاكسه

الفصل لاول

فى بيت من البيوت البسيطه المصريه كانت بطلتنا نايمه فى سابع نومه مش حسه باي حاجه وفجاه قامت على صوت قطتها كيتى وهى بتجري يمين وشمال على صوت المنبه اللى روفانا حطته فى رقبتها😅علشان هى كسوله جدااا وعادتها تقفل المنبه وتنام فحطته فى رقبه المسكينه فتعمل صوت فتصحى على الدوشه كل يوم كده
روفانا .. خلاص يا كيتى مش حوار هو رغم انو كل يوم بيعمل بس بتتنتططى برضوا ده لو حمار كان عرف كيتى بصتلها بعبوس
روفانا .. خلاص يا قلبى معلش يلا بقا علشان نشوف ورانا اي وقامت وخدت شاور ولبست بنطلون اسود وتيشرت ابيض وجاكت جينز كان شكلها فاتن جدااا بجسمها الكيرفى ولبست الكوتش بتاعها وخدت شنطتها ونزلت جري علشان متتاخرش اكتر ماهى متاخره شاورت بسرعه لتاكسى وقف
روفانا .. ونبى ياسطا ودينى مستشفى السلام
السائق .. اركبى يا بنتى
روفانا .. طب هتاخد كام
السائق.. عشره جنيه
روفانا.. نعم نعم لى لا هما خمسه بس
السائق .. لا يا بنتى مينفعش
روفانا .. خلاص يا عم
السائق باعجاب .. طب خمسه اركبى
روفانا .. كده تعجبنى ياسطا وركبت وبعد ما وصلت المستشفى نزلت جري ودخلت بسرعه
.. الحقى المدير عايزك
روفانا .. ربنا يبشرك يا وش السعد كل يوم مقبلنى بالخبر ده لى محير نفسك انا خلاص اتعودت
..لا طبعا احير نفسى اي بس هو انا اطول اخدمك
روفانا .. ابعد من وشى يا سعد مش وقتك أما اشوف التانى عايز اي وطلعت جري لحد اوضه المدير ودخلت
المدير .. هلا هلا اخيرا يا دكتوره نورتى
روفانا بضحك واحراج .. مش عارفه انت محير نفسك لى حضرتك وكل يوم بتستقبلنى بنفسك
المدير .. هو انا ورايا غيرك تعبتينى وربنا يا دكتوره انا عايز اعرف بتيجى متاخره لى
روفانا .. والله سعتك غصب عنى كيتى صوتت متاخر
المدير بصدمه .. اي يختى
روفانا .. كيتى القطه بتاعتى صوتت متاخر
المدير .. وهى تصوت لى مش فاهم
روفانا .. اصلى انا حاطه المنبه فى رقبتها
المدير بصدمه .. فين
روفانا .. فى رقبتها علشان تتخض وتصوت وتصحينى
المدير .. اااه انتى هتجبيلى جلطه بدري روحى يا روفانا روحى وبصى متجليش تانى حتى لو طلبتك ماشى يا دكتوره انسينى خالص اكنى مش موجود
روفانا .. اشطا يا دكتور
المدير .. اشطا بقا انا يامن الدميري تقوليلى اشطا
روفانا .. انا ماشيه خلاص ماتصدمش بس وبعد ما طلعت
يامن.. اخيرا مشت ده كانت هتجيلى جلطه حد بيحط المنبه فى رقبه القطه بس هههه انا بتكلم عن مين دي ملكه الجنون نفسها مش غريبه عليها يعنى وبعدين انا احلى حاجه فى يومى انى بصطبح بيها هههه انا بضحك لى شكلها جننتنى المجنونه دي
عند المجنونه كانت وصلت مكتبها ومسابتش حد اللى أما هزرت معاه وهى محبوبه من الكل اصلا
روفانا .. اووف اخيرا وصلتك يا مكتبى يا حبيبى وحشتنى والله اي ده ده كله اتصال من تسنيم أما ارن عليها
روفانا .. هلا هلا
تسنيم بعصبيه .. ما بترديش لى يا كلب البحر انتى
روفانا .. كنت عند فرقع لوز
تسنيم بضحك .. هو كل يوم
روفانا .. اه يا اوختيييشى هو انا اي حد
تسنيم .. فلتى من العقاب المرادي المهم انا فرحى كمان اسبوعين عايزه انزل اجيب الحاجات الباقيه
روفانا .. اه يابا بقا الناس اللى بنوده العزوبيه تعرفى انا لازم اطلع من فرحك بعريس
تسنيم .. والله ده على اساس ان مش كل يوم الف عريس متقدملك وانتى بترفضى
روفانا .. مجاش اللى يخطف قلبى دخل يامن فجاه
يامن.. لا والله احنا هنا فين معلش قفلت روفانا بسرعه مع تسنيم .. فى المستشفى حضرتك بص اسفه والله اي مسامحنى ده من كرم حضرتك افلسع أنا بقا ورايا عمليه فى غايه لاهميه وطلعت جري
يامن بصدمه .. اي ده دي خرجت يارب الصبر من عندك انا تعبت منها والله انا اروح اشوف مصيبه حياتى دي عملت اي وراح وراها لقاها واقفه بتتكلم
روفانا .. والله يا بنتى شوفتى بقا
.. احمم
روفانا .. مالك يا يمنى واكله سد الحنك لى يا حبيبتى
يمنى بعد ما شافت يامن .. احمم
روفانا .. لا ده انتى حالتك صعبه يا ضنايا
يامن فجاه .. والله ما فى حد حالته صعبه غيرك انتى
روفانا .. اي ده انا سمعه صوت دكتور يامن لى
يامن.. بصى وراكى يختى
روفانا .. عيب حضرتك مينفعش طبعا صح انا كان ورايا عمليه سلام بقا اشوفك بعدين يا يمنى 😅
يمنى بضحك على روفانا .. سلام
يامن بصدمه .. دي سابتنى تانى مره اه يا روفانا الجزمه اما تجيلى بس وهو ماشى رايح مكتبه فجاه
بعد يوم شاق على روفانا روحت بيتها وطبعا الطريق مخلاش من المعاكسات ليها بس هى اتعودت على كده بقا تلفونها بيرن وكانت تسنيم
روفانا بتعب .. نعم يا سيمو
تسنيم .. مالك يا قلبى باين من صوتك التعب
روفانا .. اه من الشغل يا قلبى فى حاجه
تسنيم .. كنت نسالك فاضيه بكره تنزلى معايا
روفانا .. حظك فاضيه بكره خلاص اشطا نازله معاكى يا قلبى
تسنيم بفرحه .. اشطا يا عمري نامى بقا وهعدي عليكى الصبح
روفانا .. ماشى وقفلت وغيرت ونامت زي المقتوله
وصحت تانى يوم على خبط الباب والمنبه وصويت كيتى
روفانا .. اي اي اي الحرب العالميه التالته قامت براحه يا بشر وسكتت كيتى وفتحت الباب
تسنيم .. ساعه يا كلبه علشان تفتحى
روفانا .. كنت بسكت كيتى
تسنيم بضحك.. هو المنبه كان شغال
روفانا .. اه هدخل البس انا
تسنيم .. مستنياكى ياباشا
دخلت روفانا غيرت لبسها ولبست سلوبت جينز وتحتها تيشرت احمر وعملت شعرها ديل حصان كان شكلها فاااتن جداا وليست كوتشى احمر وطلعت
تسنيم صفرت .. اوعا يابا اي الجمال ده
روفانا .. من بعض ما عندنا يابا
تسنيم .. طب يلا ننزل يا سطا ونزلوا تحت وقفوا علشان يركبوا
تسنيم .. روفانا حبيبتى ونبى اسكتى ده تالت تاكسى يمشى بسببك
روفانا .. اسكتى انتى دول مفكرنا علشان بنات يضحكوا علينا بس على مين استنة يسطا يسطاااا
السواق .. اركبوا يا بنات
روفانا .. هتوصلنا بكام
السواق .. اللى انتوا عايزينه
روفانا .. خمسه جنيه
السواق .. اي يا بنتى لا عشره
روفانا .. خلاص يا عم الله يسهلك
السواق .. سبعه جنيه
روفانا .. امم ماشى يلا وبعد ما ركبوا
تسنيم .. فرقت يعنى تلاته جنيه
روفانا .. اسكتى اهو نجبلنا بيهم لبن نأكله
تسنيم .. لا ناصحه يا بت
وبعد ما وصلوا قعدوا يلفوا ويشتروا لحد ما خلصوا
روفانا .. يانى هو انا اللى هتجوز ولا انتى
تسنيم .. اسكتى يا ختى جواز اي وهم اي
روفانا .. فعلا ده انا اتشحورت معاكى يا بت
تسنيم .. اعلش يا صاحبي
روفانا .. اشطا يابو الصحاب
تسنيم .. نروح بقا
روفانا .. يلا وبعد ما روحوا وعدا لاسبوعين جهه يوم الفرح وكانت روفانا مع تسنيم فى الكوافير
.. انتى ماشاء الله مش عايزه حاجه خالص يا اسمه روفانا  والعروسه كمان قمر بس محتاجه حاجات بسيطه نبدا يلا
تسنيم .. يلا
روفانا .. طب انا هقعد هنا بقا اتفرج
.. تشرفى يا قلبى وبعد ساعات كان العريس واقف بيستلم عروسته وكانت تسنيم زي القمر بالفستان الابيض وكانت روفانا وراها ولبسه فستان سواريه اسود طويل وبيلمع وحطت تاج على رأسها وفردت شعرها الطويل جداااا كانت حوريه والكل اتصدم من جمالها وهى ماشيه خبطت فى حد بتبص
🤗🤗
توقعاتكم
مين اللى خبط فى روفانا
اي اللى حصل مع يامن
وياسين هيحضر الفرح ولا لا