اوقعتنى مشاكسه

الفصل السادس

ياسين .. هحكيلك بصى يا ستى انا والدي ميت وانا صغير وامى كانت لسه صغيره برضوا وكان فى عرسان بيتقدمولها كتير بس هى عمرها ما وافقت وقالت تربيه ابنى عندي لأهم وفعلا متجوزتش رغم أنها كان ممكن تسبنى عند اهلها وتتجوز بس معملتش كده وفضلت معايا واشتغلت وتعبت لحد ما بقيت مهندس هى ضحت علشانى وانا بحاول اكون لابن اللى هى عايزاه بجد انا مش ابن امى بس بحاول اضحى زي ما هى ضحت وحرمت نفسها
روفانا بتعاطف .. بس يا ياسين دي بتدمر فى حياتنا وانت ساكت وانا مش هستحمل كده كتير صدقنى
ياسين بعياط فى حضنها .. انا تعبت والله تعبت يا روفانا ومحدش حاسس بيا من يوم ما اتجوزتك وانا مستريحتش زيك برضوا لما تعبت وربنا تعبت
روفانا .. معلش يا حبيبى استحمل
ياسين .. عايز انام
روفانا .. نام يا قلبى وناموا لاتنين فى حضن بعض
..........................
زين .. يا بنتى حرام عليكى اقعدي بقا واهدي
تسنيم بعياط .. بقا هما يعملوا كده فيها ااااه يا قلبى اااااه يا حبيبتى
زين .. يخربيت الهرمونات دي
تسنيم .. انا جعانه
زين .. تعالى ياختى لأكل جوه اهو
تسنيم .. انا عايزه رنجه
زين .. حظك لسه جايب جوه
تسنيم .. طب فسيخ
زين .. لا يا حبيبتى مفيش هتاكلى رنجه وتحمدي ربنا
تسنيم .. عايزه رنجه يا زين
زين .. تعبتينى معاكى يا قلب زين تعالى احطلك لأكل يلا
تسنيم .. يلا
.............................
عدت ايام كتير والحياه مستقره مع الكل ماعدا حياه ياسين وروفانا نسمه مبهدله ناديه معاها جداااا وروفانا بتروح شغلها وتيجى تلاقى نسمه كل يوم عامله حاجه تأذيها بس ساكته لما تشوف آخرها وفى يوم كان اجازه وكانت فى البيت وكلهم تحت
نسمه .. انا عندي خبر ليكم
ناديه .. خير يا وش السعد
نسمه .. انا حامل
ناديه بفرحه .. بجد
نسمه .. اه والله والكشف اهو والتحاليل عملت كل حاجه علشان فى ناس مش بتصدق
ياسين بفرحه .. مبروك وافتكر لما كان عندها وهى فضلت وراه لحد ما تجوزها قولا وفعلا
روفانا ببرود وحزن داخلى .. مبروك
نسمه .. عقبالك يا حبيبتى
روفانا.. أن شاء الله أنا طالعه شقتى
ناديه .. لا اصبري بقا دلوقتى نسمه بقت حامل ومش هتشتغل وانا كبيره انتى اللى هتعمل كل حاجه
روفانا ..هههههههههه بجد لا يا حبيبتى مش انا اللى اشتغل خدامه شوفى غيري
ناديه .. شوف مراتك يا ياسين
روفانا بصوت عالى .. لا مش هيشوف يا حماتى وانا بقولك اهو مش هشتغل ومش هعمل حاجه خالص
نسمه بخبث .. خلاص يا ماما سبيها هى اصلا زعلانه علشان انا حامل وهى لا
روفانا .. مش انا اللى ازعل منك انا طالعه فوق وانتوا حريين بقا
ياسين .. روفانا
روفانا .. نعم
ياسين .. هتسمعى كلام امى نسمه حامل وانا مش مستغنى عن ابنى
روفانا .. وانا مش هعمل حاجه
ياسين بصوت عالى .. هتعملى
روفانا بصوت اعلى منه .. بقولك لا قام ياسين ضربها بالقلم
روفانا .. طلقنى
نسمه .. خلاص يا ياسين انا هشتغل
روفانا ..طلقنى
ناديه بخوف يطلقها .. يابنى خلاص انا هاشتغل
روفانا بسخرية .. والله طب كويس يختى اعملى انتى بقا علشان أنا مش قعده فى البيت ده
ياسين .. انتى طالق يا روفانا طالق طااالق
روفانا بصدمه أخفاها سريعا .. تعرف يا ياسين لو جيت يوم وسالونى اي اكتر حاجه ندمتى عليها هو انى شوفتك وحبيتك يا ياسين انا هطلع ألم حاجتى وبكره عربيه هتكون هنا هتاخد جهازى واشبع انت بقا بست الحسن والجمال سلام وطلعت بسرعه
ياسين قعد بصدمه .. انا عملت اي انا عملت اي
ناديه بحزن .. خلاص يابنى انت طلقتها خلاص شوف حياتك مع مراتك اللى معاك وابنك اللى جاي وانسى روفانا كانت فتره من حياتنا وعدت
نسمه .. وانا هكون بدالها واحسن منها كمان وهتشوف
ياسين .. أنا ماشى وطلع جري على بره وناديه قعدت مكانها .. شكلى فعلا هندم يا ياسين على كل اللى عملته معاك يابنى انا عارفه انك بضحى علشانى وانا استغليت كده بس فعلا شكلى هندم
نسمه بخبث .. يا ماما انا عارفه انك زعلانه علشانها بس متخفيش انا هكون مكانها واهجبلكم العيل كمان اللى هى مجبتوش وهسعد ياسين
ناديه .. كان حصل من يوم جوازك منه
نسمه .. هتشوفى يا ماما هتشوفى انا طالعه شقتى
ولسه هتطلع لقت روفانا نازله بشنطتين سفر وطالعه
نسمه بغيره وكره .. مع السلامه
روفانا .. هههههه انا مش زعلانه يا حبيبتى ولو هزعل على حد هيكون انتى سلام يا بيبى وطلعت بسرعه ونسمه طلعت شقتها وناديه قعدت فى شقتها .
.................................
رجعت روفانا شقتها وقعدت مكانها بتبص فى الفاضى .. خلاص يا روفانا اطلقتى بقيتى مطلقه وانتى لسه فى بدايه حياتك يا حجه يلا الحمد لله الحمد لله وطلعت تلفونها ورنت على تسنيم
تسنيم .. ازيك يا قلبى
روفانا بعياط .. أطلقت يا تسنيم أطلقت
تسنيم بصدمه .. اي
روفانا .. انا فى بيتى القديم
تسنيم .. طب انا جيالك
روفانا .. بلاش علشان حملك
تسنيم .. انا جايلاك سلام
زين .. فى اي يا تسنيم
تسنيم .. روفانا أطلقت
زين بصدمه .. اي
تسنيم .. انا رايحالها
زين .. ماشى وانا جاي معاكى يلا ونزلوا وبعد شويه وصلوا بيت روفانا
روفانا .. اتفضلوا
تسنيم .. اي اللى حصل يا روفانا احكى
روفانا حكت لهم كل حاجه حصلت
زين بعصبيه.. بصى يا روفانا انتى جوازك منه من لاول غلط انتى سيبك منه وشوفى حياتك تانى
روفانا بعزيمه.. ده اللى هيحصل
زين .. وانا بكره هروح بنفسى وهما بيجبوا الجهاز بتاعك وهاخد بالى منه لحد ما يوصلك
روفانا بحب .. بجد انتوا الحاجه الحلوه اللى طلعت بيها فى حياتى
زين .. وانت صحبتنا ومش هنسيبك ابدا
تسنيم .. بالظبط كده يلا قومى خدي شاور وننزل نلف شويه
روفانا .. انتى حامل يا بت
تسنيم .. عادي الدكتوره قالت اتمشى كتير علشان الحمل يبقى سهل
روفانا.. ماشى يلا ودخلت خدت شاور ولبست هوت شورت اسود وبضى احمر قصير وجاكت اسود
زين ..مين الصاروخ دي
روفانا .. هههههههه  يلا يسطا
ونزلوا التلاته واتفسحوا ولفوا كتيييييير وبعد ما تعبوا روحوا ناموا على طول
.............................
رجع ياسين بيته فى وقت متأخر وناديه كانت مستنياه ناديه .. تعال يا حبيبى
ياسين حضنها .. الله يا امى تعبان طلقت مراتى اللى بحبها يا امى ااااااااه
ناديه بعياط .. انا اسفه يا بنى اسفه انا السبب انا اللى جوزتك نسمه بس دلوقتى بقا أمر واقع عيش مع مراتك وابنك وانسى اللى فات
ياسين .. هنسى مراتى ازاي اااااه يا امى انا طالع شقتى
ناديه .. عند نسمه
ياسين .. لا شقه روفانا
ناديه بحزن .. اطلع يا بنى طلع ياسين شقته ونام وحضن لبس روفانا وبعياط .. ااااااه يا قلبى اتحرمت منك اااااه يا ربي الحمد لله الحمد لله بس هتسحمل ازاي اشوفك مع غيري يا عمري كله ازاي بس اه على وجعى يارب انا تعبت والله العظيم تعبت ونام وهو بيعيط تانى يوم جهه زين وخد جهاز روفانا وسط ضيق وغضب ياسين اللى كان على تكه واحده بس ويموت زين بس مسك نفسه حتى جيرانهم كانوا زعلانين لأنهم حبوا روفانا جدااااا وهو سمع حوار بين اتنين من جيرانهم بس مش هو لوحده أمه كمان سمعت وندمت اشد الندم
.. شوفتى يا ام مسعد مش ياسين يختى طلق مراته
ام مسعد .. بجد يختى تعرفى انا كنت عايزه أحدها لمسعد يوم فرح البت تسنيم بس ياسين خدها أما دلوقتى هشوف كده واجوزها لابنى
.. ايوه يختى مضيعهاش من ايدك ياختى حتى لو مطلقه بس شوفى جمالها وادبها واحترامها ودي بت انا بحبها اووووي لو مكنش مصطفى متجوز كنت خدتهاله
ام مسعد .. والله يا ام مصطفى انا مش عارفه ناديه يختى اتهبلت تتطلق ابنها من روفانا وتجوزه البت المسلوعه دي اللى اسمها نسمه
ام مصطفى .. دي بت قليله الربايه هو وامها سرقت الراجل من مراته منها لله البعيده
ام مسعد.. طب تصدقى يختى اول ما ياسين اتجوز البت لاجنبيه دي كنت أدخل بيتهم تلاقيه شبه بيت الوزير فى النضافه وريحه الحلوه وابتسامه البن وهى بتقابلك نفسها تشرح صدرك كده وتدخلى
ام مصطفى.. فعلا يختى والله دي كفايه مقابلتها خلتنى كل يوم عايزه اروح عندهم مش زي ألبومه اللى اتجوزها اللى اسمها نسمه دي
ام مسعد .. تعرفى مسعد سالنى على نسمه بس قولت لا والف لا أدخلها بيتى الحيه الخبيثه دي دي معفنه طب اصبري وهتشوفى اللى هيحصل عند ناديه بعد كده قابلينى لو لقيتى البيت زي ما كنتى بتلاقيه زمان ايام روفانا
ان مصطفى .. كل حاجه هتبان ياختى
ناديه فى سرها .. ندمت يا تسنيم ندمت يا بنتى كان عندك حق لما قولتلى هتندمى بس انا كنت عاميه اااااه يارب الحمد لله ولقت ياسين جاي عليها وفجاه
..........................
.. مالك يا بنى
اسر .. مش عارف مضايق لى
..اوووف انت حالتك غريبه اوووي اليومين دول يا اسر
اسر .. ايوا يا ....
🤗🤗
توقعاتكم
اي اللى حصل فجاه عند ناديه وياسين
روفانا هتعمل اي بعد كده
مين البطل وانتى هيظهر وممكن يكون هو المجهول ولا اسر هو البطل
نسمه هتعمل اي مع حماتها وجوزها
اسر مضايق لى وممكن يكون علشان