بائعة الخبز والشيخ محمد

بارت ٨

ننهض بنشاط عندما يكون صوت العصافير على الاشجار تنشد اجمل الاصواة وشروق شمس الصباح الجميله بداية برودة الجو قرب فصل الشتاء وايام المدارس ايام تمشي بسرعه كيف اصبحنا هنا وكيف يمضي بنا قدرنا وحياتنا
.....

رشا ... حيدر هذا الشيخ يوميه يجي وكت الظهر وللعصر يطلع

حيدر ..اي خيتي ليش شنو صاير شي

رشا ...لا بس اني استحي شلون

فخريه ...وانتي شعليج خيه انتي بالمطبخ يطلبون شي اجهزه واخذه لهم قابل راح تبقين مكابلتهم

حيدر ...رشا انتي اكضي حاجاتهم وارجعي للمطبخ كانما ما موجود احد كبالج كوني عيون عميه واذن طرشه خارج بيتهم لان البيوت ياختي اسرار ومااريد سرهم يطلع شما شفتي منهم

رشا ...لا اخويه شلون تقبل هي الشيخه وثقت بيه وتريدني اطلع سوالفهم اني ماليه شغل بيهم رجال وزوجته عليه من شغلي وبس

حيدر ..لعد ياله اوصلج وجوري بعد لا تاخذيها خليها ترجع للخبز

سجاد ...لا والله ماترجع حاره عليه
حيدر ورشا 😒🤔

رشا ...يعني تخاف على جوري من الحر
فدوه للصغير بعد عمري

سجاد ...اي عمه مو خطيه حاره 🥵

حيدر ...امشي عيني خلي نروح جييل تالي وكت

رشا ...ههههه فدوه غير بنت عمته ويخاف عليه

فخريه ...عيني راح تروحون

رشا.... اي ام مرتضى تريدين شي

فخريه ...مابقى عن المدارس وتدرين الملابس وشغلات للولد ماعدهم .

رشا ...افتهمت عليج عيني فخريه لا تفرين  بالحجي من استلم الراتب اخذهم بعد وكت عن الدراسه

حيدر...عوفيه هاي جايه تخوط بصف الستكان اعرف شنو عدها اذا متخلينه على الحديده مااسمه الا اخبلها بس تريد فلوس عمرها ماحمدت الله ع النعمه

رشا ...يا عيني حقه متشوف شلون كعدتكم بيت سكفه كل جينكو وحقه تريد مثل باقي النسوان مابيه شي

حيدر ...ليش اني عندي وعاز عليه والله هاي شوفتج انتي اختي وتعرفين بلوضع يادوب اركض حت اجيب الراس على الراس مجاي الحك كله على الاكل مصرفنه شنو بيدي 

رشا ...واني وبناتي هم جملنه عليك جيناكم علواه فوك مو وضعكم  التعبان وبيتكم وجملته اني وبناتي

حيدر ...مرت الثانيه اذا هيج حجيتي ولا اباوع لوجهج ليش انتي اخيتي شعندي غيرج وذني بناتج هن بناتي واغلى من روحي لو ماهن لجان جيفتنه فخريه شوفيهن شكد نظيفات ومرتبات ادري ماتغار

رشا ...حيدر بيهن لا ميديرن بال اذا لكن اعتماد على احد عادي عدهن ياله عيني راح ادخل بيت الشيخ وانت طريق السلامه يا روحي دير بالك على نفسك