_فين العيديه
=دا عيد لحمه ..
_اهلا وسهلا ... فين العديه
=انتي غبيه يبنتي ... بقول عيد لحمه
_واللي مش بياكل لحمه يعمل اي
=ياكل فته ..
_يعني مش هتديني .. تماااااااام
=اااه وغوري بئا عشان اكمل الاكل
_ ميدو ميدو ميدو
%عايزه اي
_فين العيديه
%دا عيد لحمه ... وبعدين احنا في الوقفه
_هو انا كل ما اسأل حد علي عيديه يقولي دا عيد لحمه ..وبعدين انا مبكلش لحمه اعملولي فراخ بكرا
%قولي لامك تعملك فراخ.
_توتي .. ميدو بيقولك اعملي بكرا فراخ مش لحمه.🙂
=غوري يابت من وشي..
_يعني ولا عيديه ولا فراخ ..
=روحي العبي مع الخروف
_العب هو انا طف... ماشي ماشي
.....
_تعرف ان هما هيدبحوك بعد الصلاه بكرا وهياكلوا اللحمه بتاعك....
_لا وكمان مش عايزين يعملوا فراخ ولا يدوني عيديه ....
_ بقولك اي تعال نعمل خطه ... انت اكيد مش عايز تدبح صح ..وانا مش هاكل لحمه اليوم دا
بص انا ههربك .. بس اوعي تقول لحد
_انتي غبيه صح هيقول لحد ازاي .. ماعلينا بكرا نتقابل عشاان ننفذ الخطه .. بااي
صلاه العيد
=يلا البسي عشان ننزل نصلي
_ اي ... ااااااه ياااماما بطني وجعااني
=مالك يبت
_بطني ياماما بتوجعني ...روحوا يلا صلوا ونا هكون كويسه
= لا ازاي انا هقعد معاكي خلاص .. اابوكي واخوكي هيروحوا
_ لا ازاي يعني انتي كمان متروحيش ميصحش يعني ... يالا يالا انزلي
=اي النقله اللي حصلت دي .. مش كنتي تعبانه
_اااه مش قادره .. مناا تعبانه اهو
= قومي يبت البسي مش ناقصه دلع
_هنفذ الخطه ازاي دلوقتي ..
=خطه اي يا ملك
_خطه .. خطه اي ... ااه اقصد الخطه عشان اشوف هلبس اي بئاا
=طيب يالا قومي البسي .... خمس دقايق وتكوني خلصتي
_حاضر ....
بعد الصلاه
=بتعيطي لي دلوقتي
_عشاان هتدبحوا بوجي
=مين يختي
_بوجي
=ودا اي انشاء الله
_الخروف
=بتعيطي عشاان الخروف
_دا عشره عمر دا
=عشره عمر اي... داحنا جايبينوا من يومين
_اهو شوفتي جايبينوا من يومين ... يبئاا عشره عمر ولا لا
=ربنا يكملك بعقلك يبنتي
_ميدو ميدو ميدو
% عايزه اي
_انتوا.هتدبحوا بوجي خلاص
% بوجي!! ااه هندبحوا عايزه حاجه
_مش عايزه اكل لحمه ... هات العيديه
% تاني
_ااه تاني ... ومش همشي من هنا غير اما اخد ماتين جنيه .. مش كفايه هتقتلوا صاحبي الوحيد
%صاحبك الوحيد !!
%انا دلوقتي اتأكد انك هبله بجد
_متشكرين يارجوله ... هات العيديه
%خدي داانتي زنانه ...
_هااااا ... اهلا اهلا بالعيد مرحب مرحب بالعيد ..ها ها هااا .هااااهااهااا
%غوري بئاا من هناا .... ربنا يكملك بعقلك
بعد خميس سنوات
& تيتاا .. فين العيديه بتاعتي
ملك: دا عيد لحمه مش
=وانتي مالك حفيدتي بتقولي اناا .... خدي ياقلب تيتاا
ملك: ووه... هو دا مش عيد لحمه .. فين العيديه بتاعتي انا كمان
=دا عيد لحمه
ملك: مانتي اديتي البت دي
= روماا تاخد اللي هي عايزاه ... روحي خدي من جوزك
ملك: خدي ياابت هناا هاتي العيديه دا عيد لحمه
ملك: هو انتوا متبنيني او لقيتوني قدام باب جامع مثلا ... مش قولتولي ان دا عيد لحمه ومش بيتاخد فيه عيديه .. اشمعنا بتدي البت دي بس هاا .. هو انا اللي بنتك ولا هي
=هههه انتي بنتي وهي حفيدتي
ملك: طيب هاتي العيديه
=لا دا عيد لحمه
ملك؛ تمام ... انا هنفذ خطتي المرادي بئاا طالما مش هاخد عيديه
=روحي يابنت الهبله كل سنه بتروحي عشاان تفكي الخروف ومش بتعرفي
ملك : هو انتي عارفه
= تخيلي ... اصل انا كنت بعمل كدا زمان
ملك: دا طلع وراثه بئاا ههههه
...
#ندى_أحمد
#دا_عيد_لحمه_مش_عيديه
كل سنه وانتم طيبين ❤❤💃
رأيكوا قي الكومنتات
