البهاق او Vitiligo
كتير مننا ميعرفش يعني اي البهاق .. البهاق هو حاله يفقد فيها الجلد خلاياه الصبغيه (صبغه الميلانين)
وهي الصبغه الطبيعيه للجسم
عشان كدا تلاقي الجسم بيتغير لونه في مناطق مختلفه ..وهو مش معدي على فكره
كتير مننا ميعرفش ان يكون عندك المرض دا انك كدا مميز
ازاي يعني مميز وعندي المرض
لان المرض دا نسبه انتشاره 1% بس من سكان العالم
يعني تخيل ربنا خلاك من ضمن ال 1%دول دون عن الباقي
عرفت لي انت مميز
لما كبرت شويه عرفت اني مميزه عرفت متأخر حبتين بس المهم اني عرفت دا عرفت ان ربنا بيحبني وخلاني مميزه عن باقي اللي حوليا .. بس تميزي انا ظاهر للناس كلها علي وشي وايدي وجسمي
دايما كنت كارهه نفسي والحاله اللي انا فيها دي .. لدرجه اني بعدت عن كل حاجه عن كل النااس لاني كنت دايما بسمع جمله ابعدوا عنها لتتعدوا .. كنت بسمع الجمله دي من الكبار قبل الصغيرين ..ساعتها محدش حس بيا محدش حس بوجعي ..ويقولوا عادي هي عارفه اننا بنهزر هي متعوده علي كدا .. بعدت عن الكل لاحسن يتعدوا كنت مقتنعه زيهم اني ممكن اعدي حد
لغايه لما كبرت ودخلت الجامعه كنت بردوا بعيده عن الكل ... بس اخره البعد دا ايه ولا حاجه
وقفت وقولت هفضل ابعد كدا كتير ويزيد اكتئابي اكتر ويزيد تفكيري اني انتحر اكتر
فوقت لنفسي شويه ماهتمتش بكلام الناس او يمكن اتعود علي دا خلصت الاربع سنين بتوعي وجبت امتياز متوقعتش دا ..موقفتش لكدا وبس ..عملت كمان دكتوراه واهو اول محاضره ادخل اشرح فيها ..
تفتكروا انا قولت الكلام دا كله لي
عشان شوفت نفسي .. شوفت نفس المواقف اللي حصلت معايا بتتعاد تاني
انا قدرت علي المواجهه ..هل غيري هيقدر برضوا ..ولا هتكون نهايته الانتحار زي كتير عانوا من التنمر
اللي حبيت اوصله من كل دا ان ربنا ميز كل واحد فينا بحاجه مختلفه عن الباقي حتي لو كان مرض كفايه ان ربنا افتكرك يا جدع ..والمفروض تكون فخور وانت ماشي ان ربنا ميزك عن غير ب الحاجه دي
#ندى_أحمد
رأيكوا في كومنت
بقبل ب الرأي السلبي قبل الايجابي
