နန်းတစ်သက် ဘယ်တော့မှ ဒီမြို့လေးကိုပြန်မလာဖို့ဆုံးဖြတ်ချက်ချထားခဲ့ပေမဲ့လည်း တာ၀န်အရမို့ သူမ မဖြစ်မနေ ပြောင်းလာခဲ့ရသည်။မိုးညှင်းဆိုတဲ့နယ်မြို့ကလေးဆီသို့။
နန်း ဒီမြို့လေးကနေစွန့်ခွာခဲ့တာ ခုဆို၈နှစ်ခန့်ကြာခဲ့ပါပြီ။အရင်ကတော့ သူမကျောင်းသူအဖြစ်နဲ့ ဒီကျောင်းကြီးမှာပညာသင်ကြားခဲ့ဖူးပါသည်။အခုတော့ကျူတာဆရာမအဖြစ်နဲ့တစ်ဖန်ပြန်လှည်ပြီး ခြေချမိပြန်ပီ။
၈နှစ်ကျော်ကြာခဲ့ပြီးတာတောင် နန်းအတိတ်ကအကြောင်းအရာတွေမမေ့နိုင်သေးပါ...။ဒီမြေမှာသူမပျော်ရွှင်ခဲ့ဖူးသည်...။နာကျင်ခဲ့ဖူးသည်...။
သူမတစ်သက် သေရာပါမယ့် ဒဏ်ရာတွေ တနင့်တပိုးရရှိခဲ့ဖူးသည်....။
နန်းချစ်သူ နွေသံစဥ်နဲ့လမ်းခွဲပြီးနောက်မှာ နန်းရှုးမိုက်စွာနဲ ကိုယ့်ကိုယ်ကိုယ်သတ်သေဖို့ကြိုးစားခဲ့သည်...။ကံကောင်းထောက်မစွာနဲ့နန်းအသက်မသေခဲ့။သို့သော်နန်းရဲ့နှလုံးသားလေးကတော့ သေဆုံးသွားခဲ့သည်....။
နန်းဆေးရုံတက်နေစဥ်မှာ သံစဥ့်ကိုမသိစိတ်ကမျှော်နေမိသည်။သို့သော် သံစဥ်ရောက်မလာခဲ့ပါ...။နန်း ပိုပြီးနာကြည်းခဲ့ရသည်...။နန်းဆေးရုံးဆင်းပြီး အဆောင်ပြန်ရောက်ချိန်မှာတော့ သံစဥ်မရှိတော့။အဆောင်ပြောင်းသွားပုံရပါသည်...။အဆောင်မှသူငယ်ချင်းတွေလဲတစ်ယောက်မှ သံစဥ်အကြောင်းစကားမဟကြပေ....။နန်း စိတ်ဆင်းရဲမှာစိုး၍ဖြစ်မှာပါ။
နန်းကတော့ ထိုအချိန်မှစ၍ သံစဥ့်အပေါ်စိတ်နာကာ အချစ်ကိုအယုံအကြည်မရှိတော့ပဲ နှလုံးသားမရှိတဲ့သူတစ်ယောက်လို နေလာခဲ့တာခုဆို၈နှစ်တောင်ကြာခဲ့ပါပြီ....။
~~~~~~~~~~~~~~~~~~~~~~~~~~~~~~~
ဆောင်းရဲ့ နာမည်ကအပြည့်အစုံကဆောင်းသံစဥ်ပါ။ဇာတိကကချင်ပြည်နယ် မိုးကောင်းမြို့ပါ။အခု ဆောင်းကမိုးညှင်းမှာအဆောင်ငှားနေပြီး မိုးညှင်းတက္ကသိုလ်မှာ သင်္ချာဒုတိယနှစ်တက်နေတဲ့ကျောင်းသူတစ်ယောက်ပါ။ဒီနေ့ကဆောင်းတို့ပထမဆုံးကျောင်းစတက်တဲ့နေ့လေးပေါ့။
"ချောလိုက်တာ ဟယ်"
ဆောင်းတစ်ယောက် အတန်းထဲ၀င်လာတဲ့ တီချယ်ဒေါ်နန်းဆိုင်ဟိန်းခမ်း ကိုအားရပါးရငေးနေမိသည်။အသက်က၃၀အရွယ်ခန့်ဖြစ်ပြီး ရုပ်ရည်ကမင်းသမီးရှုံးလောက်သည်။အရပ်က၅ပေ၃လောက်ရှိပြီး ဆောင်းထက်တော့အနည်းငယ်ပုလိမ့်မည်ထင်ပါသည်။ဆံပင်က ကျောလယ်လောက်ထိရှည်ပြီး ချိတ်အပြာ၀မ်းဆက်ပေါ်မှာ ကုတ်အပါးတစ်ထည်ကိုထပ်၀တ်ထားသည်။ရိုးရိုးယဥ်ယဥ်လေးနဲ့ဘယ်လိုတောင်ချောမှန်းမသိဘူး။
YOU ARE READING
True Love
Romanceကျူတာဆရာမလေးနဲ့ကျောင်းသူလေးရဲ့အချစ်ဇာတ်လမ်းကိုစိတ်ကူးယဉ်ပြီး ရေးထားခြင်းသက်သက်ပါ။မည်သူတစ်ဦးတစ်ယောက်မှထိခိုက်ဖို့မရည်ရွယ်ပါ။
