أّلَجِزِّء ألَأّوِلَ فِّيِّلَأّ أّلَعٌجِمَيِّ أّلَمََّسګوِنِهِ

الجزء الاول فيلا العجمي المسكونه👌🤝

كنت دايما طول عمري اسمع ان فيه فيلا مسكونه في بورفؤاد وكان دايما في بالي ان لازم اعرف اي حقيقه الكلام دا وهل الكلام دا صح ولا تخاريف من الناس ؟؟!
المهم الموضوع دا مكنش شاغل دماغي اوي عشان مكنتش بصدق الكلام دا وعمري ماكنت مقتنع بالحكيات ديه ،، تعدي الايام ويشاء القدر ان اخرج مع ٢ من صحابي ابراهيم واحمد وبالصدفه عدينا علي الفيلا دي كان حوالي الساعه ١٠ بليل وقفنا عندها شويه وبصينا لبعض كان عندنا شغف نعرف ايه الي جواها ،، احمد قال تيجي نخش ولا اي الدنيا ؟ مره واحده بصينا لبعض كلنا كنا قلقانين من الحكايه ديه مع ان احنا عمرنا ماكنا بنصدق الكلام ده كنا في مدخل الفيلا بظبط قولنا خلاص هندخل لحد ما لسه هندخل خلاص يصادفنا. رجل عجوز في الستينيات كدا راكب عجله ووقف عندنا قلنا كد بالحرف الواحد ..بلاش هتندمو ارواحهم دلوقت حوالينا بصينا لبعض وبصينالو ورجع قالنا بلاش انتو مش قدهم والراجل مشي في طريقه طب اي طيب هنعمل ايه بصراحه كدا كلام الراجل كان يقلق اها بس احنا مش هنصدق كلام راجل عجوز وممكن يكون بيخوفنا مش اكتر مش عارف انا اتخيلت ان فيه قطه سوده كانت واقفه علي عربيه ورانا وكانت ثابته مبتعملش اي حاجه الوقت عدي بطريقه عجيبه جدا والساعه بقت ١٢ واحنا لسه معملناش اي حاجه قولنا هندخل ٥ دقايق نعرف اي الي جوا وهنخرج بسرعه نكمل خروجتنا كنا عايزن نعمل حاجه جديده واحنا داخلين انا لاحظت حاجه غريبه اوي القطه مره واحده نزلت من علي العربيه ومشيت بهدوء ورانا انا قولت حاجه طبيعيه ياعني المهم انا محطتش في دماغي وعدينا السور الصغير دا وشغلنا فلاش الموبيلات ودخلنا ....
استنونا في الجزء التاني👌🤝