فيلا العجمي الجزء الاخير
👌👌👌🤝
وقفت قدام الفيلا وانا مش عارف مصيري هيكون ايه قلبي كان مقبوض جدا ومش حاسس باي حاجه حواليا وكان المنظر كالاتي هشام حاسس انه عمال بيقول حجات غريبه عمري ماسمعتها الا في الافلام وابراهيم ماسك المزمار ووبص فجاه عينه لقيتها سوده تماما مفيش بياض !! شغلت فلاش الموبايل وطلعت .. واحنا طالعين علي السلم لقيت هشام بيبص علي حاجه في الدور الاول مش عارف بيبص علي ايه فا لقيته بيوقلي لازم تساعدني وتكون معايا لاني مش هقدر لوحدي قولتله انا معرفش انت هتعمل ايه وانا مليش دعوه بكل دا انا همشي من هنا دلوقت حالا لسه جاي احرك وجلي عشان امشي لقيت القطه السوده واقفه علي بال الفيلا واخده وضع السكون كانها قافله علي الباب كله بس المرادي كانت ضخمه ومنظرها مرعب بصلي وقولي عايز تمشي امشي بس هتكون بتكتب نهايتك بايدك خليك معايا وساعدني لسه فيه وقت ننقز نفسنا وننقز ابراهيم .. ببص علي ابراهيم بدور عليه في كل حته مش لاقيه ابراهيم انت فين ابراهيم !!!! ابراهيم اختفي بصيت لهشام قالي اسكت انا كنت عارف قالي ابراهيم كان في انهي اوضه بظبط قولتلو الدور الي فوق قالي لازم نطلع عشان نفك الطلسم الي حصل لابراهيم طواعته ومشيت معاه اعمل ايه مفيش في ايدي اي حاجه ولو مشيت انا مش عارف اي الي مستنيني برا طلعنا الدور التاني ... شاورلته علي الاوضه الي كان بيصور فيها ابراهيم وقالي المزمار كان هنا ؟ قولتلوله اها هو قالي انه كان هنا دخلنا الاوضه اول مادخلناها لقيت هوا سخن في وشي مره واحده وريحه بشعه جدا بنور الكشاف في الاوضه ولقيت ابراهيم واخد ركن معين في الاوضه واخد وضع السكون واعد علي رجليه زي الحيوانات ولسه بيعزف في المزمار كان حياته كلها في المزمار دا ببص علي هشام لقيته بيطلع حاجه زي خشبه من ايده وبيرسم مثلث في تراب الاوضه وجاب ال ٣ شموع وقسمهم في ارجاء الاوضه وانا مش فاهم ايه دا وبيعمل ايه وايه المصيبه ديه !! لقيته طلع ورقه من جيبه وفضل يقول حجات انا عمري ماسمعتها وفضل يكررها كانت عباره عن تخاريف وشويه قرأن انا هقول بالظبط الي انا سمعته عشان تكون قصتي عبره وعظه للي هتكون في ايده وكان الكلام هوا ( بحق هاروت وماروت توكلو فلتبدأو اطلقو الصراح في هذا النهار من غير غرامه اطلقو صراحه اطلقو صراح ٥ من الجن للظهور حالا لأنقاذ ما يمكن انقاذه اطلقو صراح ٥ من الجن للظهور حالا لأنقاذ ما يمكن انقاذه احط .. اعط .. شام .. توكلو مع هذه الاسماء توكلو واطلقو صراح المسجون حالا توكلو وانقذو مايمكن انقاذه ) ال ٣ شموع ولعو لوحدهم بعد الكلام دافي اللحظه ديه انا قلبي بدق يدق بطريقه عمري مانساها وحسيت ان الدنيا هتتكسر عليا الاوضه درجه حرارتها بقت عاليه جدا والشباك بتاع الاوضه من شده الهوا اتخلع من مكانه في لحظه وسط كل دا لقيت هشام بيقولي دلوقت ..!!! انا مفهمتش كلامه معناه ايه بصيت علي ابراهيم لقيته مغمي عليه ولسه المزمار في ايده هشام بصلي وطلع من جيبه حاجه زي قماشه بيضه وقالي خد المزمار من ابراهيم دلوقت حالا وهاته مفيش وقت !! لسه مسمعتش كلامه وجريتعلي ابراهيم سمعت صوت هشام بيقولي اوعي تبص علي الحيطه اوعي تبص علي الحيطه انا معرفش بيقول كدا ليه ولكني غصبا عني بصيت ...! شفت منظر عمري مانساه شفت الاوضه الي كنت فيها كان بتفرج عليها من تليفزيون شفتها كان اوضه عاديه جدا وكان في حد اعد علي كرسي ومعاه حاجه دا المزمار ...! الفضول غلبني اعرف مين دا بصيت عليه اشوف مين دا سبب كل حاجه وصلت ليها ...! دا الحاج اكرم الي قابلنا عند الفيلا وكان اعد علي الكرسي وبيعزف كانه ميسترو في وسط كل دا سمعت صوت هشام من بعيد وبيقول متبصش علي الحيطه وفضل يكررها بصراخ انا فوقت من كل دا ولقيت الدنيا عتمت في وشي وبقيت شايف خفيف جدا سمعت هشام بيقولي خد المزمار من ابراهيم وحطه في القماشه البيضا فورا سمعت كلام هشام ورحت لابراهيم ابراهيم كان زي المغمي عليه بس ماسك المزمار بايده وسنانه بشده من ايده لقيته متمسك بيه ومستموت عليه بصعوبه جدا اخدته منه وحطيته في القماشه البيضا ولقيته بصلي بصه كلها رعب واغمي عليه ووقع في الارض سمعت هشام بيقولي خرجنا من هنا انت الوحيد الي ممكن تخرجنا اخدت ابراهيم علي كتفي وروحت سندت هشام كل دا وانا مش شايف الا طشاش قدامي معرفش اي الي حصلي بس كملت لحد الدور الاول ولقيت القطه واقفه علي السلم بس معملتش اي حاجه وفسحت ليا المجال اني اعدي خرجت من الفيلا بكل طاقتي ووقعت في الارض من التعب الشديد ومن الي شفته ببص علي هشام لقيته عينه بينزل منها دم وبيقولي الحكايه لسه مخلصتش مضيعش كل الي احنا عملناه لازم تدفن المزمار في المقابر ودلوقت حالا لانك لو معملتش كدا روحنا هتتحبس هنا في وسط كل دا عيني اجت علي الاوضه الي في السطح وكانت منوره ..... يارب انا تعبت لقيت هشام بيشدني وبيقولي لازم تدفن المزمار دلوقت مفيش وقت !! روح انت وانا هوصل ابراهيم لاهله وهنتقابل بعد كده .. متقلقش ابراهيم هيكون كويس روح انت دلوقت ..! سمعت كلام هشام واخدت منه العربيه ومعرفش ايه المصيبه الي معايا ولا انا رايح اقابل ايه يارب استرها يارب وقفت قدام بوابه المقابر وقلبي كان هينفجر بدات اسمع نبض قلبي وجسمي كله مكنش مطواعني عارف انت احساس لما تروح تدفن حد لا وكمان بليل ومفيش مخلوق معدي من الشارع قولت في نفسي اشهد ان لا اله الا الله ونطيت من علي السور ودخلت جوا ايوه دخلت جوه مقابر كانت الساعه حوالي ٤ الجو جوا كاني فتحت باب التلاجه وسبته قولت زي ما بدات كل حاجه لازم انهيها وبحاول مخوفش نفسي وانا في الحقيقه جسمي كله بيترعش من الخوف مشيت شويه حسيت بصعهد وهوا سخن جاي من علي مدفن من المدافن جنبي مشيت لقيت الجو بقي طبيعي رجعت تاني رجع لقيت هوا سخن جدا قولت هيا ديه المقبره الجو كان حر اوي كاني دخلت جهنم طلعت المزمار من جيبي وحطيت عليه تراب ودفنته وماصدقت خلصت ورجعت زي مادخلت لكن وانا راجع حاسس ان فيه حد بيبصلي في حد جنبي كان في ناس عماله تبصلي وانا مش شايف اي حاجه وقفت لما سمعت صوت كلب ورايا انا وقفت مكاني ومش عارف الي انا سامعه دا تخيلات ولا حقيق فعلا اتلغت ورايا شفت منظر دا مش ممكن يكون كلب طبيعي ابدا الكلب كان ضخم بطريقه مرعبه لونه اسود جدا وبشع وعينه كلها غضب وكان بيني وبينه خطوات مره واحده ومن غير مقدمات لقيته جاي يهجم عليا كانه هيتفرسني بدأت اقول في نفسي يارب سامحني يااارب في لحظه وسط كل دا افتكرت كلام امي لو حسيت انك في خطر اقرا ايه الكرسي وشد خط بينك وبين الي قدامك مفكرتش كتير قريت ايه الكرسي ولسه بشد اخر الخط لقيت الكلب بكل عزيمته جاي نحيتي
الكلب من شده سرعته معرفش اي الي حصل كانه خبط في حيطه قويه جدا عند الخط ووقع في الارض وفاق وبصلي ورجع تاني بهدوء في المكان الي كان جاي منه انا كل ده واقف وبقول في نفسي يارب هو انا اي الي بيحصلي دا ...! مفكرتش كتير جريت علي باب المقبره وطلعت من فوق السور ومن شده اني عايز اخرج نطيت من علي سور المقبره مره واحده ونزلت علي رجلي ومفتكرتش اي حاجه بعد كدا من الي حصل .. فوقت لقيت نفسي في المستشفي وامي جنبي وكان اهلي موجودين وكان ماصدقو اني فوقت وكلهم كان بيقولولي الف حمدلله علي سلامتك مالك يابني قولتهلم هو ايه الي حصل قالولي ان فيه واحد اتصل علي اهلك قالهم انك في المقابر بتزور واديتهم العنوان وقفل السكه واهلك راحو هناك وشافوك مرمي ادام البوابه وبتنزف من ورجلك بس اتطمن الدكاتره قالو ان ليها علاج وانك بقالك اسبوع فاقد الوعي وكنت داخل في غيبوبه بس الحمدلله انك فوقت بس المشكله كلها في نظرك ضعف جدا جدا هو ايه الي حصلك ؟؟! انا مفكرتش كتير في الكلام دا ولا رديت عليهم وفضلت ساكت عدي يوم والتاني دخل عليا حد تعرفوه كويس استاذ هشام اطمن عليا واول كلمه قولتهالو ابراهيم فين ؟!!! قالي اطمن ابراهيم كويس بس حصل عنده حاجه زي فقدان الذاكره بيجي عليه وقت ويفضل يقول كلمتين بس التزمو بالعهد ... بس هوا كويس متقلقش لسه جاي بيحكيله الي حصل معايا قالي متتعبش نفسك انا عارف كل حاجه وانا الي قولت لاهلك علي مكانك بالمناسبه في وسط كل الكلام دا قولتله انت لابس نضاره ليه شال النضاره هشام اتعمي .. قالي لو كانرجع بيا الزمن تاني كنت هختار كدا انت عرفتني علي حجات لو فضلت طول عمري مكنتش هعرفها انا بشكرك وودعني ومشي وانا فضلت مذهول امي اجت تحكي معايا بعدها صارحتها بكل حاجه حصلت وكان الرد ..، يابني انا كنت عارفه انك بتعمل حاجه غلط بس مكنتش متخيله انك توصل لكده انت الي عملته دا شرك بالله انك استعنت بغير الله ودا كفر انا هدعيلك يابني ربنا يغفرلك ويسامحك علي الي انت عملته دا استغفر ربنا وادعي انه يسامحك...، انا سمعت كلام امي واقتنعت بكل كلمه قالتها يارب انا عصيتك سامحني يارب .. هكون بكدب لو قولت كل حاجه اختفت لسه لحد النهارده بحلم نفس الحلم ونفس الاشخاص واوقات كتير لما بكون لوحدي بحس ان فيه حد معايا عدي يوم والتاني والحمدلله عدت الايام بس الغريب بقا ان بعد ٣ شهور بظبط هشام كلمني في التليفون وقالي خلي بالك من نفسك وسمعت صوت وشوشه عاليه جدا لدرجه اني رميت التليفون من ايدي في نفس اليوم الي كلمني فيه هشام الكوابيس بدات ترجعلي تاني ورجعت برعب وصريخ لحد ماحلمت كان اكتر من كابوس شفت هشام دخل المقبره وطلع المزمار حاولت اجري عليه عشان امنع المجنون ده لسه جاي احرك رجلي حسيت ان رجليا الاتنين مشلوله وصوتي مبيطلعش حاولت اصرخ مفيش اي حاجه طالعه مني هشام دور وشه نحيتي وبصلي انا حرفيا في اللحظه دي اتمنيت ان الارض تنشق وتبلعني ! هشام وشه كان ازرق جداا مستحيل يكون دا شكل انسان طبيعي ابدا بصلي بعنيه وصرخ انا الدم نشف في عروقي واتمنيت اني اموت في اللحظه ديه ببص لقيته ماشي علي ايده ورجله زي الحيوانات ومعاه المزمار وطلع فوق السور كانه لازق في الحيطه في اللحظه ديه انا صحيت من النوم وحمدت ربنا انه كان حلم اول حاجه عملتها كلمت هشام موبايله كان مقفول اتجننت لبست هدومي وجريت علي بيته لغايه مافتحلي ابوه وكان شكله مخضوض وقلقان اول ماشافني قالي انت صاحب هشام هو فين انا هتجنن عليه قولتلو هو مش هنا ؟؟ قالي دا اخد بعضه ونزل جيت اوقفه عشان مينفعش اسيبه لوحده من بعد الي حصله بصلي بعنيه انا لو احكيلك يابني مش هتصدقني انا اول مره اخاف من ابني!! وسيبته ينزل بالله عليك طمني عليه انت تعرف مكانه فين قولي انا هموت لو قعدت مكاني كدا انا مفكرتش كتير لأني عارف هشام فين دلوقت قولتلو تعالي معايا انا عارف هوا فين ركبنا اول تاكس ورحنا عند الفيلا وكان الطريق هناك مقفول ومانعين اي حد يعدي نزلنا جري نشوف في اي لقينا عربيه اسعاف والناس ملمومه اها هوا هشام .. ابو هشام وقع علي الارض لما شاف وش ابنه هشام وشه كان ازرق زي ماجالي في الحلم بظبط وانا في عالم تاني مابين هشام ومابين الفيلا .. الي عرفته وسمعته من واحد شاف الي حصل ان هشام مات منتحر في الفيلا انا صرخت وعليت صوتي وقلتلهم في جوا مزمار هوا السبب لحد ما الناس خدتني علي جنب وهدتني لجنه التفتيش دخلت الفيلا ملقتش اي حاجه ...بعدها بيومين طلع قرار بهدم الفيلا زي مانتو شايفين دلوقت ... دكاتره التشريح لما شرحو جثه هشام قالو ان هشام مات بازمه قلبيه ومفيش اي علامه تدل علي انتحاره... لحد النهارده بحلم بحلم واحد ان هشام اعد علي الارض جنب السرير وماسك المزمار واوقات كتير جدا وانا في الشارع بشوف القطه كانها ماشيه ورايا مهما بعدت حاولت اسافر بس السفر ماغيرش حاجه من الواقع ......
دعوه حلوه عشان اكمل قصص
تفاعلو معى ياحبايبي ودعموني حتى انزل لكم قصص جديد احبكم 🥰😘😘😘
أنت تقرأ
أّلَجِزِّء ألَأّوِلَ فِّيِّلَأّ أّلَعٌجِمَيِّ أّلَمََّسګوِنِهِ
Horrorلرعب موجود دائما في حياتنا لَـگِنْ منا م̷ـــِْن يؤمن بالله ومنا م̷ـــِْن لايؤمن بالله ولايؤمن بوجود الاشياء لغريبه حوالنا لكل منا يقول مجرد خرافه لَـگِنْ لاشيئ خرافه لوكانت خرافه لما كل منا تعرض لخوف في يوم م̷ـــِْن لايام لنبدى بقصه ليوم اتمنالكم قر...
