نصيبي في الحب

نصيبي في الحب 2

Part 2
__________________________________
نزلنا نشوف فيه ايه وايه الزعيق اللي جاي من تحت ده
لقيت ست بتزعق مع خالو
الست: أنا مش همشي من هنا غير وابني معايا
خالو: انتي فعلا شكلك اتجننتي
الست: هو انت لسه شوفت جنان ده أنا هوريك الجنان على أصوله
جدو: امشي من هنا يا هدي وبطلي مشاكل مش كل اما تتزنقي في حاجه تيجي تقولي عايزه ابني ابنك اللي بتقولي عليه ابنك ده مش طايقك اصلا من اخر مره اخدتيه فيها وهو فرحان ومبسوط معانا هنا
هدي: اه مهو ابنك وطبعا لازم تدافع عنه
خالو: لا ده انتي ذودتيها اوي ومحتاجه حد يلمك فعلا
هدي: يلم مين يا حبيبي شكلك انت اللي عايز تتلم
نهال: ادم ابني أنا مش انتي وانا اللي مربياه مش انتي وهو عندك اسأليه
هدي: اه مانتي خلفتك كلها بنات ومصدقتي تاخدي ابني مني أنا مش عارفه اصلا انتي ازاي عايشه معاه بعد لما سابك وجالي
نهال:أولا أنا راضيه بخلفتي جدا والحمد لله عليها وعندي بنت من بناتي أحسن من ميت راجل ثانيا أنا اللي قولتله يتجوز عشان يجيب الولد اللي نفسه فيه
تيته:خلاص يا نهال مانتي عارفه انها مجنونه ايه الجديد يعني
هدي : طبعا مهيا اللي مرات ابنك بس
خالو: اه لانك مش على ذمتي حاليا ويلا بقا اطلعي بره وقتك خلص
هدي: أنا هعرف أنا هاخد ابني ازاي وهسجنكوا كلكوا
نهال:يستي بقا انتي معندكيش غير ام الكلمتين دول
هدي : بس يا أم البنات انتي مهياش نقصاكي
نهال : لو أنا أم البنات فانتي تبقي مين ؟
هدي : الحمد لله يا حبيبتي مكنتيش ماليه عين جوزك وسابك واتجوزني
نهال: وانتي اللي ملتيها ؟ والا تحبي افكرك اللي حصل شكلك نسيتي
هدي : بس أنا الحمد لله يا حبيتي عندي ابني كبير وهيبقى مهندس قد الدنيا
نهال: تصدقي فعلا انك مبتحسيش أنا مش عارفه اصلا ايه اللي منزلني لمستواكي يا باي
وسابتهم نهال وطلعت لادم اللي كان بيتابع الحوار بصمت ودموع
خالو: اطلعي بره
هدي : والله لاسجنكوا كلكوا وهاخد ابني برضو
كانت بتقول كده وهيا خارجه من الڤيلا وبتزعق
__________________________________ندي:نور!!
نور: ............
ندي :نوور
نور : نعم.!!
ندي: تعالي هنطلع فوق
ملك : ايوه يلا
نور: ماشي
طلعنا الأوضه تاني
نور : هيا مين الست اللي كانت بتزعق تحت دي
ندي:دي حكايه طويله
ايمان: بصي يا ستي بابا زمان لما اتجوز ماما كانت بتخلف بنات وكان نفسه يخلف ولد بأي طريقه فماما عرضت عليه الجواز بابا كان رافض الفكره وتحت إصرار ماما وافق بابا أنه يتجوز وياريته مكان اتجوز
كان بيدور على عروسه لحد لما لقي هدي واتجوزها وتيته شافتها كذه مره وهيا بتسرق في دهببها وتحطه عند نهال تيته كانت عايزه تنفذ خطط هدي وتشوف أخرها فاتفقت مع نهال وعرفتها كل حاجه فتيته قالت إن في حته من دهبها ضايعه
هدي قالت خلاص دوري عليها في البيت كله عندي وعند نهال حتي ف تيته وافقت ودوروا لقوها في دولاب نهال
نهال بتمثيل قالت والله ماخدت حاجه أنا قاعده معاكوا بقالي كتير وماشفتوش مني حاجه وحشه بابا مكنش مصدق انها ممكن تعمل كده وشك في الموضوع نهال قالتله ممكن اكلمك كلمتين لوحدنا بابا كان عايز يفهم فيه ايه فوافق وقالتله على كل اللي حصل وهو الحمد لله صدقها وعمل أنه طرد نهال من الڤيلا
نور : طب وهو ليه طرد نهال وهو عارف ان هدي اللي عملت كده
ندي: علشان هيا كانت حامل في ادم بعد لما خلفت طردها من الڤيلا علطول ورجع نهال هيا بقا علطول مشاكل من ساعتها وهو صغير خدته مره بس مكانتش عارفه تعمل ايه معاه كل لما يطلب حاجه منها تضربه وتلسعه وحاجات كده فظيعه
وخدته مره تانيه وسافرت بيه كرهينه وكلمت بابا وهددته بيه عشان يدفعلها الفلوس اللي هيا عايزاها كان وقتها عمره 12 سنه وكانت حابساه ومبتجبلهوش أكل خالص ولا مايه وكان شكله ساعتها يصعب عليكي اوي صورت ڤيديو وبعتته وبابا دفع لها اللي هيا عايزاه وخد ابنه لأنه اصلا كان نفسه في ولد ومستعد يضحي بحياته عشانه ومن ساعتها وادم بيكرهها ده حتي لسه علامات العذاب اللي هيا عذبتهاله معلمه في جسمه لحد دلوقتي ومبتجيش غير لما تكون خلصت فلوسها وعايزه فلوس
ايمان: وقبل كده جابت البوليس عشان تاخده وسألو ادم يعيش مع مين وطبعا كان اختياره بابا .
نور: الله يكون في عونه والله
ملك : بيصعب عليا اوي
نور: طب هو دلوقتي تلاقيه عامل ايه ؟
ساره: لا نهال معاه بتهديه زي كل مره
نور:يعني ندي وإيمان وملك أخوات من ام وادم من ام
ندي: اه
نور : وانتي وهبه أخوات يا ساره !
ساره :اه
نور: ليكوا أخوات تانيه؟
ساره: اه جو
نور: جو!
هبه: اسمه يوسف بس احنا بنقوله جو
نور:اه تمام بس هو فين دلوقتي ؟
هبه : مسافر أصله عنده شغل فبيسافر ويرجع بيشتغل مع خالو في الشركات وكده يعني
نور: اه ماشي
ايمان : وانتي بقا يا ست نور ايه حكايتك؟
ندي: اه ده احنا اول مره نشوفك يعني دايما تيته وجدو ونهال وبابا هما اللي بيجولك من وانتي صغيره
نور: اه من ساعة وفاة بابا وماما
ملك: احنا اسفين والله لو كنا فكرناكي يعني بيهم
نور: لا عادي مانا اصلا عمري مانسيتهم بصي يا ستي كنا زي اي عيله عاديه وكنا رايحين بنصيف يومين في مارينا عادي مع بابا وماما واحنا راجعين بنهزر والدنيا حلوه حصلت أسوأ حاجه عمري ما هنساها في حياتي و مبتفارفش بالي
بدأت ادمع وانا بتكلم
فجأه وبدون اي مقدمات ترله لقيناها واقفه قصادنا موتت بابا وماما وانا اللي نجيت من الحادثه دي كان ساعتها عندي 10سنين وبعدها عيشت مع عمي في ڤيلا بابا اللي خدها منه بعد موته ومن ساعتها وانا عايشه مع عمي وكل سنه تيته وجدو وخالو ونهال يجولي وطبعا كنت باجي هنا مع ماما وانا صغيره بس من ساعة أما دراعي اتكسر هنا مبقتش احب اجي هنا وبالتالي معرفش اي حاجه عنكم .
ملك: خلاص يا حبيبتي متعيطيش ماضي وعدي طب بصي ساره وهبه من وهما صغيرين ومامتهم وباباهم في مشاكل وعايشين عادي
نور: ..........
ندي: خلاص يجماعه بقا احنا طالعين نفرفشها ولا نقلب عليها المواجع
ملك: ايوه كفايه كلام في الماضي بقا
فجأه نهال خبطت عل باب الأوضه ودخلت
نهال: يلا يا بنات كفايه عليكوا كده وسيبوها ترتاح
نور: لا عادي والله دول عسلات وفرفوشات
ندي: ربنا يخليكي ليا يا نونو
نهال: كده كده هتقوموا تناموا عشان هتصحوا بدري
ايمان: ليه ده بكره الجمعه ؟
نهال: يا بنات سيبوا البنت تنام شويه
نور : لا والله عادي دول عسلات
ايمان:😘
نهال : طب شويه بس متطولوش
ملك : مش هنطول متخافيش
قعدنا مع بعض وسهرنا وحاسه اني كنت قاعده مع عيلتي علي عكس مانا واخده
__________________________________نهال : البنات قاعدين مع بعض فوق
تيته: كويس والله عشان يطلعوها من الكسوف اللي هيا فيه
جدو: شوفتي ادم يا نهال
نهال: اه هديته لحد لما راح في النوم
خالو: طب الحمد لله يارب توب علينا من البلوه دي
نهال: أنا مش عارفه ايه ده كل يومين تنطلنا وعايزه ادم حجه بايخه
خالو: أنا خلاص عرفت هعمل معاها ايه
نهال: ايه ؟
خالو: هتعرفي كل حاجه في وقتها
__________________________________
خلصنا قعدتنا وكل واحد راح اوضته ينام فيها
حاولت انام بس مش عارفه انام مش متعوده على الاوضه دي
خرجت البلاكونه اقف فيها شويه بدل الملل اللي انا فيه ده ولقيت ........
يتبع 🖤⁦☺️⁩
رواية نصيبي في الحب
بقلم: توته
______________________________
ياريت يكون التفاعل حلو زي البارت
مستنيه تقييمكم للبارت ⁦⁦♥️⁩