نصيبي في الحب

نصيبي في الحب 5

Part5
أنا اسفه على التاخير 😓
______________________________
عدي شوية وقت وفجأة سمعت أصوات تحت والدنيا مقلوبه حرفيا نزلت اشوف فيه ايه وايه اللي بيحصل
نزلت بس وقفت بعيد لقيتهم كلهم بيسلموا على واحد كده وكأنهم مشافهوش من قرون
نهال: ايه الغيبه الطويله دي يا ابني
ندي: اه ده كله أظن أن دي اطول مده تغيبها عننا
خالو: ليك وحشه يا غالي
ساره: متتأخرش تاني انت متعرفش احنا عاملين ايه من غيرك
هبه: انتي وحشتني اوي بقالك كتير مبتتصلش
جدو: خلاص يا عيال سيبوا الواد ياخد نفسه
تيته: عامل ايه ي حبيبي طمننا عليك
ملك : ايه مبتردش علينا ليه القطه بلعت لسانك؟
يوسف : والله! هو انتوا كلكوا كده سايبنلي فرصه حتي أتنفس على رأي جدو
إيمان: المهم عامل ايه
يوسف: الحمد لله والله أنا بخير وواقف قدامكوا اهو
نهال: الحمد لله انت مش عارف احنا بنبقا قلقنيين ازاي !
يوسف: هو مش انا بكلمكوا ؟
ساره: فين ده يا بكاش ده انت شغلك اهم مننا اصلا
هبه: ايوه ساره معاها حق انت اصلا مبتتصلش
خالو: خلاص بقا سيبوه يطلع يرتاح
يوسف : اه والله يا خالو قولهم
جدو:خلاص اطلع ارتاح انت عشان انت جاي من سفر
يوسف : طيب تصبحو عل خير
الكل: وانت من اهل الخير
لما لقيته طالع ينام طلعت أنا اوضتي اقعد فيها كنت قاعده لوحدي زهقانه
______________________________خالو: مفجأه حلوه!!
نهال: انت كنت تعرف ؟
خالو: طبعا اومال أنا زيكو يعني
نهال: وانت تعرف من امتى بقا
خالو: ده سر
نهال: أسرارك كترت اوي
خالو: أنا مهم علفكره
نهال: استني استني انت لسه عارف انهارده علفكره
خالو: وايه اللي عرفك
نهال: لما كنت بتتكلم في التليفون
خالو: طب م انتي ناصحه اهو
نهال: اومال انت فاهم ايه ؟
جدو: ومتقولناش
خالو: أنا لسه عارف انهارده يا حج
تيته: مش احنا كنا قاعدين معاك مقولتش ليه ؟
خالو: مهو قالي اعملكو مفاجاه
ندي: لا بس مفاجاه حلوه
ساره: اوي
خالو: اومال فين ادم؟
ملك: هو قال إن هو رايح عند واحد صاحبه عمل حادثه
خالو: ربنا يستر
______________________________
كنت قاعده زهقانه فقولت اكلم داليا
داليا:الو
نور:الو عامله ايه؟
داليا:الحمد لله
نور: مال صوتك؟
داليا:مفيش
نور:هنهزر!!
داليا:مفيش حاجه يا نور
نور:خلاص براحتك مش هضغط عليكي
داليا بدموع :ماشي انتي كنتي بتتصلي عايزه حاجه؟
نور:داليا انتي بتعيطي !
داليا:لا متشيليش همي أنا مش بعيط
نور:هو أنا مش هعرفك يعني ؟
داليا:عايزه تعرفي ايه يا نور ؟
نور:عايزه اعرف مالك ؟
داليا:وهتعملي ايه لما تعرفي ؟
نور: هعمل اللي هعمله بقا
داليا : طردوني من البيت يا نور
نور:ايه !
داليا:ده اللي حصل
نور:طب انتي هتعملي ايه ؟
داليا بعياط :مش عارفه
نور :طيب هبعتلك في البريد فلوس وروحي فندق يومين
داليا: خلي فلوسك ليكي يا نور انتي مش ضامنه ظروفك
نور: ايه اللي انتي بتقوليه ده احنا اخوات ويمكن اكتر يا داليا بصي أنا هنزل دلوقتي وهبعتلك دلوقتي
داليا: لا يا نور
نور: هو ايه اللي لا يعني اسيبك في الشارع واعرف ان صاحبتي في الشارع واسيبها انتي عارفه لو أنا كنت في القاهره كان زمانك معايا دلوقتي بصي متشيليش هم أنا هتصرف في كل حاجه بس انتي اعملي اللي انا هقولك عليه
داليا:أنا مش عارفه اقولك ايه ؟
نور:هتقولي ايه يا داليا انتي اختي وصاحبتي لو مش هعملك انتي هعمل لمين ؟
داليا:ربنا يديمك ليا يا رب
نور:طب وأخواتك ؟
داليا:خايفه عليهم اصلي سمعته بيقول هيوديهم ملجأ
نور بصدمه:ايه!؟
داليا :والله
نور:ازاي ده يحصل ؟
داليا :م أنا مش عارفه اروح فين ف مش هعرف اشيل مسؤوليتهم
نور: دول اكتر اتنين المفروض تحبيهم في الدنيا
داليا: يعني اعمل ايه
نور: تروحي البيت حالا تجيبيهم عل م ابعتلك الفلوس
داليا : ماشي هروح اجيبهم
نور: ماشي وانا هغير هدومي وهروح ابعت الفلوس
داليا : ماشي يا نور
نور: سلام
غيرت هدومي بسرعه ونزلت لقيتهم كلهم قاعدين ماعدا يوسف
تيته: ايه يا نور انتي لابسه وراحه فين
نور: مشوار ضروري
نهال: هو ايه ده يا نور هو انتي تعرفي حاجه هنا؟
نور: اقرب بريد من هنا فين ؟
خالو: ليه يا نور؟
نور: لما ارجع هبقي اقولكم المهم دلوقتي اني اروح لأقرب بريد
جدو: خلاص روحي مع ادم هو هيوصلك
نور: ماشي بسرعه بس
ادم: أنا جاهز اصلا يلا
نور: يلا
خرجنا وركبنا العربيه
أنا كنت بركب ورا
ادم: انتي بتعملي ايه؟
نور: ايه!
ادم: الكرسي اللي قدام فاضي
نور: ........
ادم: ماتركبي يا بنتي هو أنا هكلك؟
ركبت قدام
وهو سايق العربيه
نور: ممكن تسرع شويه ؟
ادم: اه ممكن
نور: شكرا
ادم: بس هو انتي هتعملي ايه في البريد؟
نور: هبعت فلوس من هنا للقاهره
ادم: لمين ؟
نور: لواحده صاحبتي
تليفوني رن وكانت داليا
داليا بصراخ : الحقي يا نور
نور بقلق: فيه ايه ؟
داليا : وداهم الملجأ ومش راضي يقولي اسمه
نور: يعني ايه ؟
داليا : مش عارفه
نور: طيب أنا عندي اقتراح
داليا : قولي بسرعه
نور: اقترحي عليه انك تديه مبلغ مقابل أنه يقولك مكانهم
داليا: أنا هجيب الفلوس منين ؟
نور: ملكيش دعوه أنا هتصرف
داليا: لا يا نور مش هتتصرفي أنا عارفه هو عمل كده ليه
نور: ليه؟
داليا : هو اقترح عليا الجواز من مصطفى
نور بصدمه :ايه انتي بتقولي ايه؟ اوعي توافقي
داليا : مش قدامي حل تاني
نور: لا طبعا مش هسمحلك
داليا : سيبيني على راحتي
نور بعياط :لا مش براحتك
داليا: أنا عايزه اخواتي وهو عايز فلوس
نور : قولتلك ملكيش دعوه
داليا: يعني ايه مليش دعوه
نور : أنا نازله القاهره بكره
داليا: ايه اللي انتي بتقوليه ده ؟ لا طبعا
نور : م أنا مش هسيبك لوحدك
داليا : طيب أنا هلف علي كل الملاجئ القريبه من البيت
نور: ماشي بس متوافقيش مش على اخر الزمن مهندسه تتجوز واحد زي ده
داليا : سيبيني افكر بقا
نور: طيب روحي على اقرب بريد
داليا : برضو يا نور
نور : ايوه
داليا : لما ادور على اخواتي
نور: أنا هحولهم وهقولك تعملي ايه
داليا : ربنا يخليكي ليا
نور: وانتي كمان يا حبيبتي
داليا : سلام
نور: سلام
ادم كان متابع الحوار
ادم: واضح أن صاحبتك في مأزق
نور: اه
ادم: وانتي هتسافريلها؟
نور: مش قدامي حل تاني
ادم: دي صاحبتك اللي قولتيلي عليها قبل كده ؟
نور: اه
وصلنا البريد وحولنا الفلوس ورجعنا بعد تقريبا ساعتين
تيته:ايه اللي اخركم كده؟
ادم: كنا في البريد نور بتحول لصاحبتها فلوس
جدو: ليه حصلها حاجه ؟
حكتلهم الموضوع باختصار
جدو: طيب متجيبيها تعيش معانا هنا
نور: مش هترضى
تيته: لا حاولي تقنعيها يا بنتي دي معاها اطفال صغيره
نور: يارب تلاقيهم بس
نهال: ربنا يوقفلها ولاد الحلال
نور: اصلا لو جت هنا باباها مش هيسيبها في حالها
خالو: أنا هتصرف يا نور في موضوع صاحبتك دي
نور: ربنا يخليك يا خالو والله مش عارفه اقولك ايه!
خالو: ايه اللي انتي بتقوليه ده يا نور؟
جدو: خلاص يا نور اتصلي بيها وقوليلها
نور: ماشي يلا تصبحوا على خير
الكل: وانتي من اهل الخير
طلعت كلمتها
نور: الو
داليا : الو يا نور
نور: عملتي ايه؟
داليا : بدور
نور : ربنا معاكي
داليا : يارب
نور: لما تلاقيهم كلميني
داليا: ماشي
نور :سلام
______________________________
وانا قاعده لقيت باب الأوضه بيخبط
ندي: نور كلمي بابا
نور: ماشي يلا بينا
______________________________
نور: نعم يا خالو
خالو: هما أخوات صاحبتك بنتين اسمهم يارا وتارا وتوأم؟
نور: ايوه هما حضرتك لقيتهم
خالو: اه لقيتهم
نور:بجد!
خالو: كلمي صاحبتك واديها عنوان الملجأ
نور: حاضر دي هتفرح اوي
روحت كلمتها
نور: داليا لقيتهم
داليا: بتهزري!
نور: والله خدي العنوان وبعدها روحي خدي الفلوس اللي انا بعتتها لحد الصبح
داليا: لحد الصبح؟
نور: اه هتيجي تقعدي معانا
داليا: انتي بتقولي ايه ؟
نور: اه والله
داليا: لا يا نور مش عايزه اتقل عليكي اكتر من كده
نور: أخص عليكي يا داليا مش انا اختك ؟
داليا: اكيد
نور: يبقى تسمعي الكلام
داليا: بس
نور: مبسش انتي هتيجي يعني هتيجي
داليا: مش عارفه اقولك ايه ؟
نور: متقوليش حاجه
داليا: طيب هاتي العنوان بسرعه
نور:&&&&&&&&&*
داليا: شكرا جدا يا نور
نور: يلا بس بسرعه ومتعرفيش باباكي
داليا: اكيد
نور:يلا سلام
داليا : سلام يا صحبي
قفلت معاها وانا مطمنه ونمت بعد ما اتطمنت أن هيا راحت الاوتيل
صحيت الصبح وكنت عايزه اشرب فنزلت المطبخ اشرب
_انتي مين؟
لفيت بسرعه وانا مخضوضه ولقيته هو يوسف
نور: بسم الله الرحمن الرحيم
يوسف : ايه شوفتي عفريت
نور باحراج: لا بس اتخضيت
يوسف : انتي مين ؟
نور: أنا نور
يوسف : نور مين؟
نور: نور بنت خالتك
يوسف : والله
نور: هو أنا هكدب يعني
يوسف : مش قصدي بس انا اول مره اشوفك هنا
نور: أنا اصلا اول مره اشوفك
يوسف : وعرفتيني ازاي
نور: من البنات
يوسف : اممممم وانتي بتعملي ايه الصبح بدري
نور : كنت عطشانه وبشرب
يوسف : امممممم
نور: في سؤال تاني عايز تضيفه في التقرير
يوسف: تقرير!
نور: يعني الأسئلة دي كلها وميبقاش تقرير؟
يوسف : أنا شايف واحده في البيت اللي انا ساكن فيه اول مره اشوفها فطبيعي أن أنا أسأل
نور: طيب ممكن بس توسع شويه عشان عايزه اطلع
يوسف: م تعدي هو أنا ماسكك
نور: الطريق
يوسف : اهو
نور: شكرا
يوسف : هو انتي عمرك ما شوفتيني ؟
نور: ما اظنش
يوسف: اومال شوفتي مين
نور: هبه وملك وساره
يوسف : اممممم
نور: اي استفسارات تاني
يوسف : أنا مش بستفسر
نور: ماشي عن اذنك
نور في سرها: يخربيت برودك
يوسف : سمعتك علفكره
نور: هاا هو أنا قلت ايه يعني ؟
يوسف : أن أنا بارد
نور: لا أنت سمعت غلط
يوسف : امال انتي قولتي ايه
نور بتوتر: مقولتش
يوسف : انتي لسه قايله سمعت غلط يبقي قولتي
نور: لا مقولتش
ممكن امشي بقا
يوسف : مش ماسكك اتفضلي
طلعت اوضتي وانا فعلا شايفاه بارد
كانت الساعه 6 ومعرفتش انام فكنت عايزه انزل الجنينه اقف فيها شويه وانا بنزل عماله بتلفت ورايا عشان ملقيهوش وفجأه ..........
يتبع🖤☺️
رواية نصيبي في الحب
بقلم:توته
_______________________________
البارت طويل اهو ياريت يكون في تفاعل علشان أنا بتعب في كتابته
تقييمكم ♥️