အနီရောင်သွေးတစ်စက်ရဲ့ ချစ်ခြင်း ( အနီေရာင္ေသြးတစ္စက္ရဲ့ ခ်စ္ျခင္း )

၃

ကျန်းအိမ်တော်ရဲ့ ကြိုဆိုမှုကား ထင်ထား
သည်ထက်ပိုမိုနွေးထွေးသလိုခံစားရစေ
သည်။ ပန်းအလှအပတို့ အရောင်အဆင်း
အမျိုးအစားစုံလင်စွာ ပွင့်ဖူးကြတဲ့တောင်
တစ်ခုရဲ့ အလည်ချိုင့်ဝှမ်းကြားမှာ စနစ်တကျ
တည်ဆောက်ထားသည့်  ကျန်းအိမ်တော်ဟာ
မြို့တော်နဲ့ မဝေးလှပေမယ့်လဲ နီးကပ်မနေပဲ
သီးခြားတည်ရှိနေသော်လဲ နာမည်ကြီးနေရ
သည့်အကြောင်းရင်းကို ကိုယ်တိုင်သိရှိလိုက်ရတော့သည်။

' ကုန်းသခင်လေး ကြွပါ...  '

သူ့အတွက်ပြင်ဆင်ထားပေးတဲ့ နေရာမှာဝင်ထိုင်လိုက်ပြီး ကျူးကျူးကို တစ်ချက်လှမ်းကြည့်မိတော့ မလှမ်းမကမ်းမှာ နေရာချထား
ပေးတာကိုမြင်လိုက်ရတာမို့ စိတ်သက်သာရရသွားရသည်။

' ကောင်မလေး သခင်ကြီးကို သွားခေါ်လိုက်
ကုန်း သခင်လေးရောက်နေပြီဆိုတာ အသိပေးလိုက်တော့ '

အိမ်တော်ထိန်းဖြစ်ဟန်တူသူ သက်ကြီးပိုင်းအမျိုးသားတစ်ဦးက အမိန့်ပေးလိုက်တော့
အစေခံမိန်းကလေးက တစ်ချက်ဦးညွှတ်ပြီး
အခန်းထဲမှပြန်လည်ထွက်ခွာသွားတော့သည်။

' ကုန်းသခင်လေး ကျွန်တော်က ဒီကျန်းအိမ်တော်ရဲ့ အိမ်တော်ထိန်းပါ ဝူရှီးလို့ ခေါ်ပါတယ်။ နောက်သခင်လေး တစ်ခုခုလိုအပ်တဲ့
အခါ ကျွန်တော့်မျိုးကို အသိပေးပါ '

လက်နှစ်ဖက်ကို ရိုသေစွာယှက်ပြီး နှုတ်ဆက်လာတဲ့ အိမ်တော်ထိန်းဝူ ကို သူ ခပ်ပြုံးပြုံးပဲပြန်ကြည့်လိုက်ပြီး...

' သက်သောင့်သက်သာပဲနေပါ အိမ်တော်
ထိန်းဝူ ကိစ္စမရှိပါဘူး '

' ကုန်းသခင်လေး '

တည်ငြိမ်တဲ့ခေါ်သံနဲ့အတူ အခန်းဝကတစ်လှမ်းခြင်း လျှောက်ဝင်လာတဲ့ သက်ကြီးပိုင်း
အမျိုးသားတစ်ဦးကိုတွေ့တော့ သူ ချက်ချင်း
သိလိုက်မိတာက ဒါဟာ ကျန်းအိမ်တော်ရဲ့ သခင်ကြီး ကျန်းယန့်လီ .....

' သခင်ကြီး '

' ရောက်လာပြီလား အားကျွင်း.....'

အားကျွင်း ဆိုတဲ့ခေါ်သံကြောင့် သူ့မျက်နှာပေါ်ကအပြုံးတွေခဏတာပျောက်ကွယ်သွား
ပေလိမ့်မည်။ကျူးကျူးရဲ့ စိုးရိမ်ပူပန်နေတဲ့
အကြည့်ကိုမြင်တော့မှ နှုတ်ခမ်းတွန့်ရုံပြန်ပြုံး
ပြလိုက်ပြီး ကျန်းသခင်ကြီးကို ရိုသေစွာနှုတ်
ဆက်လိုက်ရသည်။