مجرد من الدماء.

ربما لم يكن هذا خياري..لكن أصبح جزء من قدري.

__________________
السلام عليكم ورحمة الله وبركاتة
أنا راكان عمري ١٩ سنة ، متخرج من الثانوي ولساتني في الجامعة ما كملتها
انا من جده
معاي خوف شديد او مرض مثل ما تقولوا اسمه "الرهاب الإجتماعي"
أعاني كثيراً منه لكن أحاول أتأقلم مع الأشخاص اللي حولي أبتدي أكتب رواية قصتي ذحينه يوم الثلاثاء
على اساس احد يقرأ كتابي لمن أموت كلام فاضي المهم
في يوم من الايام بالصباح اول ما صحيت وكالعاده روتيني مملل من الجامعة للبيت ومن البيت للجامعة وعند اصحابي ونايم !
حبيت اغير منو ف جاتني رسالة بجوالي
للناس اللي حابة تروح بعثة ! فجأة فكرت أدرس بالخارج وأغير من روتيني
يعني نشبة الفكره بعقلي ومستحيل احد يشيلها مني
حاولت اقنع اهلي يوم ورأ يوم لحد ما وافقوا وأقتنعو الحمدلله وبعدها
اليوم اللي بعدو جهزت أغراضي ومشطت كشتي على أساس حروح للبعثة في ماليزيا انا والشله الفاسدة
لكن لمن وصلت للمطار كان فاضي؟
هنا بدأ استنزالي انا و أصحابي اللي قعد يقول تخيلو زومبي مهجن يركض عندنا و اللي يقول تخيلوا ذا المكان يقلب قطاعين الطيارات مو طرق ويضحكون
شوي طق عندي عرق الرقص الا نرقص اللين توصل رحلتنا ونشغل طقق طيران ونرقص ونرقص ممكن راحت مننا حوالي نص ساعة او اكثرر من الحماس ماكان فيه احد والمكان شبه مظلم
شوي واحد من أصحابي نبهنا وتكلم .
أسامة : عيال شوفوا فوقكم الرحلة لساتها واقفه من ساعة مادخلنا يعني ما مشو لحد ذحينة ايش الهرجة ؟
أنا: أسامة كلزق شكل الجنية خبطت فيك لو لها نص ساعة كان رجعت لبيتك يا بابا انت و اغراضك والناس تتمصخر عليك في البيبي وااككككك
العيال كلهم ضحكو بصوت عالي وهو يطالعني ب إستحقار و وده يطعنني طعنن بس يالله مافي مشكلة ولمن كنا شغالين ضحك وطقطقه شوي سمعنا صوت اقسم بالله صوت هزز بدنّا هزز صوت لأول مره في حياتنا نسمعو!
اقسم لكم بالله لحد ذحينة وهو يرعش جسمي رعش !
اتخيلو صوت مسيقى كدا
بعدها إعلان الطائرة أنو جاء وقت الإقلاع ! ايوه أشبكم كان جميل صوتو اول مره نسمعه في حياتنا يأخي .
المهم مشينا انا و اصحابي ولمن وصلنا خلاص على وشك الدخول عشان نركب الطيارة استغربنا انو مافيه سكيروتي؟!
أسامة: شباب من جد ذحينة انا متأكد في هرجة حتصير أحسن لنا نرجع !
عبد الرحمان: انت ايش فيك ناوي تخبص في رحلتنا ؟ طول اليوم وانت لقلقلقلق على روسنا خلاص يبوي لو بيصير حاجه كان صارت من زمان وربنا اللي كاتبه حيصير لنا !
ممكن الناس عندها افف اليوم دا ترحيب لنا هههههههههههههههههههههه
أسامة : عبدالرحمان ولا كلمة ترا نفسيتي طفت اشبك علي ها؟ انا ابغى اسافر حالي حالكم بس مو مقتنع بهالطريقة ممكن تراجع نفسك شويه وتقول فين الناس ؟ وفين السكيروتي ؟ وفين الركاب ؟! ان شاءالله حتطير مع مين ؟ مع برنسيسة حياتك؟ ولا ايش !
أنا: عيالل عيالل ايش الكلام دا استحو شوي احنا اصحاب مو الرحلة دي تخرب علينا جو صداقتنا ! خليكم مركزين شويه وخلونا نستمتع خلاص يا أسامة عشان خاطري وخلاص يا حموش أتفقنا؟.
سكتو كلهم وكان الجو غريب اول مره نتزاعل بطريقة فاشلة متل دي الزبده كملنا طريقنا ومشينا ولمن وصلنا عند الطيارة وكنا نركب الدرج .
فيصل : عيال لو جايبين مخدرات ومسدسات وقاعدين نبيع محد درى !
____
الكل انفقع ضحكك فجأة وصراخ واللي طاح و اللي تخدر و اللي يتفل بوجهه
___
عبدالله: فيصل ذا اللي هامك بس ؟ هههههههههههههههههههههههههههههههههههههههههه تنكتم طول الوقت وفجأة تتكلم وتكتمنا سلامات يبوي تتعاطى
فيصل : ايش عليك يا الوليد بن طلال مقدر ارد عليك لأنك راح تعشيني هناك مالي دخل .
فهد: هيهيهيهيهيهي والله ان تعشينا صادق فويصل انا عاد جيعان وهناك تتعذب من الدفع .
عبدالله: سلامات؟
عبدالرحمان: سلامات حبيبي مو على بعضك سلامات 🎶.
أسامة: امشو خلصو علينا ذبحنا البرد الجو مو كأنو برد يعيال؟
أنا: إيوه والله بردد يعيال يالله.
___
طبعا بعد ماركبنا الطيارة وضمنّا انفسنا وتدفينا سمعنا اصوات المضيفات ورأ وهم يتكلمون ويضحكون !
عبدالرحمان:ها يا أسامة ذول إيش؟
أسامة : خلاص انا أسف
تحرك أسامة وراح ورأ عشان يشوفهم ويتكلم معاهم ويجيب اكل لأصحابو شوي صرخ اسامة
أسامة :عيالللل!
الكل ركض لمن سمع صوت اسامة وهو يصارخ ودخلو عليه مرتبكين شافو اسامة طايح على الأرض ويطالعهم وكأنه شاف حاجه
أنا : شفيك شفيك؟؟
أسامة وهو يتعتع: انا شفت حرمة لابسة عباية سوداء تضحك واسنانها طويله وصفراء وشردَت لمن صرخت اناديكم .
عبدالرحمان: لحظه لحظه ممكن يتهيأ لك!
عبدالله : كيف يتهيأ له أصلا فين المضيفات؟!!
الكل ارتبك وفي خوف شديد مره وتساؤلات تفرفر في عقولهم وكانو خايفين من فكرة مين اللي قاعد يتحكم بالطيارة!؟
الكل قاعدين ينتظرون شخص يطلع لهم من مقدمة الطيارة و يطالعون بعض وفي عيونهم كومة صراخ !
ركضت انا بسرعة مع عبدالرحمان وأخذنا سكاكين وشوكات وشوية اغراض اما الباقي اخذو طفاية الحريق و اللي اخذ شنطتو و اللي اخذ قلم معاه
أنا : عيال لازم واحد مننا يروح وانا لايمكن اخاطر ب أرواحكم و ابيكم تعرفوا انكم اهم حاجه عند..
قاطعه اسامة وهو معصب ومتنرفز من كلامه اللي عارف ايش نهايته !
أسامة : لايمكن أسمح لك تروح لحالك ! أحنا كلنا رحنا بالورطه وراح نخرج منها فاهمين علي محد راح يروح لحالوو !!
عبدالرحمان: أسامة كلتبن فاهم! اي ورطه احنا لو نعرف ايش اللي حيصير ماكان ركبنا من الأساس لا تقعد تتفلسف عليناا!
فهد : ايوه ايش في امك طول الوقت تلقلق علينا هذا جزاتنا خايفين عليك بعد ؟ احنا كمان ما نبغى احد يروح لحالو !
أسامة: اقلكم لو سمعتم كلامي كان ....
قطع كلامهم صوت الباب !
و الباب ذا من مقدمة الطيارة وكان يفتح بشوي شوي وصوت الصرير ب أذانيهم .
والكل قاعد يلقط أنفاسه بشويش و الخوف متملكهم ولاعب في أعصابهم و في مخهم !
فهد سحب كل الشباب وقرر أنهم لازم يكونون مع بعض في حالة حصل حاجة لاقدر الله انو يفزعون لبعض و ٦ ضد واحد شيء جميل .
والباب ينفتح شوي شوي و الصرير يقوى اكثر و اكثر وصوت انفاسهم طلعت اعلى ، و عبدالرحمان بدأ يتعرق كثثييرر .
شوي أنفتح الباب كله وما حصلنا أحد فاتحه بس الصدمة الكبيره لمن ركز أسامة في مكان الطيار وماحصل أحد !!
أسامة راح يبغى يشوف ايش قاعد يصير بالضبط؟!
بس فهد دفعه من صدره وقال :
فهد : أسامة انا ايش قلت ؟! ما نبغى نفقد احد اتفقنا ؟.
أسامة وافق بس جوات مخه فيه قرقرت حكي
أسامة : أحنا مستحيل نضل كدا لازم اشرد بسرعة بدون ما يحسون عشان لو ضليت راح نضل كذا لكم ساعة لازم تخاطر بعمرك يا أسامة لعيون أخوانك !!
لمن كان الكل يتكلم و فيصل يقرأ القرآن غيب *والله وعشنا يا فيصل من أغاني ورقص لقرآن*.
شرد أسامة وهو يركض وصرخت انا ب أعلى صوتي !
أنا : اسسسااامهه !!!
الكل ألتفت له وكانو يصارخون معاي كان فهد ناوي يروح معاه بس سحبتو مع تيشيرته بقوه وحضنته
أنا : حيرجع خلاص خلاص !! هدي أعصابك ما حيصير شيء اذكر ربك يأخي !.
فهد وهو يصارخ وفي قمة الإنهيار : خاطر بحياته عشاننا يعيال ليش ما نروح معاه !! سيبوني اروح معاه ! يمكن يموت يأخي وخرو عني !!.
الكل متأثرين من فهد بكثره وانا منهم بس لمن سمعت هرجته ذي سحبته ودفيته على الثلاجه ومسكته بقوه !
أنا : لو عاد تقول كلام مثل هذا أقسم بالله لا أموتك ! أسامة أذكى واحد فينّا وكلنا نحبه بس كمان برضوو لازم نسمع هرجته ومثل ما قال خاطر بحياتو عشاننا واحنا لازم نقدر هالشيء !!
نعيد لكم الهرجه ذي كلها على ورأ شوي .
بعد ماركض أسامة بسرعة ودخل الغرفة تقفل الباب وراه وماكان يسمع أحد من اصحابه كان يسمع بس صوت الحرمة اللي شافها ! وكان فيه مسجل صغير قاعد يشتغل حولينه ، و الطياره قاعد تطير بثبات !
حس أسامة بأن المطلوب منه أنو يجلس على الكرسي ويسمع بس ! لكن لمن جلس على الكرسي ضربت يده فوق بالغلط فطاحت صورة بين حضنه !
أسامة: بسم الله ايش دا ؟
لمن شاف الصورة حصلها نفس الحرمة اللي شافها وبدأ يسمع التسجيل وكأنو داري بأن قصتها بدت معاه لمن قعد يسمع الهرجه * متعلم من البلاي ستيشن*.
الحرمة ميرلانو وصوتها في التسجيل متقطع وخفيف : السلام عليكم أنا كنت أنتظرك على الفطور لمن صحيت ما لقيتك ومالقيت أي رسالة لك عشان تعلمني بأنك راح تروح *تتنهت*
صوت المسجل: يو هاف مسج ٢ .
ميرلانو: حبيبي بنتك كانت منتظرتك على الاكل في الغداء بس لمن ماشافتك موجود حزنت وما أكلت ياليت لو ترجع بس شوي عشانها .
صوت المسجل : يو هاف مسج ٣
ميرلانو: حبيبي أنت وينك فيه أقلقتني انا وبنتي عليك ! أنتظرناك على العشاء وكمان ما جيت
الرحله حقتك اللي راح تكتشفها في ماليزياء وصلت ولا لا ؟ بنتك رفضت تاكل *تتنهت وفيها عبرات*
المسجل : يو هاف مسج ٤
ميرلانو: حبيبي اللحين حنا بالصباح الساعة ٥ ونص
ما جاني نوم أنت وينك فيه ؟ اخاف بنتك ما تاكل مره طلعت مريضه بسببك ! ليكون رحت لهذيك المنطقة اللي تقولها لي؟.
أسامة وهو مستغرب : منطقة ؟! أي منطقة ؟؟
شوي تشوش صوت المسجل وأنقطع وقعد أسامة يضرب بقوه عشان يطلع صوت وهو يضربه يطلع صوت ضعيف وهو يتكلم
ميرلانو: أليموكس رحلة.....بر.....ا....... رحت..لها صح؟ رحت..... مث..ث....برم........ حبيبي صح؟
أسامة : لا لا لا مو وققتتكك قولي ايش هيّا الرحلة و المنطقه إيشش اهرججي اهرجي الله يخليك هففف .
وجلس اسامة وحط يده على وجهه وبدأ يتنهت ويفكر ايش كانت تقول من الأحرف !
بدأ يستجمع قوته أسامة في ثواني وقعد يدور له قلم ويبتدي يجمع الاحرف ويقعد يشبكها عشان يعرف ايش هي المنطقه !
____ خلونا من أسامة اللحين ونرجع للشباب .
عبدالله : وللدد ولدد راكان بعد عن فهد خلاص ردت فعل جات فجأة ! سيب الولد خلاص يعيال خلونا نفكر وسيبونا من العصبيات و الأخلاقق الزفت ذي انتو مستوعبين أنو لمن ركبنا الطيارة واحنا في حالة هستيرية من المناقره !؟ وكأنو ناوي يفرقنا ! خلااص
فيصل : صح صادق خلونا نفكر ونشغل عقلنا شوي !
أنا : تعالوا معاي طيب خلونا نحاول نفتح الباب او ننادي أسامة !
راحو الشباب معاي وأحنا نمشي نحس في بروده قاعده تصير وكأن الباب يبعد و يبعد تعبنا من كثر ما نمشي و البرد ذبحنا .
فهد وهو يصارخ: والله ما نستسلم احنا قدها والله لا ارجع أسامة فاهميينن !!!
عبدالله: عيال انا ما اقدر اكمل انتم تلاحظون ان الباب يبعد وكأننا بفندق مو بالطيارة والبرد قاعد يزيد كل ما مشينا انا تعبت ما اقدر حاس حالي بموت !!.
عبدالرحمان : وانا كمان عيال الجو طالع بارد مره وحاولتو تشوفون من حولينكم القزاز تثلج ! ما نقدر
فهد: اسمع انت وهو ! اذا تبغون تستسلمون وتسيبون المعفنه مع اسامة ؟! انا ما حتركه تسمعون والله ما اخليها تتهنى في حياتها لأعيشها عيشة الجحيم صحح !
شوي طلع علينا نور قوي لدرجة أنو ما قدرنا نطالع حطينا ايدينا على وجهنا وننتظر يطفي النور
بس لمن طفى وفتحنا عيوننا لقينا الطيارة كلها مثلجه وفيها ضباب قوي وبرد كمان قوي !
أنا : عيالل عيالل فينكم ما اسمعكم اهرجو معاي عشان اسمعكم سرعة !! عيالل !!
شوي اختفى الضباب ولمن اطالع حوليني لقيت اصحابي متجمدين حولي !!