البارت 1
#حب_امتلاك
تشرق الشمس الذهبيه رويداً ، لتعلن علي بدا يوم جديد في حياه الجميع ، يوم مليئ بالأمل بالطاقة يوم مليئ بالألم والقسوه بالمفأجات الكثيره
ليصدر ذلك الهاتف اللعين ، أصوات متتاليه ليجيب مالك مقتضب الحاجبين بانزعاج
- صباح الخير يافندام
= صباح النور يامالك انت فين
- في البيت يافندم
= عايزك خلال ساعه تكون عندي، في جريمة قتل
أغلق الهاتف وذهب ليأخذ حمام منعش و لم يمضي إلا دقائق خرج من المرحاض حتي وجد أخيه الأصغر مؤمن نائم فـي غرفته
- صحيت يابيبي
= ياصباح الزفت اي جابك هنا علي سريري
- بيس يامان روق أعصابك
ألقي مالك عليه الوسادة
-: قوم يلا من هنا
= بتطردني من أوضتك فعلاً صدق اللي قال تاخدونا لحم ترمونا عضم
وجذب قميصه عليه بشكل مضحك كأنه يدري به جسده ثم أكمل بمرح
- بس أحنا محلتناش غير شرفنا مش هنفرض فيه
مالك محاول كتم ضحكاته
- مؤمن مش عايز أشوفك تاني
أقترب منه ونظر داخل عينه بجديه ثم وضع يده علي قلب أخيه
- أسال قلبك عايزني أبعد
= انت ليه محسسني انك مراتي
- ماهو لو مش عجبك طلقني
= مؤمن انتـ
- لاااااااااا أرجوك ما تأرملش عيالي
= ما ايه ???
- متيتمنيش
= بغض النظر عن التخلف العقلي ده ، أنا بقول طلاق مش موت
- اي ده بجد
= الله يشفيك يابني يلا أخرتني أنا نازل
- مالك ، خلي بالك من نفسك
=سيبها علي الله، هو حسام فين
- تلاقي نزل
في أحد الشقق القذره التي يمارس فيها ماحرم الله نائم ذلك الشاب ذو الثالث والثلاثون من العمر كبير عائله المنصوري وهو حسام ذلك الشاب المتعجرف الذي ذاد كره لاخيه مالك عندما طلب الجد ان يكون هو الحاكم علي أمواله من بعده ، ألقي ببعض الأموال أمام أحد فتيات الليل وأخذ قميصه وخرج سريعاً مغادر المكان ، عوده لذلك المنزل ، تستيقظ من نومها ببطئ تداعب الشمس تلك العيون البندقيه بجمال مبالغ ، هذه هي جنه ذات العقد الثاني أبنت عائله المنصوري الصغيره ، هذه تكون أغلي شئ لمالك فاهي شقيقته الصغري حبيبه قلبه ، أستيقظت علي لمسات بيد دافئه ناعمه
- صباح الخير
= صباح الورد ياجنتي
- انت لابس كده علي فين بقا مش أنهارده أجازه
= جالي شغل مهم ، قولت أصبح عليكِ وأنزل
قبل رأسها بحب ليدخل عليهم مؤمن
- خيااااااانه لا
مالك وهو خارج من الغرفه
- يا أوفر
= قصف جبهه
- هاها خفه ابت ، مالك مش فاضي وحسام مش هنا مافيش غير أنا وانتِ ، تجي نخرج
= أشطا هاجهز وأجيلك
في مكان أخر تعد الطعام تلك الجميله ذات الخامس والعشرون من العمر تعمل مدربه سباحه تذهب باكراً ولكنها تتحمل مسؤليه شقيقتها ذات الثامن عشر من العمر ووالدها فاهو مُنذ وفاة زوجتة عندما كانت تلد أبنته الصغيره أصبح شخص أخر لايبالي بالحياه لايلتفت إلا للخمور والسهر وتضيع الأموال
- شهد أصحي بقا
= اييييي حرام ياناس ده أنهارده أجازه يارهف
- قومي أفطري وذكري
= حتي يوم الأجازه
- النجاح عايز تعب أتحملي ، الفطار عندك أفطري ولما بابا يصحا فطري
= هو انتِ رايحه فين
- هادور علي شغل
= والسباحه ???
- جنبها، السباحه من الصبح لظهر وأشوف شغل كمان ساعتين تلاته كده
= بس كده كتير عليكِ ، أنا لازم أشتغل واساعدك
- مطلبتش منك مساعده
= بس انتِ شيله هم دراستي ومصريفها والبيت
- لما أشتكي أبقي أتكلمي وبعدين فرحتي بجد لما أشوفك دكتوره قد الدنيا
أثناء عودة حسام لمنزله بسيارته تصادم بفتاة ما لتتجمع الناس سريعاً
- لااله الا الله العربيه خبطت بنت في الشارع
الجميع يركض بخوف ويكبرون وبعض النسوه يتحدثن بالم
-ياعيني لسه صغير ، ربنا يحفظها يارب
نزل هو في كامل أناقته يبعد الجميع من أمامه وجلس بالقرب منها يزيل شعرها من وجهها ليري من هذه وسريعاً حملها لداخل سيارته وأنطلق بها
