الاسد الملك ....
الفلم يتكلم عن اسد صغير اسمه سيمبا عند عمه سكار الي يقتل ابو سيمبا بس عشان يستولى على العرش و يحكم ارض العزه الي اهو المكان الي عايشين فيه ، وبعدها سيمبا يهرب و ويختفي و فجاة يرجع وينتقم من عمه سكار لان قتل ابوه ويرجع ياخذ منه الحكم ، هذي قصة الفلم باختصار ، ولكن ! النظرية تقول بأن القصة الاصلية جداً جداً مظلمة لدرجة ماتتخيلونها ، النظرية تقول : شصار بجثة موفاسا بعد مارماه اخوه من فوق الجبل ؟ كلنا كنا نفكر بان الاضباع الكريهه الي تطلع في الكرتون اهم الي كلو جثه لكن لو بحثنه في قوقل بيطلع لنا من النادر جداً ان تصطاد الضباع الاسود ، بالرغم من انها من الممكن ان تفعلها الا انها تتجنب الاسود الذكور وفقط تهجم على الاسود الصغيره ، ولا يوجد اي نوع من الحيوانات اصلاً ياكل الاسود ، ماعدى نوع واحد الي اهو (الاسد نفسه) ! ، ولو تبحثون بعد بيطلع لكم بأن الحيوانات المفترسة تقتل و تأكل بعضها و خصوصاً الاسود ! ، بعد ماعرفنا هذي المعلومات على السريع خلونه نتذكر المشاهد ، في مشهد حق العم ماسك جمجمة و يلعب فيها وتشبه هيكل عظمي حيوان و كأنها هيكل عظمي اسد ، ولو بعد بحثنه وقارنه بين الجمجمه في الكرتون و الجمجمة الحقيقية للاسد بنشوف بأن الشبه بينهم ١٠٠٪ ! ، فيعني سكار مو بس قتل اخوه ، اهو كلاه ، كميه الاشياء العميقة الي اكتشفناها مو طبيعية ، يعني المفروض فلم بهذا العمق ماينحط ولا ينعرض للاطفال ، يعني قتل و اكل اخوه و بعدين قعد يلعب بجمجمه اخوه !؟ ، و مع الاسف هذي حقيقة كرتون الاسد الملك ..
THE END
