سبونج بوب بارت الف 😭..
اليوم راح نتكلم عن اهم شخصيات الكرتون و اهو شخصيه بسيط ، بسيط اهو من اكثر الشخصيات المتخلفه و المخيفه الي في الكرتون ، بسيط يقول لسبونج بوب ( الشي الوحيد الي لازم تخاف منه هو بعدين يسكت شوي و بعدين يصرخ بصوت عالي و يقول هو نفسك ) !
هل بسيط هو يمثل لنا انه اهو غبي و تصرفاته مو منطقيه لكن بالاساس اهو ذكي و قاعد يتلاعب بكل الي حوله ؟
في حلقه من الحلقات في مقطع تقريباً يوضح لنا ايش قاعد يصير معه بالضبط ، نشوف ان راسه مقطوع بعد ما يطيح من حافة الجبل و سبونج بوب بالغلط يستبدل راسه بمرجان المخ و بعدها انشبك بعقله و قاعد يشتغل و بعدها قال ( اعتقد ان الضحك هو غير منطقي ) ، و قبلها كانوا يبينون لنا ان دماغه عليه شبكة عنكبوت و كأنه مغبر و كانهم يقولون لنا ان عقله كان شغال و لكن صارله فتره طويله غير مستعملة ، و لما عقله يشتغل هنا نشوف لمحات عن شخصية بسيط الحقيقيه ، في خلال الحلقه نشوف ان اهو يستهزئ على شفيق و ساندي و يوصفهم بكائنات غبية و مالها اي فايده ، رغم ان معروف ان نجم البحر ما عنده دماغ اصلاً و لكن الحبار و السنجاب يعتبرون كائنات ذكيه حتى في حياتنا الحقيقيه رغم ان نجم البحر ماعنده دماغ اصلا الا ان عنده اعصاب في جسمه كامل و شي ثاني جدا مهم ، الشي هو يقدر يجدد اطرافه و في بعض الحالات اذا انقطع جسمه يقدر يتجدد ، يعني تخيلوا ان بسيط كان قادر ان يجدد راسه ، و في حلقة نقدر نشوف بسيط يستنسخ نفسه لان لو كان هذا الشي صحيح فهذي مصيبه ، اكيد اغلبكم قاعد يسأل ليش مصيبه ؟ لان بسيط اهو وصف عقله عباره عن مصائب جماعية ماتبين اسرارها الحقيقيه ركزو على اخر كلمتين من الجملة و الحين بنقدر نفهم ايش قصده بالضبط !
في حلقة الصندوق السري الي لما سبونج بوب يسال بسيط عن الشي السري الموجود داخل الصندوق يرد عليه بسيط بجمل و مصطلحات ماقد سمعناه يقولها من قبل مثل ( كلا يا سبونج بوب ، من الممكن تكون انت كتاب مفتوح لكن انا اكثر تعقيداً من ذلك ، ان المكائد الداخليه لعقلي هي اللغز ) بسيط يقول لسبونج بوب ان اهو عباره عن كتاب مفتوح و مايستاهل يعرف ايش الموجود في داخل الصندوق و يقوله ترا انا اكثر تعقيداً من ما تتخيل فهل هي حقيقه ذكاء بسيط الخارقة ؟ و حطوا في بالكم ان الحلقة هذي كانت قبل الحلقه الي تكلمنا عن عقله ، المهم في نهاية حلقة الصندوق السري بسيط يكشف شنو كان في الصندوق الي كان عباره عن خيط ابيض !!
بعدها سبونج بوب يضحك و يروح بيته و يرجع ينام و بعدها نشوف لقطه بسيط و اهو لحاله و حرفيا يضحك ضحكه شريره لمده ٩ ثواني و بعدها يكشف لنا السر الحقيقي لداخل الصندوق الي اهو عباره عن صورة تفشل لسبونج بوب في يوم الكريسمس و اهو بسيط كان يستهزئ عليه ، لكن الخبث في الموضوع ان من بدايه الحلقة ان سبونج بوب يحاول يعرف شنو داخل الصندوق و بسيط رافض الشي هذا لدرجة ان بسيط خله سبونج بوب كل اسراره الشخصيه يمكن محد يعرف عنها و مع ذلك ماوراه الشي الموجود الي داخل الصندوق .
طيب الحين مافهمنا هل هو ذكي او غبي و يمثل على الكل ؟
( رايكم ) ؟
في حلقه من الحلقات قاعدين يسوون رسمات و بسيط يقول لسبونج بوب ان لازم يوقفون يتصرفون زي رجال الكهف و يصيرون يستعملون التكنلوجيا الي عندهم و يستفيدون منها ، قرب من الكمبيوتر و وقف و بعدها كسره زي المجنون ، ايش السبب بالضبط ؟ و ليش قاعد يسوي جذي ؟
كرتون سبونج بوب مره غريب و عميق بشكل مو طبيعي و تقدر تشوف ان كل حلقه من حلقات الكرتون فيها مرض نفسي بطريقة غريبه و غير منطقيه و مباشرة يعني أحياناً نشوف بسيط ذكي و يتصرف بسهوله و لحظات نشوفه مايسوي ولا شي زي في بعض الحلقات نشوفه يقرأ الكتب بسرعة و في بعض الحلقات نشوفه مايقدر يقرأ كلمة حتى و الحين نبدا ندخل في العمق ..
شربوا ماي معاي لاني تعبت😭😭.
الحقيقه هي ان كل الاعراض الي شفناها في بسيط توضح لنا و بقوه ان بسيط عنده انفصام في الشخصيه و هذي الحالة جدا خطيره و معروف بأي احد عنده انفصام في الشخصيه ممكن ان يأذي نفسه او يأذي الناس الي حوله ، يعني في اختصار في لحظه وحده ممكن تتغير شخصيته كامله و لكن شخصيه بسيط الاصليه هي الذكيه و الخبيثه مو الغبيه لان توضح لنا في البدايه مخه كان مفصول و مغبر و لو تلاحظون في بعض الحلقات نشوف بسيط يطلع لنا بشخصيات جديده و مختلفه معناته ان بسيط من الممكن يكون عنده المئات من الشخصيات المختلفة و الغريبه و يمكن مالها نهايه و علمياً الشي هذا ممكن يقتلك لان مخك يشبك و يفصل مره ثانيه و لان بسيط هو نجم البحر يمكن لاجزائه تتجدد و تتناسخ و في رحله داخل جسد شفيق يصير شي يثبت لنا ان النظريه هذي و بقوه ، لما يكونون داخلين في جسد شفيق المريض و فجاة بسيط تجيه دفعة قويه من الذكاء الخارق المشهد هو عباره عن يقول حل علمي و ذكي جدا و بعدها بثانيه وحده بس قال ( اي خطه ) ؟ وفي حلقة من الحلقات يكون بسيط منسدح جنب سبونج بوب و قاعدين يطالعون في الغيوم وفجاة بسيط يقول لسبونج بوب ( شياطيني الداخليه ترتاح لما اطالع في الغيوم ) كلام مره غريب و كلام مره شيطاني و كلام مره مخيف ماتدرون من وين فجاة يطلع هذا الكلام و دائما في اغلب الحلقات يوصف في عقله الداخلي عباره عن ماساة و افكار غريبه و مخيفه .
شربتوا ماي ؟ 😭
في حلقات من جد تثبت لنا هذي النظرية ، في حلقة الملك بسيط من يعرفون ان بسيط ينحدر من السلاله الملكية على طول يبدا بسيط يتصرف بتصرفات دكتاتورية ، يعني فجاة يصير شرير يعامل الكل بوقاحه يسرق اي شي يبغاه و بكيفه لان ملك و محد له حق يتكلم او يتدخل فجاة في لحظه صار شخصيه ثانيه تسوي بألي تبغاه و في النهايه كلهم يتركونه لحاله و يسحبون عليه وراح يناظر نفسه بالمرايه و شاف انعكاسه يبين له ان قد ايش كان وقح و يبين له افعاله الشريره بعد ذي يرجع لشخصيته الطبيعيه بعد المصايب الي سواه و هذي الحلقة تبين لنا ان كيف بسيط يتكلم مع نفسه ومع شخصياته الثانيه زي المجنون في انعكاساته سوا كان في المرايا او على اي انعكاس ثاني و طبعاً هذي مو اول مره يسويها .. يعني تخيلوا معاي ان بسيط النجم الغبي عنده رخصة سواقه كيف قدر يطلعله كل الاجوبه واضحه و الي اهو الانفصام بالشخصيه لدرجة ان حتى امه و ابوه عارفين هل الاشياء يعني في مشهد كان ابو بسيط يدق باب بيت بسيط و لما فتحه بسيط قال ( امي ؟ ابي ؟ ) بعدها ترد الام و تقول ( لقد تذكرتنا هذهِ المره ) قال بسيط ( هل يوجد سبب لكي يجعلني انسى ) قال الاب ( لمن تكون دائما الشخص الذكي )
الادله قاعده تزيد و تزيد و في كل مره يوضحون لنا ان بسيط عنده انفصام بالشخصيه ..
رايكم ؟ شربتوا ماي ؟ ماشربتوا صح ؟😑😭
~ THE END ~
