سبونج بوب...
شفنا حيتان كثيرة في سبونج بوب بس ولا واحد منهم يشبه لؤلؤة الا واحد منهم الي اهو الحوت السجين ، من وين مستر سلطع قاعد يجيب اللحم الغريب ؟ من الواضح ان عنده مخزن عملاق مليء باللحم في مكاناً ما ، و بالحقيقة ان البرقر يحتوي على لحم حيتان ..
اليوم راح نتكلم عن اكبر سر و اقوى صدمة راح تجيكم بالدلائل واضحة و قوية ، اليوم راح نتكلم عن لؤلؤة و ايش علاقتها بمستر سلطع ؟ و اكثر سؤال ينسئل اهو وين ام لؤلؤة ، لما تفكر عن شخصيات سبونج بوب دائما يكونون عندهم اباء و امهات يشبهونهم ، الا ان لؤلؤة ابوها اهو سلطعون و اهي حوت وهذا الشي ابد مو منطقي ، يعني كيف سلطعون يكون اب لحوت ؟ من الاكيد أن لؤلؤة عندها ام و ابو حيتان لكن لكن محد جاب سيرتهم في الكرتون و محد جاب طاريهم اصلا و ان مستر سلطع مخبي سر عميق و قذر محد يعرف عنه ، الي صار جدا قوي من الممكن يدخله السجن للابد ، جريمة جداً واضحه و يمكن فكرت فيها من قبل جريمة قتل كبيرة تسببت بعزل لؤلؤة ، النظرية تقول ان مستر سلطع هو الي قتل ام و ابو لؤلؤة ، مستر سلطع جدا بخيل و يقدر يسوي كلشي عشان الفلوس و اغلب ارباحه تجيه من المطعم الي اهو مقرمشات سلطع الي اهو السبب الرئيسي الي يخليه من اغنى الاغنياء في قاع الهامور بس ليش ؟ ايش الشي المميز في سلطع برقر الي يخلي الناس ميتين عليه لهل الدرجة و الاهم من كذا اهو ليش شمشون مكرس كل وقته و حياته بس عشان ياخذ وصفة البرقر السريه ؟ يمكن ان سلطع برقر مو مصنوع من السلطعون ، لكن من وين مستر سلطع يجيب اللحم الغريب هذا ؟ من الواضح ان عنده مخزن عملاق مليء باللحم في مكان ما ، الحقيقه اهي ان البرقر هذا يحتوي على لحم حيتان ، الحلقة الاولى من الموسم الثالث نشوف سبونج بوب يحاول يخلي شفيق يجرب سلطع برقر لاول مره في حياته و بعدها شفيق يدمن عليه و في نهاية الحلقة نشوف شي جدا غريب ، خزانة كبيره تحتوي على الملايين من سندويتشات سلطع برقر و كلها جاهزه و مخزنه للاكل و من الغريب جداً ان نشوف شي زي كذا بس ليش ان في خزانه فيها ملايين من البرقر ؟ ليش مستر سلطع يخلي سبونج بوب يطبخ سلطع برقر في اوقات الفراغ و يخزنه ؟ اعتقد ان مستر سلطع سوا المطعم كامل و بدا يبيع برقر بس عشان يخبي جثة ام و ابو لؤلؤة و مع الوقت يبدا يستوعب ارباحه الي حققها من المطعم و قرر ان يكمل ، بس اكيد ان كلنا نعرف ان لكل شي نهايه و مافي شي يدوم للابد و راح يجي اليوم يتخلص من البرقرات المصنوعة من لحم ام و أبو لؤلؤة و خمنوا معاي من راح يكون الضحيه الي بعدها ؟ ( لؤلؤة ) !
مستر سلطع بخيل ، حتى بخيل على نفسه لكن من يجي عند لؤلؤة دائما يعطيها اي شي تبغاه ، و وحده من الحلقات لمن يجي عيد ميلاد لولوة نشوف ان يشتري لها هدايا قيمتها ملايين ، ووحده من الحلقات خلاها تغير ديكور الغرفة الي في المطعم كامل و تتحكم فيه ، يعني حرفيا مصدر الرزق ماله عطاه لؤلؤة و قال لها سوي الي بتسوينه !!
مستر سلطع يبغى لؤلؤة تاكل عدل و نفسيتها تكون حلوه و تكبر و بعدها يقتلها و يستفيد من لحمها ، طبعا كالعاده شمشون اهو الشرير و دائما يحاول يسرق الوصفه السريه و يدمر المطعم و يسوي الي يبيه و مستر سلطع دائما يطرده و لا يسويله فخ لكن ماذا لو كان العكس ؟ يعني مستر سلطع اهو الشرير في القصه و شمشون يحاول يفضح اسرار مستر سلطع ليش ؟ لان شمشون يعرف ان مستر سلطع اهو الي قتل ام و أبو لولوة ..
في جملة دائما مستر سلطع يقولها لما ينصدم مثل ياللهي و هكذا و يستبدلها بهذي الجملة ( والدة لؤلؤة ) ، غريب صح ؟ ليش يجيب طاري ام لولوة اذا ماكان له يد في اختفائها او مقتلها ؟ اعتقد ان الجريمة الي سواها اثرت في نفسيته و عقدته عشان كذا يقول نفس الجمله ..
طبعا في حلقة من الحلقات سبونج بوب يدخل في احلام ساندي و بسيط حتى وصل لمستر سلطع ، نشوف ان مستر سلطع قاعد في قارب و يحاول يصيد شي في البحر و قال جملة moby dollar ، شنو يعني هذي الجملة ؟ رواية موبي ديك الكلمة الي قالها مستر سلطع مقتبسة من رواية انجليزيه قديمة اسمها موبي ديك و الي تتكلم عن محار و صياد و يبغى يصيد اكبر حوت موجود في البحر عشان ينتقم منه و الحوت هذا اسمه موبي ديك ، مستر سلطع سمى الشي الي قاعد يصيده موبي ديك و قاعد يوضح لنا انه قاعد يحلم ان يصيد حوت الي اهو ام لولوة الي بعد ماصادها و قتلها و هذا الشي عقده في حياته ..
في باب ما يخص مستر سلطع محطوط فوقه صفاره او صفيرة و هذي الصفاره يستعملونها البحارين عشان يصيدون الي في البحر و اعتقد ان مستر سلطع استعمل نفس الطريقه عشان يصيد ام لولوة و يقتلها و بعدها علق الصفاره على الباب عشان ماينسى ذاك اليوم ابدا ..
و الحين خلونا نتكلم عن ابو لولوة الحقيقي ، و طبعا مستحيل يكون مستر سلطع فمن ابو لؤلؤة الحقيقي ؟ طبعا شفنا حيتان كثيرة في سبونج بوب بس ولا واحد منهم يشبه لؤلؤة الا واحد منهم الي اهو الحوت السجين الي شبهه بالضبط نفس الشكل و نفس الطول ، في حلقة الهروب من السجن نشوف شمشون و ابو لولوة يحاولون يهربون من السجن و يسرقون وصفة مستر سلطع السرية و واحد من الي معاه في السجن هو هذا الحوت الي اهو ابو لولوة ، في حلقة من الحلقات نشوف ان لولوة نايمه و ورا سريرها لوحة لحوت قاعد يركب الامواج او يتزلج على الامواج و الحوت هذا جدا يشبهه الحوت الي تكلمنا عنده و للمعلوميه ان هذا الحوت و لولوة اهم من نفس النوع و ثنينهم مختلفين عن باقي انواع الحيتان الموجوده في قاع الهامور ، فكل هذا يوضح لنا ان الحوت هذا اهو ابو لولوة الحقيقي لان مستحيل تحط صورته فوق سريرها بدون اي سبب ، في حلقة الهروب من السجن نشوف ان الحوت قاعد يساعد شمشون في ان يهرب و يسرق الوصفه بدون اي سبب و لو تدققون عليه هو حرفيا اكثر السجناء الموجودين معاه بتلاحظون اهو اكثر واحد معصب و متحمس عشان يكسر الباب و يسوي ايشي بس عشان يسرق الوصفه ف ليش يسوي كل هذا بدون سبب ؟ او هل في سبب ؟
باختصار ان الحوت يعرف وين بنته و من مالكها الي هو مستر سلطع فمن الواضح ان قاعد يساعد شمشون عشان ياخذون الوصفه و يفضحون مستر سلطع و يقدر يرجع و يعيش مع بنته ، و اغلبكم يسال الحين ليش ابو لولوة في السجن اصلا ؟ الجواب موجود و هو بعد ما مستر سلطع قتل ام لولوة و اخذ البنت حاول ابو لولوة ان يخلي الشرطه تلقي القبض عليه و حاول يجيب ادلة ، الطريقة الوحيده الي قدر فيها مستر سلطع ان يطلع نفسه من الموضوع هو ان يحاول يلفق التهمة على ابو لولوة عشان ينسجن بداله و عشان يوخر منه بنته و مايخليها يشوفها ابدا و طبعا بكذا عرفنا قد ايش ان مستر سلطع ذكي و خبيث و بخيل .
~ THE END ~
