حكم العشائر والعادات والتقاليد سلبت حياة الكثير ولا زلنا في صراع مع هاذه التخلفات يسلبون حياة الانثى ليغطو على فعله ذكر طائش تحت مسمى فصل كنا وما زلنا في هاذا النزاع اترككم مع القصه معاكم الكاتبه لقاء الهاشميه
السلام عليكم اني حور من بغداد عمري ١٧سنه ادرس صف خامس اعدادي حلمي اكون دكتوره وانشالله اكدر احقق الحلم طبعاً ماعندي اخوان اني الوحيده لماما وبابا مواصفاتي بيضه وعيوني كبار شفتي زغيره بس مليانه طولي ١٦٠ وزني ٥٠ جسمي متناسق شعري لنهايه ضهري ❤️
السلام عليكم اني ابو حور اسمي خالد من بغداد عمري ٥٥ سنه واني دكتور اسنان
السلام عليكم اني ام حور اسمي مهى من العماره عمري٤٠ سنه واني ربه بيت
ام حور.. كومي ماما تأخرتي عالدوام
حور.. يالله ماما كايمه شكد الساعه
ام حور .. الساعه ٧:٣٠ يالله كومي
كمت واني متفاجئه يالله تأخرت شلون ابقى نايمه لهيج وكت وراي امتحان كمت اركض اخذت ملابسي ورحت سبحت ولبست ملابس المدرسه ولفيت شالي ونزلت ركض لكيت ماما تسوي ريوك وبابا كاعد عالطاوله صبحت عليهم واخذت زيتونه وبست بابا وكلت
حور:: يالله باي
ام حور :: وين رايحه الساعه ٦:٣٠
حور:: ماما صدوك تحجين قبل شوي كلتيلي الساعه ٧:٣٠
ام حور ::جذبت علمود ما تتأخرين وضحكت ههههههه
طبعاً اني كولش ضجت كعدت عالميز يم بابا تريكت وكعدت اراجع واجه الخط بوستهم وطلعت شفت صديقت عمري فرح
حور :: ها ولج درستي شي
فرح : لا مالي خلك دراسه شنو اصلاً ميته نعاس 😴
حور: ولج اليوم عدنه متحان رياضيات شلون ما تدرسين اليوم استاذه نور تموتج والله
فرح :: ولج متحان شنو اني مادري عدنه متحان
حور :: احسلج ابقي هيج علمود ترسبين 😒
وصلنه للمدرسه بقينه نحجي ودرسنه ومتحنه رجعت ب١٢ الضهر حاره وميته تعب طبيت للبيت صحت
حور:: ماما ميته جووووووع
ام حور :: اي ماما روحي بدلي ملابسج على ما اصبلج غدا
رحت سبحت وتغديت ونمت كعدت المغرب راسي يأذيني ودايخه
حور:: ماما ليش ما كعدتني
ام حور:: هله بنيتي والله ماما شفتج نايمه وعفتج
حور :: زين ماما وين بابا
ام حور :: بابا راح لبيت عمج الي بالبصره ابنه متعارك ويه واحد وضاربه على راسه وهسه الولد بالمستشفى خابره عمج وراحلهم علمود يشوف السالفه شني
حور:: عزا بعينه دومه راعي مشاكل
طبعاً اني ماعندي غير عم واحد واسمه حمد وساكن بالبصره علاقتنه بيهم مو قويه صارت عركه قبل بينه وبين بابا واجينه لبغداد تصالحو هوه وبابا بس بقت علاقتنه صطحيه ابنه لعمي دومه راعي مشاكل وعرك يوميه غير مصيبه
انتضرنه ابوي لليل وما اجه امي خابرته وكللها راح ابقه هنا علما يفض السالفه عمي ماعنده بنات بسولد عنده ٤ ولد نمنه اني وماما ثاني يوم جه بابا وجها ما يتفسر امي سألته
ام حور :: شبيك الو حور وجهك ينطي الوان
ابو حور:: والله يمره ماعرف منين ابدي الولد الي ضاربه ابن اخوي حمد مات وسوينه كعده وجو شيوخ البصره وناس الخيره وطلبو
دنك راسه ابوي ودمعته تجري اني اول مره اشوف بابا يبجي كلش اثرت بيه سألته ماما
ام حور :: شطلبوو
ابو حور :: طلبو فصليه وماكم غير حور لان اخوي ماعنده بنات
حط ايه على عيونه وكام يبجي طبعاً اني بس اباوع ماعرف شنو فصليه
امي كامت تدك وتلطم
ام حور :: والله ما انطي بنتي فصليه لو يذبحوني وتصيح وتبجي
واني بس اباوع شوي وبابا حجه
ابو حور :: بابا تعاي كعدي يمي
كمت كعدت يم بابا واني الف فكره براسي ماجاي افهم شي شوي وحجه بابا
ابو حور :: بابا اني ما اريد تزعلين مني ولا شي بس والله ما بيدي شي واني جيت اخذ رايج اذا مو موافقه ما انطيج لو على كص ركبتي بس بابا والله ماكو غير هالحل ابن عمج تعارك ويه واحد وضاربه والولد مات ورادو فصل مره وماكو غيرج تروح الهم
اني بقيت صافنه وبس دموعي تجري كمت ورحت للغرفه بقيت ابجي وبحثت عالنت وشفت شلون معاناة الفصليه بس ماكو غير حل مسحت دموعي وكمت
حور:: بابا اني موافقه اروح فصليه ☹️💔
كام بابا شبكني وكال
ابو حور :: بعد باجر تروحين
نزلت دموعي وكلتاه تمام بابا وماما بس تبجي ثاني يوم الصبح اخذتني ماما لسوك اخذت ملابس ومكياج وحفيت جسمي وجهي طلعت اجنن رجعت وبالي مو يمي وافكر شلون راح اعيش وابعد عن اهلي نمت بتعبت كعدت اليوم لازم اروح واواجه مصيري 💔
