حور.. خلص من تعزيل الغراض ونزلت جوه ماشفت اخد دخلت للمطبخ وفتحت الثلاجه جان بيها اشكال بس اخذت جبنه وسويتها لفه وكعدت عالميز اكل شوي واجت اخته كعدت يمي وكالت
مريم::انتي شسمج وشكد عمرج
حور:: اسمي حور وعمري ١٧ ادرس خامس اعدادي
مريم :: صدك اني كلبي طاك على اخوي وراح بعز شبابه بس اعرف انو انتي مالج دخل وانضلمتي شتحتاجين كليلي عتبريني اختج
حور :: زين اكدر اسألج سؤال
مريم :: سألي
حور .. عرفيني على عيلتكم
مريم :: ماكو احد هنا بس اني وامي وابوي واخوي علي واخوي حيدر الله يرحمه ماعندي خوات اني الوحيده بنت بالبيت وعلي اخوي بس من ابوي
كعدت تسولفلي على عيلتهم شوي وسمعت امها تصيحها وراحت الفهمته انو ابو علي جان ماخذ ام علي وجابو علي وتوفت امه بس ماعرفت شلون توفت وابو متزوج ام حيدر اخوهم التوفى ومخلف منها حيدر ومريم لهاذا علي يصحلها مره ابوي كامت مريم راحت شو ما حسيت غير دخله مريه جبيره بالعمر ويمها بنيه شابه وبس يخوزرن بيه حجت المريه
ام انتصار :: انتي الفصليه
حور:: طبعاً كلشش ضجت من حجابتها بس سكتت وكلتلها
حور :: اي نعم خاله محتاجه شي.
شو هاذي كبل كالت
ام انتصار :: وخلخاله لا خالتج ولا شي تاليتي خاله الفصليه روحي جيبيلي مي بسرعا
حور :: اشت كعدت عالميز هيه وبتها وبتها تباوعلي صفح وتخوزرني من جوه ليفوك جبتلها مي وحتى كراً ماكالت اخذته وطبت ام حيدر
ام حيدر :: هله خيه شلونج اخبارج
ام انتصار :: هله يبعد اختج شلونج شلون مريومه
ام حيدر والله الحمدالله على الله
اني عفتهن وردت اطلع صاحتلي بتها
انتصار :: تعاي يالفصليه
حور:: باوعتلها ونها تكول
انتصار سوي چاي راسي مصدع
حور ::اني كلش ضجت من طريقه كلامها وابد ما حبيتها سويت جاي واقدمت لام حيدر وام انتصار ردت انطي انتصار شو هاي وكعت السكانه عليه اني من غلاة روحي كمزت وكعت الصينيه حتركت ايدي وكمت اكمز وانفخ عليها
انتصار :: ثول والله ثول ما تنتبهين وصختي ملابسي فصليات اخر وكن
حور :: اني روحي شايطه من الحرك ودموعي تنزل وام حارث وام انتصار ولا حجن شي كامن يكملن حديثهن بالصاله واني وانتصار بالمطبخ اني فتحت الحنفيه على ايدي اريدها بس تبرد لان الچاي جان فاير ما درت بال لنتصار وشتحجي واني لحد الان ماعرف هاذي مني وشتقربلهم وليش هيج سوت اشو هاي كامت وصارت وراي اني فاتحه الحنفيه على ايدي
وحجت
انتصار :: والله ماخليج تتهنين بعلي والله اني اعلمج يالفصليه
