السلا عليكم انه علي من البصره عمري ٢٧ سنه انا دكتور وابن عشاير بس ما ادخل دواوين ماحب شغله العشيره ملتزم بدوامي ومالي دخل بالعشاير والفصل مواصفاتي اسمر وعندي لحيه وشارب معضل العب حديد وزني ٦٦ وطولي١٨٠ عيوني كبار وكحله وعصبي كلشششششش بس هم مرح بنفس الوقت
السلام عليكم انا ابو علي محمد من البصره عمري ٦٠ سنه وانه شيخ عشيره
السلام عليكم انا مره ابو علي نوره من البصره عمري ٤٠ سنه وربه بيت
السلام عليكم انا حيدر اخو علي من البصره عمري ٢٠ سنه وانا طالب جامعي
السلام عليكم انا مريم اخت علي من البصره عمري ١٧ سنه وانا اخر العنكود ودلوعه بابا انا ما ادرس بحكم احوه عشاير الوحده من تخلص سادس تكعد بالبيت
نرجع لبطلنه 🙂
بيوم جنت بالمستشفى شو الدكاتره نخبصو ويطاله الدم طايه طالعه والركض رحت اشوف شكو وان اخويه وعضيدي مدد عالسديه وجهو كله دم اني بهاي الحاله ماعرفت شأسوي كمت اصيح تهسترت واجو طلعوني برا هدأت ورحت اشوفه ولاكاني صديقي الدكتور كال البقيه بحياتك انا هنا دين ماضل براسي كمت اشيل بروحي وشمرها بالگاع شوي وجو اهلي وعمامي وسوينه كعده ويه اهل الولد شيخ عشيرتنه طلب فصليه اني صدوك محمل عليهم ولو بيدي اشرب من دمهم بس مارضه بالفصليه لان هيه شنو ذنبها المهم تفقو ورجعنه للبيت البيت مكلوب وعمامي وخوالي وكرايبنه وربع الغالي فضت الفاتحه والبيت ما بقت بي روح واليوم تجي الفصليه طبعاًما وافقت اخذها اله بعد اصرار من والدي
حور :. تجهزت ولبست كلابيه سوده وشال اسود احتراماً لاهل الميت وشلت جنطي ونزلت اودع اهلي واودع ذكرياتي وطفولتي انزل من الدرج ودموعي يتسابقن اتذكر هنا لعبت وهنا بجيت وهنا ضحكت اجيت شبكت ماما وبقت تبجي وتوصي بيه بعدين بابا كال
ابو حور:: يالله بابا مشينه
مشيت وانا دايره راسي واباوع على ماما وهيه تبجي واحس كل دمعه سجينه بكلبي مشينه وبتعدنا عن منطقتنه نمت وصحيت على بابا يناديني يالله بابا وصلنا نزلنه يم بيت كلش حلو او بالحرى قصر وسيارات والحديقه تجنن دخلنه انا وبابا وعمو واني منزله راسي ودموعي تجري شوي واجه السيد عقدلنه وطلع بابا وصاهم عليه بودي اكله اخذني وياك رجعني للبيت لاكن ما باليد حيله اجه ولد وكال دخلي جوه يم مره ابوي واختي دخلت وشفت مره جبيره بالعمر تقره قرأن وتبجي ولابسه اسود وبنيه بعمري كاعده يمها وتتوسل بيها تاكل دخلت وشفت الم وحزن بعيونهم شويه وكلت
حور :: السلام عليكم
ام علي:: وعليكم السلام انتي الفصليه
انا نقهرت على كلمه فصليه وحزت بخاطري بس كلت هاذا الحقيقه ومستحيل انكرها جت البنت الي بعمري وكالت فوتي ادليج على غرفتج مشيت وراها واني احسني انسانه غريبه بينهم دخلتني على غرفه كلش جبيره واثاثها يجنن وكلشي بالغرفه اسود الفرش الي عالجربايه اسود والبرده وصور كله اسود تعجبت بعدين كعدت واني افكر بأهلي وماما وبابا شنو حالهم بدوني شويه ودخل
