حور:: نزل علي واني كمت فتحت الكنتور وطلعت احلا فستان عندي لونه اسود يجنن حضرته وكعدت فرشت المكياج عالمرايه وبديت ارسم بعيوني واتمكيج لبست عدسات وطلعت اجنن طبعاً محد يعرف انو اني راح اروح وياهم يحسبون هسه كاعده بالغرفه ودموعي تجري ههههه تمكيجت ولبست الفستان وكعب اسود هم واكسسوارات جاي البس بالسوار وانفتح الباب ودخل علي
علي :: وهوه فاك حلكه شنييي هاااي ولججج
حور :: شنو قابل ابقى هنا جايه وياكم
علي :: وهوه يتقرب منها ناويه تخبليني انتي هااا ماكو طلعه اليوم
حور :: لعد انته هم ما تطلع وتبقه يمي 😉
علي :: ايقى ابقى ليش لا
حور :: علي علي شجاي تسوي وخر عفيه راح يخرب مكياجي
علي :: اي خله يخرب وهوه يضغط على صدرها
حور:: شفته تماده وكام يتقرب صدوك خفت كام يعصر بصدري ويحجي عيونه ذبلت وعرك وبرزت شرايين وجها تقرب وهوه مغمض راد ياخذ شفايفي بين شفايفه وندك الباب
علي:: منوووووو
ابن عمه :: بابا يكول خله يستعجل يالله راح الوكت
علي :: جاااي جاااي بعصبيه
حور:: دفعته وكتله يالله ننزل
علي:: شنوو تنزلين هيج
حور:: اي انزل هيج ليش بي فستاني
علي :: اللهم طولج يا روح ماكو طلعه هسه اني وين اخليج
حور :: يااااا وين تخليني شنو غير اروح وياك
رجع ندك الباب
ابن عمه :: يالله علي
علي:: جاااي لاتكفرونيييي سمعيني حور عينج بابكاع منا لمن نصعد السياره و
شالج ماينزل من راسج اذا شفت شعره وحده يا ويلج
حور :: مو تدلل😂
علي:: يالله لا اكلج هسه
نزلنه وبدت الهلاهل الكل تفاجئ علي نزل لازم ايدي واسمعمهم يحجون هاي الفصليه تجنن وهوه الدخن يطلع من اذاناته 😂😂
صعدني يمه بالسياره وصلنه بيت اهل السعلوه اقصد انتصار دخلنه وهوه راح يمها يربييي تموووت ضحك طالعه مهرج 😂😂 والضحكه شاكه الحلك والله تلعب النفس كادها وطلعو وولد عمه يهوسون ويضربون فشك وصعدها بالسياره واني حتاريت يربي هسه ويه منو اصعد
علي :: طلعنه من بيت اهل انتصار وشفت حور حايره ويه منو تصعد هيه اجت ويايه بس هسه انتصار كاعده كدام ماكو غير حل
علي :: حور صعدي وره
حور:: اوك
حسيتها انقهرت بس فشله من العالم خوما اصعدها كدام والعروس وره ماترهم
حور :: صعدت وره واشوفها بالبدله البيضه يمه شكد جنت اتمنى البس هاي البدله واتخيل من يجي فارس احلامي حسيت حراره على خدي نزلت دمعتي مسحتها لا حور انتي اقوى من هيج شي تعديتي الاصعب من هاي مسحت دموعي وصلنه للبيت نزلنا ونزلو العرسان وام انتصار طاااايره من الفرحه ههههه مو مصدكه بتها تزوجت الولد حطو العشه والخطار والهوسه شوي وكالو دخلو العروسه عالغرفه راح يجي العريس مع انو كايلي ما اتقربلها بس ماعرف ليش كلبي انقبض طبت العروس الغرفه وطبت وياها امها شوي وكالو اجه العريس زفو بالهلاهل عالغرفه ونسد الباب واني نار صارت بيه بقيت اروح وارجع زين اذا كال ما اتقربلها ليش هيج اتأخر اني والبنات كمنه ننضف البيت وهوه وياها بالغرفه اني اشتغل وعيني عالباب كملنه شغل اني ميته تعب وهوه بعده بالغرفه ايست وكلت اكيد جذب عليه صعدت للغرفه طبيت اسبح فتحت الدوش وكمت ابجي حسيت راسي راح ينفجر من البجي طلعت وتمددت عالجربايه ونفتح بابا الغرفه ودخل علي
