الفصل الأول
وَلَمَّا بَلَغَ أَشُدَّهُ آتَيْنَاهُ حُكْمًا وَعِلْمًا ۚ وَكَذَٰلِكَ نَجْزِي الْمُحْسِنِينَ (22 يوسف)
ساره في الأوضة وهي في قمة غضبها وهتولع وطبعا كان وراها تميم وهو قلقان برضو
ساره رايحه جاية تاكل في ضفرها و تميم قاعد علي السرير بيفكر
ساره بعصبية : انا مش هينفعني الهبل ده !!
تميم : هبل ايه ؟
ساره : جنة وابنها م...
قاطعها تميم : جنة وابني
ساره : يعني ايه يا تميم
تميم : يعني ده ابني وده بيته وجنة هردها حالا وتبقي مراتي
ساره بدموع: وانا و البيبي الفي بطني
تميم وقف قدامها: مالكو؟! انتي مراتي التانيه والجاي ابني برضو انا مش شايف اي مشكلة يا ساره!
ساره : انا مش هبقي مرتاحه كده
تميم اتنهد: والله انتي الداخلة عليها ومع ذلك يا حبيبتي لو مش عجبك ممكن اخدلك شقة بره
ساره : بره!!!! انا اسيب جوزي وامي واخواتي واخرج بره وهي تقعد هنا
تميم بتريقة : امك واخواتك؟! ده من امتى
ساره بصت قدامها علي التسريحه وخدت برفيوم بتاعها وكسرته كله علي الارض
تميم : انا هخرج شوية افكر وانتي تكوني هديتي خلي بالك من نفسك
خرج تميم من الأوضة و بيفكر يروح لجنة ولا يخرج لوحده واخيرا قرر يدخل لجنة
خبط تميم بتوتر علي جنة خبطة بسيطة
جنة بهدوء : ادخل
تميم دخل وابتسم لجنة الكانت قاعدة قدام التسريحه بتظبط شعرها
تميم : عاملة ايه؟
جنة اتنهدت براحة: احسن كتير الحمد لله
تميم قرب منها ووقف وراها وبصو لبعض في المراية.... تميم : المفروض في كلام كتير هنتكلمه
جنة قامت وقفت ولفت لتميم وحطت ايديها علي كتفه... تميم خلي اي عتاب او كلام او زعل لبعدين خلينا نرتاح شوية
تميم بص ليها كتير واخيرا ابتسم : عندك حق
فك تميم الجاكيت بتاعه و راح يطلع ترنج من الدولاب
جنة بحزم: تميم انت بتعمل ايه ؟
تميم : هكون بعمل ايه هغير وانام !!!
جنة: تنام فين؟... هنا
تميم قرب منها... في ايه يا جنة
جنة : احنا مطلقين
تميم : مكملناش 3 شهور وهردك
جنة : انا مش عايزة .
تميم : نعم !!
جنة : علي الاقل دلوقتي لاء
تميم اتكسف: امال امتي
جنة : لمايجي وقتها يا تميم دلوقتي عن اذنك عايزة ارتاح
تميم كان هيخرج وهو متضايق بس لف ل جنة تاني ....
تميم : ممكن طلب ؟
جنة : اكيد قول
تميم : ممكن محدش يعرف ان احنا لسه مطلقين؟
جنة : يعني ايه
تميم : كأني رديتك يا جنة ولا مخلوق يعرف غير كده من فضلك
جنة ابتسمت: حاضر
خرج تميم من عندها وهو في قمة احراجه واول ما خرج شاف ساره واقفه علي بابا اوضتها ايديها في جنبها و رافعه حاجبها وبتضحك بتريقة ورمتله ترنج في وشه
ساره : خليها تنفعك يا حنين
ودخلت ساره وقفلت علي نفسها من جوه
تميم كان واقف مش مصدق نفسه بعد ما الاتنين كانو بيتخانقوا عليه تبقي دي آخرته!
شافته من بعيد مريم وفكرت ثواني واول ما تميم دخل أوضة المكتب وقفل علي نفسه طلعت هي عند جنة .... وخبطت عليها
جنة قامت تفتح ومفكرة تميم : مريم
مريم : أدخل ولا قلبتي عليا برضو
جنة بحب : ايه البتقوليه ده بس تعالي
دخلت مريم وقعدت قصاد جنة وفضلو ساكتين
مريم : مش هتقوليلي ايه البتعمليه ده ؟
جنه اتنهدت: انا مش قادرة اقول حاجه علي الاقل دلوقتي ... بس ثقي فيا
مريم قامت وهي متضايقة من جنة وخرجت من غير ما تكلمها
نزلت مريم في الجنينة والحقيقة أن هي شايفه نفسها نسخة من جنة بل واسوأ هي واثقه ان مهند بيحبها
بصت مريم قدامها وشافت سليم اخوها قد ايه تايه
مريم قعدت جنبه وبصتله: بص هو انا مفيش في ايدي حاجه أكيدة بس صدقني جنة بتعمل حاجه في دماغها
سليم بص لمريم بإستغراب : و انتي بتدافعي عنها ليه كده ؟
مريم: انا مش بدافع انا شوفتها وهي بتخرج تميم من اوضتها هي لو عايزة ترجعله هتطرده من الأوضة ليه؟
سليم بسخرية: يمكن بتربيه
مريم : ده علي اساس انه دايب فيها !!!
سليم : مريم انتي عايزة ايه ؟!
مريم: عيزاك تشوف الامور صح وتصبر.... هو مفيش حاجه جديدة حصلت لجنة اخر فترة
سليم : جديدة ازاي ؟!
مريم : عرفت حد راحت مكان اي حاجه
سليم : تقريبا اه عرفت واحده هناك في العماره
مريم : اقطع دراعي ان ما كانت هي المخططة كل ده لجنة وبكره تشوف
خلص اليوم وكل واحد في اوضته بيفكر ... تاني يوم الصبح
صحي تميم وخرج بسرعه خبط علي أوضة ساره وهي فتحتله
تميم : ماشي يا ساره انا هوريكي ازاي تعملي كده
ساره قربت منه وبصتله: قولي بقي طردتك ولا عملت فيك ايه ست الحسن... ردتها ولا لسه ؟
تميم : اعتقد ان دي حاجه خاصة بيني وبينها متدخليش نفسك فيها تمام
قرب تميم من ساره وباس راسها ودخل ياخد شاور
نزلو كلهم علي الفطار وكله قعد ماعدا جنة منزلتش
شمس بفرحه: انا مبسوطه اوي ان كلكو موجودين الحمد لله
ساره: بس لسه ست الحزن منزلتش
شمس : ما هي متخصنيش اصلا
سليم و تميم في نفس الوقت بصوا لشمس بصه خوفتها
ومريم بصت علي السلم واستغربت جدا وكلهم بصوا علي بصتها
كانت جنة نازلة لابسه ترنج رياضي ولمة شعرها ديل حصان و كوتشي رياضة عالي و مبتسمه
مريم ضحكت : مين دي
جنة : صباح الخير
تميم قام وقف : انتي رايحه فين؟ وايه الأنتي لبساه ده ؟!!
جنة : هجري شوية واعتقد باين انه ترنج رياضي
تميم : والله من امتي بقي ؟؟
جنة : بعد الولاده جسمي زاد شوية ولازم اهتم بيه وبعدين كل لبس الرياضة كده عادي يعني
سليم فضل باصص لجنة عينه منزلتش من عليها بس ساكت تماما
جنة كانت هتخرج علي طول بس حاجه خلتها بصت علي سليم و عينها في عينه قبل ما تخرج
اول ما جنة خرجت من البيت خدت نفس عميق واكتشفت ان كل ده تقريبا كاتمة نفسها
طلعت جنة وجريت لحد ما وصلت لكافيه وكانت يسرا مستنياها قدامه
يسرا بصتلها بفخر : برافو بجد
جنه ضحكت : انتي مش متخيلة انا حاسة كام احساس دلوقتي
يسرا تعالي بس ندخل ادخلي الحمام البسي الفستان الانا جبته ليكي ده وتعالي نتكلم
دخلت يسرا و جنة الحمام ولبست الفستان... كان ابيض وفيه فراشات صغيره جدا لونها اصفر و لبني تقريبا لحد الركبة وبكم واسع و مقفول من قدام تماما بس ضهره مفتوح كله
فضلت جنة تبص علي الفتسان
جنة : مش ممكن ايه الفستان ده!!!!
خبطت يسرا عليها : يلا يا بنتي في ايه؟
خرجت جنه براسها بس : انا مستحيل اخرج بالفستان ده لو علي جثتي
في بيت تميم خرج مع سليم في نفس الوقت تقريبا للشركه
سليم كان هيركب عربيته بس وقفه تميم
تميم : انت شايف انك هتعدي من قدامي عادي كده ؟!
سليم ضحك بسخريه: المفروض اخد اذنك
تميم: انا مش ناسي الانت عملته وانت الخربت البيت
سليم بص لتميم ولبس نضارته وهو بيركب عربيته ..... جميل خليك فاكر بقي الكلام ده
مشي سليم من قدام تميم وتميم واقف متضايق
تميم : ماشي انا هوريك يا سليم
يسرا قاعده مع جنة في كافيه و بتضحك
جنة بتوتر: بتضحكي علي ايه؟
يسرا: اصل شكلك جميل ومحدش بصلك بصه وحشة و انتي خايفه
جنة قربت رأسها من يسرا: انا عمري ما لبست كده في البيت حتي دايما لبسي طويل و واسع
يسرا : يمكن عشان كده جوزك أتجوز
جنة سكتت لحظات و ردت: هو طليقي مش جوزي ... كمان اكيد ده مش سبب
يسرا : حسيتي ب ايه لما شوفتيه واتكلمتو؟!!!
جنة: حسيت بقرف واشمئزاز
يسرا: يعني محنتيش؟
جنة: ابدا ولا عمري هحن انا بس صعبان عليا سليم
يسرا ابتسمت وطمنتها: سليم طيب وهيفهمك
جنة : هو مينفعش اقوله؟!
يسرا بتحذير: اوعى سيبي كل حاجه طبيعيه
جنة : انا دلوقتي هقدم في الشركه ازاي ما كلهم عارفني بعدين انا دكتورة هعمل ايه هناك
يسرا بتفكير: للأسف دي اخر حاجه هنحتاجها من سليم يا جنة
وصلت يسرا جنة للشركة بعد ما اشترو لبس كتير اوي بعيد كل البعد عن استايل جنة القديم وظبطت شعرها
أنت تقرأ
اسرار
Romanceصحيت سارة وهي مبسوطه و بتفرد شعرها بإيديها و بتفتح عينها ملقتش ملقتش عمر جنبها استغربت سارة وقامت تنده عليه في الشقه لحد ما وصلت للمطبخ كان مديها ضهره و مبيطلعش صوت مفيش غير صوت السكينه وهي بتقطع التفاح سارة بقلق من بره : عمر .... عمر انت مبتردش لي...
