قصه حقيقيه 100% تفاااعلو🔥
#وانتظريني
بقلم فاطمه سالم الورفلي 🍃
اعلان
..............
وأنا نقلب فـ قروب فيس شفت بوست بعنوان " سيبتو بعضڪم ليش!؟"..
-تنهدت خشيت بنعلق ونڪتب..."ماڪنش يستاهلني ولا يستاهل تضحيتي عشانه ولا حتي محاوله جديده ڪان اختيار خاطئ وضيعني من أيده ...
قبل ما ندير نشر للڪومنت..خويا الصغير بڪى ..تأففت وعديت خديت خويا من وسط الحوش..ورجعت لمكاني ، رديت للـفون وجيت بنڪمل بس بصدفه طلعلي التعليقات الجديده شفت تعليقه من ضمنهن ..شخص لي قلبي دق من اول شفت اسمه بسرعه وحسيت رعشه بجسمي ، طلعت انا وياه فـي نفس القروب تعليقه ڪان
...." الساعه تمانيه المغرب بعد عيد ميلادها بعشر ايام ..في وقت اني نجهز في هديه عيد ميلادها لي مالحقتش نهديها في وقتها المناسب..وقتها كان أخر رساله منها ، ان هي معش تقدر تتحملني ، جرحتني وهانتني وقالت ڪلام واجد بس أنا عاذرها عشان ڪـانت مقهوره مني وڪان خاطرها اني نتمسك بيها ، وأنا ڪنت هبل وشايف روحي عليها او بالصح كنت ضامن وجوزها ، لان زي كل مره ڪنت نتحايل عليها بڪلمه ونراضيها ، وڪنت متأڪد أنه مهما زعلت حـتحن وتردلي مڪنتش متوقع ان رسالتها ڪانت اخيره ، نعترف ان غلطت بحقها واجد وعلى قد ما غلطت ڪانت تسامح و أنا عرفت قيمتها بجد بس عرفتها في وقت مأخر💔"
....
-دموعي نزلت وتصدقو قريت تعليقه ست مرات شويه ، في ڪل مره نقرا تعليق قلبي يوجعني ، أستحقرت روحي إن ڪنت منزله من نفسي عشانه وڪيف ڪنت غبيه وڪيف ڪان ضامن وجودي ، مڪملتش تعليقي وقلت مفش داعي نعلق اصلا.. حسيت بعجز في الوصف.. لان لو وصفت طال الوصـف..
.....
-وبعد كم ساعـه نـزل بوست تـاني بعنوان "مذاڪرين ؏ بعضڪم شنو!؟" ، ضحڪت وجربت نڪتب عليه علقت وتعليقي " امممم نتفكر ان ڪان يحب يتفرج ؏ افلام خص نص فيلم هاري بوتر، ڪان يحب ديما يصلي ، وديما الولعه في جيبه مع ان ميدخنش ، يحب يلبس ويحب يدلع روحه ، يحب نظافه ، وڪان خاطره ان يڪون ڪابتن ، وڪان ديما يرقد عـ خط وڪان ديما يقولي يـا بختي هو مش مميز ، هو ڪان مختلف لدرجه ان ڪسرني على رغم كنت نحكيله على كسرتي البسيطة وزعلي على حاجات تافهة بس الصدمه ان هو قعد انكساري وسبب زعلي ههه"
....
-صكرت نت وقعدت نقرا في روايه "لربما احتاجك"..وبعد لحظات جاني اشعار بإن في حد رد ؏ تعليقي والـرد ڪان منه هو قلبي وقف في وقتها وصرتلي رعشه شعور غريب ورده كان عـلى تعليقي انتم متخيلين الموقف❤..
والرد كان..." ڪانت حراجه بكل حساسه وابسط شي يزعلها ويبيڪها ، ڪانت تحب ديما تسمع صوتي ڪل منڪلمها تقولي نأڪل😂 ، ڪانت تحب تسمع أغاني وبذات اغاني فيروز وتحب تمڪيج مڪياج خفيف ڪانت بسيطه ❤وتحب تلبـس فضفاض الواسع ، وطبعا ما يخلاش الامر ان نتعارڪو ؏ المسلسلات ترڪيه لي تفرج عليهن ، ڪانت متحبش تسيب صلاتها ، ڪانت ديما تحب تضحك وديما تحڪيلي ع عيالنا ومستقبلهم كيف ح يكون،و لما نحڪي معاها ننسي همي❤🍃 ، حنڪون سعيد طول عمري لو سامحتني الريلا🌸 "
...
بدون ما نحس رديت عليه بتعليق قتله " انت ڪويس .."..•وبصدق مش عارفه ڪيف علقت هڪي
وبعدين جتني منه رساله ؏ المسنجر كنت متردده ان نشوفها خايفه ننكسر مره اخرى..تشجعت وفتحتها بس لما فتحتها لقيت.... يتبع
.....
قريبا شويه ايام وح تنزل❤
#فاطمه_سالم_الورفلي
