#وانتظريني
الحلقه :التاسعه
بقلم :فاطمه سالم الورفلي
.....................................
....
اكتر روايه تعبتني.. ونزفت معاها بمشاعري وكل شي.. خدتني مني هلبااا.. يا عوووويينك كلثوم بجد .. بسم الله.. خلي نبدا..
🍃🍃
بعد صبرك اليعقوبي ستنال امانيك اليوسفية
🍃🍃
ولقيييت شي صدمنييي.. لقيت هديكا الغفة.. ولحيه لي لعند بطنه.. وسوريه قصيره.. وعين خضرة.. وعين لابس عليها كشابيه.. وفيه علامه حرق في جبينه.. وهيئته ادل على شر.. على واحد مش باينله خير.. وكل ماله وهو يتقرب.. كل مالي ما اني نتقرف ونخاف منه.. انسان مش عارفه كيف وافقت عليه..
-عارف روحي متأخرر.. متأخر
متأخر
وسيبتك.. وتمنيت ياخدك
ياخدك ياخدك خير مني.. بس للاسف.. خديتي شخص اسوء اسوء اسوء مني.. او ممكن زيي ..
"وبدو هالكلمات يتكررو في عقلي.. يعني كلام جمعه صح.. هدا مش بعيد يكون dموي صح وصحيح.. عاد هو في ساريه 98 شن نراجي منه بسس! .. الباين حفرت قبري بيديا.. وبدل ما نقهر جمعه.. قهرت روحي.. وجبت لي روحي العازه والقهره
:كلثووم
" العازة والقهره نختمت عليا خلااص "
:كلثووم هيي انتي
شهقت:هاا اا نعم نعم
سراج :مبروك علينا "مبتسم بطريقه مقززه.. وقرب لي وباس جبيني"
-فطنت لي روحي.. الكل حواليا.. وقلبي غم عليا من اول ما قرب عليا سراج.. شدني من ايدي.. ورفعني.. والناس كلها وراي.. وتجي تاخد مهرة دحيه تحدفها على خيط شقه سراج ويزغرطو قعدو لما نكسرت..
"وصكر الباب "
ويمكن يكون هلباب باب جحيمي.. {الـمـنـتـظـر}
سراج شافلي:تو نجي وعاد هدي شقتك يا عروس
-هزيت راسي .. وهو خش لي دار.. ومش عارفه ليش اول ما خشيت شميت ريحه ..هك ريحه ابصر كيف..تنفست بعمق وفتحت عيوني على وسعهن ..ريحه!؟...ريحه ددددم.. اي دم .. بلعت ريقي.. وتوجهت عيوني على باب الدار لي خشلها سراج.. وقربت شوي ونسمع
سراج:ها عرفي شن صار في لي ناوي تشنكشها.... احسبنا معاك ازف مكسـورةه لسقف
...
واضح ان يتكلم بتليفون
سراج: لعند امتى ياراجل... والله عندي موضوع وسياره بنسلفرها وتبيلها باسطه وللد ومنظومةه ليزريـةه... وتبيلها سيريةه جديدةه... بندلعوها شويه الكبيدةه.. وانت عارف بعت لي تحتي ولقدامي ليلتها مع البطشه
...
سراج :باهي لما توزق دورني..سلام
......
-وخرت من على الباب.. وتمنيت نعرف شن في.. هو صح دوة عاديه.. بس مشش عااارفه قلبي ما طمنيش.. خصوصا الريحه هادي.. وسوي وانفتح الباب دار ..
يا ليتها الليلة الأخيرة التي أغمض فيها عيناي وينتهي كل شيء .!💔
-فاتو ايام وكل يوم شعور الخوف يزيد ويكبر.. وكل ماله يزيد.. مشكله مافيش دليل.. بس اتصالات سراج لي لازم كل ما يجيه اتصال يخش لدار.. و ريحه الدم لي مابتش تتحول ابداا.. اي نعم نظفت عطرت بخرت.. تختفي لحظات وترجع وبقوه..
