#وانتظريني
الحلقه :السابعه
بقلم :فاطمه سالم الورفلي
.....................................
....
اسفه جدا على التأخير بس فتره الاخيره كنت مشوشه هدا وين صفن ذهني.. وبأذن الله معاش في تأخير حبايب ❤لنبداا
......
خلي عندك يقين كامل ف ربي إنه مهما كانت اللحظة اللي ح أتمر فيها سلبية مش ح تستمر معاك وح تمر مرور الكرام وبطريقة ح ترضيك💛
🍃🍃
عند سرتيه :
سالم :وشنو!
سعيد :تقرا في الكف والفال والفنجان
سالم :ايوااه هالنهار المبارك شن جاك يام مش حرام عليك
-جداي وهي خاشه للحوش ترمي في فراشيتها
سرتيه :ما نكتب في الكتايب اني تسلايه وهن يصدقن شن بنديرلهن.. المهم اسمعني جاي
سالم :الله يهديك وخلاص.. نعم يما
سرتيه :مش تتزوج تبكلها الشكاره كلها.. راك بتخرب السوق بعدين.. سامع ولا.. وصبح ليل ما تواطيش عينك من عليها.. وبعد يومين ارفعلها ورده.. وردتين وهك.. لين بعدين اني نفاتح الموضوع مع امها
سالم يحك في راسه :يستر الله وخلاص
سرتييه :نوض حلق هاللحيه وساوي رويحتك وشد الشارع
سالم :عساس مالا اني
سرتييه :تي اسكت ونوض دير لي قتلك عليه
..........
عندي اني :
وقبل ما نحط عيني عيني على الرساله.. يليه صوت الجرس.. تجاهلت كل شي.. وشفت الرساله.. ويااااريتنييي ما شفت.. قعدو شفايفي يرعشو.. وبجد سنوني وقلبي يخضو.. حسيت بقشعريره صابتني.. اطرافي مصقعه.. وناحيه قلبي حاميه.. توترت.. كمشت ايدي.. وخديت نفس بقوه.. وقعدت نقرا في الرساله ونعاود.. كمتت غيضي وحزني وصدمتي.. بغمضه عين.. ممكن ممكن..نكون في حلم من هالضيم.. ما كنتش متوقعه ابداا ان يكتب لي بطريقه هذي
جمعه :عقاب وحده سايبه ورخيصه.. بري لمي صوراك لي عند لي يسوى وما يسوى .. حمدالله قاعدين على البر.. كان هدا شن درتي بعدين....
-كانت رسالته كفيله ان تحطمني وتخليني عاجزززه.. عاجزه بمعنى الكلمه.. بجد ضاقت بيا الدنيا . . ومن موقف حابه نقول.. مهما كنتي أنسانة كويسة أو إتحاولي إنك إتكوني هكي ح يحكو عليك الناس بناءً ع مزاجهم وحاجاتهم فما تحطيش إعتبار ليهم ولكلامهم وكملي ف طريقك♥️.. بس اني ما درتش هكي.. درت العكس.. عارفين شن صار!.. اخخ صدقت جداي لما قالتلي انتي هايفه.. فعلا هايفه بس خايفه.. خفت من كلام يلحقني في كل مكان.. ومن خوفي للاسف تصرفت غلط.. طبعا خوي عز العرب فتح الباب.. وياريته ما فتح.. قعدت نسمع.. واني مش قادره نوقف على حيييلي حتى
جمعه :اهلين
عز العرب:اوو بو النسيب خش خش تفضل
جمعه :لالا السموح.. والله ما تمنيتش الوقفه هذي نوقفها..
