#وانتظريني
الحلقه:الخامسه
بقلم :فاطمه سالم الورفلي
.................................................
.......
عند استاد جمعه:
-ناض الصبح ويغني..
وانتظريني..
وعدي نجوووم الليل.. لا
لا ما تخليني.. وعلى وعدنا خليك
امه :هالصباح المبارك شني الوجه ناير وجو ما هوش فاير ان شاء الله دايم
استاد جمعه :ان شاء الله.. هي بسم الله هاني متوكل
امه :ربي معاك يا وليدي
استاد جمعه :ادعيلي يام
امه :مربوحه ان شاء الله وليدي مربوحه
-نزل استاد جمعه.. ويدندن كل شوي يغني مقطع من مفتاح امعيلف..
تهون نهون تصون الغلا تلقى الغلا مصيون مانجبرك لكن تهون نهون .
نا نعاند فيوم تلقى غيري وفوق لعناد نراهنك حاتجيني .
والله الباين فيك مانك قلبي رضاهم تريد وراحتي ماتبي .
وقتك ماعاد في غريبه تجي من اقرب ناس العيبه وقت اللي تحتاج سندهم ف عز الحاجه تفقدهم.
شقيت فغيابة يوم لاقاني واطا النظر ماتقول عمره راني .
غير تجيني مرايف عليك نبيك يبرن جروحي بيك يانسيني .
ليش ع قسامي لايمه يعيني لومي على باعني ونسيني .
ونتظريني عدي نجوم الليل وانتظريني على وعدنا خليك لا تنسيني .
لانقانك ضريتني درت الجديد ونسيتني بكرا الجديد يرحل بعيد وينساك كيف مانسيتني.
ع الناس خير امواجعك يندسن كثرن ومالقين قلوب يحسن.
مش كل من حبك يحب بنيه ولاكل رفقه ع الوفاء مبنيه.
بلاش المحبه ل تجيب مهازل تربيت نبقي فوق ماني نازل.
-وفتح سيارته و ولعها.. ويستنى فيها تسخن.. عاد الجو شتوي.. ومغيم والمطر تبشبش.. فتح تليفونه وبعت ليا رساله
:..🕊ياشمس الصباح اشرقي ..
⚘وعلى قلوب أحبتي سلمي 🌝🌞أخبريهم عن صدق محبتي ♥️
وبلغيهم بالخير دعوتي🤲
⚘ ياشمس الصباح عانقيهم ☀️وبعذب الكلام بلغيهم 💗
⚘لعل كلمتي تحاكي قلوبهم وتنشر السعاده في دروبهم 😍
أسعد الله صباحكم وبارك يومكم ومن فضله أعطاكم 🤲
صباااح الورد والفل وِأّلَيِّأَّّسمَيِّنِ غٌوِأّلَيِّ عٌيِّنِيِّ 💞
💚💚
🍃🍃🍃🍃
عندي اني :
اني شبحتلها :سلمك
ناديه:قتلك نستنى في رحمه تبعتلي الايميل.. باش ندزلك الدروس لي فاتوك.. ما بعتتهوليش
اني :استني شوي نشوف تليفوني ونعطيهولك
-خديت تليفوني من شنطه.. فتحته.. وفتحت على ايميل ماما.. وصلتني رساله من استاد جمعه..طول شفتها وابتسمت..
