فصلوني_ارمله

بارت 10

ﺎ ﻗﺮﻭﻥ ﺷﻨﻮ ﺳﻠﻄﺎﻥ ﺷﻨﻮ ﻋﻤﺮﺍﻥ ﻋﻨﺪﻙ ﺑﻨﺎﺀ ﻭ ﺍﻧﻲ ﻣﺎ ﺍﺩﺭﻱ
ﺿﺤﻚ ﻭ ﮔﺎﻝ : ﺧﺮﺏ ﺑﺒﻠﻴﺴﺞ ﻭﺍ
ﻟﻠﻪ ﺗﻀﺤﻜﻴﻦ
ﺍﺳﺘﻐﻠﻴﺖ ﺿﺤﻜﺔ ﻭﺭﺣﺖ ﮔﻌﺪﺕ ﻳﻤﺔ ﻭ ﮔﺘﻠﻪ : ﺷﺒﻞ ﺍﺭﻳﺪ ﺍﻃﻠﺐ ﻣﻨﻚ ﻃﻠﺐ
ﮔﺎﻝ : ﺧﻴﺮ ﺍﻟﻠﻬﻢ ﺍﺟﻌﻠﻪ ﺧﻴﺮ ﮔﻮﻟﻲ ﺳﺘﻨﺎ
ﮔﺘﻠﻪ : ﺍﺭﻳﺪ ﺃﺯﻭﺭ ﺍﻻﻣﺎﻡ ﻋﻠﻲ ‏( ﻋﻠﻴﻪ ﺍﻟﺴﻼﻡ ‏) ﻭ ﺍﺭﻭﺡ ﻟﻠﻤﻘﺒﺮﺓ
ﮔﺎﻝ : ﻣﻨﻮ ﻋﻨﺪﺝ ﺑﺎﻟﻤﻘﺒﺮﺓ
ﮔﺘﻠﻪ : ﺃﻗﺎﺭﺑﻨﺎ ﻭﻋﻤﺎﻣﻲ ﻭ ﺟﺪﻱ ‏( ﻫﺬﺍ ﮔﻠﻪ ﺟﺬﺏ ﺍﻟﻠﻪ ﻛﺮﻳﻢ ﺑﻌﺪﻳﻦ ﻧﺸﻮﻑ ﺷﻨﻮ ﻳﺼﻴﺮ ‏)
ﮔﺎﻝ : ﺍﻧﺸﺎﻟﻠﻪ ﻣﻮ ﺑﺎﺟﺮ ﺍﻟﻲ ﻭﺭﺍﻩ
ﮔﺘﻠﻪ : ﺍﻱ ﻋﺎﺩﻱ ﻭ ﺍﻧﻲ ﺑﮕﻠﺒﻲ ﻓﺮﺣﺖ ﻻﻥ ﻳﺼﺎﺩﻑ ﻧﻔﺲ ﺍﻟﻴﻮﻡ ﻣﺎﻝ ﺩﻭﺭﺓ ﺍﻟﺴﻨﻪ
ﻭﺻﺪﻙ ﻭﺭﺓ ﻳﻮﻣﻴﻦ ﺃﺧﺬﻧﻲ ﺷﺒﻞ ﻭ ﺍﺧﺬ ﺟﻬﺎﻟﻪ ﻭ ﻧﻮﺭﺱ ﻋﻠﻤﻮﺩ ﺗﺰﻭﺭ ﻟﻼﻣﺘﺤﺎﻧﺎﺕ ﺗﺮﻳﺪ ﺗﺎﺧﺬ ﻣﻌﺪﻝ ﻋﺎﻟﻲ ﺍﻧﻲ ﮔﻌﺪﺕ ﻟﻴﮕﺪﺍﻡ ﺑﺴﻴﺎﺭﺗﻪ ﻭ ﻫﻮ ﻳﺴﻮﻕ ﻭ ﻧﻮﺭﺱ ﻭﺭﺓ ﻫﻴﺔ ﻭ ﺍﻟﺠﻬﺎﻝ ﻭ ﻛﻤﻠﻨﺎ ﺍﻟﻄﺮﻳﻖ ﺿﺤﻚ ﻭ ﺳﻮﺍﻟﻒ ﺃﻣﺎ ﺷﺒﻞ ﺑﻬﺎﻱ ﺍﻟﻴﻮﻣﻴﻦ ﺩﻟﻠﻨﻲ ﻭ ﻛﻠﻬﻢ ﻋﺮﻓﻮﺍ ﺑﻴﻨﺎ ﻭ ﻭﺻﻠﻨﺎ ﻟﻸﻣﺎﻡ ﺍﻭﻑ ﻣﻦ ﺑﻌﻴﺪ ﻣﻦ ﺷﻔﺖ ﺍﻟﻘﺒﺔ ﺣﺴّﻴﺖ ﺑﻘﺸﻌﺮﻳﺮﺓ ﻭ ﺩﺧﻠﻨﺎ ﻭﺻﻠﻴﺖ ﺻﻼﺓ ﺍﻟﺰﻳﺎﺭﺓ ﻭ ﺷﮕﺪ ﺍﺭﺗﺎﺣﻴﺖ ﺳﻼﻡ ﺍﻟﻠﻪ ﻋﻠﻴﻚ ﻳﺎ ﺃﺑﺎً ﺍﻟﻴﺘﺎﻣﻰ
ﺑﻌﺪﻳﻦ ﺭﺣﻨﺎ ﻟﻠﻤﻘﺎﺑﺮ ﻧﻮﺭﺱ ﻣﻘﺒﻠﺖ ﺗﺪﺧﻞ ﮔﺎﻟﺖ ﺍﺧﺎﻑ ﺿﻠﺖ ﺑﺎﻟﺴﻴﺎﺭﺓ ﻭﻱ ﺍﻻﻃﻔﺎﻝ ﺻﺪﮒ ﻫﻴﺔ ﺗﺨﻮﻑ ﺍﻫﻞ ﺷﺒﻞ ﺑﺎﻟﻤﻘﺒﺮﺓ ﺍﻟﺜﺎﻟﺜﺔ ﺍﻣﺎ ﻋﻠﻲ ﺍﺗﺬﻛﺮ ﻣﺎﻣﺎ ﻣﺮﺓ ﮔﺎﻟﺖ ﺑﺎﻟﻤﻘﺒﺮﺓ ﺍﻟﺴﺎﺩﺳﺔ ﺷﺒﻞ ﻣﻘﺒﻞ ﺍﻻ ﻣﻦ ﺷﺎﻓﻨﻲ ﺩﺧﻠﺖ ﻟﺒﺎﺏ ﺍﻟﻤﻘﺒﺮﺓ ﺍﻟﺴﺎﺩﺳﺔ ﻋﺎﻓﻨﻲ ﻭ ﺭﺍﺡ ﻳﻤﻜﻦ ﻋﺮﻑ ﺃﺯﻭﺭ ﻋﻠﻲ ﺭﺣﺖ ﻟﮕﻴﺘﻪ ﺟﻮﻩ ﺍﻟﺘﺮﺍﺏ ﺍﻭﻭﻭﻑ ﺍﺗﺬﻛﺮ ﻗﺒﻞ ﺳﻨﺘﻴﻦ ﺍﻧﺖ ﺟﻨﺖ ﻳﻤﻲ ﻭ ﺗﺴﻮﻟﻒ ﻟﻴﺶ ﺍﻟﻤﻮﺕ ﻓﺮﮔﻨﺎ ﺍﻧﺖ ﺟﻨﺖ ﺗﮕﻮﻝ ﺑﺲ ﺍﻟﻤﻮﺕ ﻳﻔﺮﮔﻨﺎ ﻭ ﺻﺪﮒ ﻓﺮﮔﻨﺎ
ﻗﺮﻳﺖ ﺍﻟﻪ ﺍﻟﻔﺎﺗﺤﺔ ﻭ ﺭﺷﻴﺖ ﺍﻟﻪ ﻣﻲ ﻭ ﮔﺘﻠﻪ ﺍﻋﺬﺭﻧﻲ ﺗﺮﻩ ﺍﻟﺪﻧﻴﺎ ﻣﺘﻮﮔﻒ ﻉ ﺍﺣﺪ ﻭ ﺍﻧﻲ ﺭﺍﺡ ﺃﺑﺪﻱ ﺣﻴﺎﺓ ﺟﺪﻳﺪﺓ ﻭﺍﻧﺖ ﻋﺎﻳﺶ ﺍﺫﺍ ﺟﺴﺪﻙ ﻣﺎﺕ ﻓﺄﻧﺖ ﻋﺎﻳﺶ ﻻﻥ ﺍﻧﺖ ﺷﻬﻴﺪ ﺣﺘﻰ ﺍﻟﻠﻪ ﮔﺎﻝ } ﻭً ﻟْﺄَ ﺗَﺤَﺴَﺒَﻦِ ﺃَﻟْﺬﻳُﻦِ ﻗُﺘَﻞْﯙﺃَ ﻓﻲُ ﺳَﺒَﻴُﻞْ ﺃَﻟْﻠْﻪُ ﺃَﻡَﯙﺃَﺕً ﺑَﻞْ ﻫُﻢَ ﺃَﺣَﻴُﺄَﺀ ﻋُﻨِﺪُ ﺭُﺑَﻬُﻢَ ﻳُﺮُﺯْﻕُﯙﻥِ {
ﻛﻤﻠﺖ ﻭ ﺭﺣﺖ ﻭ ﺍﻧﻲ ﺭﺍﻳﺤﺔ ﺍﺟﺘﻲ ﻣﺮﺓ ﻟﮕﺒﺮ ﻋﻠﻲ ﻭ ﺿﻠﺖ ﺗﺒﺠﻲ ﺻﻔﻨﺖ ﻫﺎﻱ ﺍﻡ ﻋﻠﻲ ﻳﺎ ﻛﺒﺮﺍﻧﺔ ﻭ ﻣﺘﻐﻴﺮﺓ ﺭﺣﺖ ﺳﻠﻤﺖ ﻋﻠﻴﻬﺎ ﻭ ﮔﺎﻟﺖ ﻫﺎﻱ ﺍﻧﺘﻲ ﺁﻓﻴﻦ ﺗﻌﺎﻱ ﻳﻤﺔ ﺍﻧﺘﻲ ﻣﻦ ﺭﻳﺤﺔ ﺍﻟﻐﺎﻟﻲ ﺑﺠﻴﺖ ﻭﻳﺎﻫﺎ ﻭ ﺳﻠﻤﺖ ﻋﻠﻴﻬﺎ
ﻣﻦ ﺭﺟﻌﻨﺎ ﮔﺒﻞ ﻧﻤﺖ ﺑﺲ ﻷﻭﻝ ﻣﺮﺓ ﺣﻠﻤﺖ ﺑﻌﻠﻲ ؟؟؟
فصلوني ارمله

قۣۗـۙصۣۗـۙصٍ 📖ۆبۣۗـۙسۣۗ 💯
.بارت11
ﻗﺪ ﻳﻈﻦ ﺍﻟﺒﻌﺾ ﺍﻥ ﺍﻟﺤﺐ ﻻ ﻳﺤﺪﺙ ﺍﻻ ﺗﺤﺖ ﻇﺮﻑ ﻣﻌﻴﻨﺔ
ﻭﻷﺳﺒﺎﺏ ﻣﻌﻴﻨﺔ ﻭ ﻟﻜﻨﻨﺎ ﻻ ﻧﻌﻠﻢ ﺍﻧﻪ ﻳﺤﺪﺙ ﻓﻲ ﻛﻞ ﻭﻗﺖ
ﻣﻦ ﺭﺟﻌﻨﺎ ﻣﻦ ﺍﻟﻨﺠﻒ ﻭ ﺍﺗﺬﻛﺮﺕ ﺍﻡ ﻋﻠﻲ ﺍﻭﻭﻑ ﺣﺎﻟﻬﺎ ﻳﺒﺠﻲ ﺍﻟﺼﺨﺮ ﻭﻳﻦ ﻗﺒﻞ ﺟﺎﻧﺖ ﻫﻲ ﺟﺴﻤﻬﺎ ﻭ ﻟﺒﺴﻬﺎ ﺍﺣﻠﻰ ﻣﻨﻲ ﺍﻟﻲ ﻳﺸﻮﻓﻬﺎ ﻳﮕﻮﻝ ﺍﺧﺘﻲ ﻟﻮ ﺣﻤﺎﺗﻲ ﻣﻮ ﻋﻤﺘﻲ ﺍﻡ ﺯﻭﺟﻲ ﺧﻄﻴﺔ ﻫﺬﺍ ﺍﺑﻨﻬﺎ ﺍﻟﻮﺣﻴﺪ
ﻣﻦ ﻧﻤﺖ ﺑﻠﻴﻞ ﺣﻠﻤﺖ ﻷﻭﻝ ﻣﺮﺓ ﺑﻌﻠﻲ
ﺣﻠﻤﺖ ﺍﻧﻲ ﻭَﻳَﺎ ﺟﻨﺎ ﺳﻮﺓ ﺗﺤﺖ ﺷﺠﺮﺓ ﺑﻌﺪﻳﻦ ﺳﺤﺒﻨﻲ ﻭ ﻭﺩﺍﻧﻲ ﻟﺸﺠﺮﺓ ﺟﺎﻥ ﺑﻴﻬﺎ ﺷﺒﻞ ﻭ ﺟﺎﻥ ﻋﻨﺪ ﺷﺒﻞ ﻭﺭﺩﺗﻴﻦ ﮔﻌﺪﻧﻲ ﻋﻠﻲ ﻳﻢ ﺷﺒﻞ ﺿﻠﻴﺖ ﻣﺴﺘﻐﺮﺑﺔ ﺃﻃﺎﻧﺎ ‏( ﺃﻋﻄﻰ ‏) ﮔﻤﺮ ﻭﺷﻤﺲ ﻛﻞ ﻭﺣﺪﺓ ﺑﻴﺪ ﻓﺮﺣﺖ ﺣﻴﻞ ﺑﺲ ﺇﻧﻄﺎﻧﻲ ﺳﻴﻒ ﻭ ﻭﮔﻊ ﻣﻦ ﺃﻳﺪﻱ ﺑﺠﻴﺖ ﺭﺩﺕ ﺃﺭﺟﻌﻪ ﺑﺲ ﻋﻠﻲ ﮔﺎﻝ ﻋﻮﻓﻲ ﻫﺬﺍ ﻣﻮ ﺍﻟﺞ ﺧﻠﻲ ﻋﻴﻮﻧﺞ ﻋﻠﻰ ﺷﻤﺴﺞ ﻭ ﮔﻤﺮﺝ ﻭﺭﺍﺡ ﻋﻠﻲ ﺿﻠﻴﺖ ﺃﺻﻴﺢ ﻭﺭﺍﻩ ﻋﻠﻴﻴﻴﻲ ﻋﻠﻴﻲ ﻭﻳﻨﻚ
ﻓﺰﻳﺖ ﻣﻦ ﺍﻟﺤﻠﻢ ﻭ ﻋﻠﻰ ﻓﺰﺗﻲ ﻓﺰ ﺷﺒﻞ
ﮔﻠﻲ : ﺍﺳﻢ ﺍﻟﻠﻪ ﺷﺒﻴﺞ ﻓﻴﻮﻧﺔ ﻟﻴﺶ ﻓﺰﻳﺘﻲ
ﺧﻔﺖ ﺍﮔﻠﺔ ﻫﺴﺔ ﻳﮕﻮﻝ ﺗﻔﻜﺮ ﺑﻴﻪ ﻭ ﺣﻠﻤﺖ
ﺳﻜﺘﺖ ﻭ ﮔﺘﻠﻪ : ﻻ ﻋﻴﻨﻲ ﻛﺎﺑﻮﺱ ﻧﺎﻡ ﺍﻧﻲ ﺍﺳﻔﻪ ﮔﻌﺪﺗﻚ
ﮔﺎﻝ : ﻳﻠﺔ ﺣﺒﻲ ﺗﻌﺎﻱ ﻧﺎﻡ ﻫﻨﺎ ﻭ ﺗﺮﺗﺎﺣﻴﻦ
ﻣﺪ ﺍﻟﻲ ﺍﻳﺪﻩ ﻭ ﻧﻤﺖ ﻋﻠﻴﻬﺎ
ﺑﻌﺪ ﺍﻳﺎﻡ ﻭﺭﺍﻫﺎ ﺑﺪﻳﺖ ﺃﺗﺄﻗﻠﻢ ﻋﻠﻰ ﺍﻟﻮﺿﻊ ﺑﺲ ﺍﺑﺪ ﻣﺎ ﺍﺣﺐ ﺍﻟﻌﻴﺎﻝ ﻭ ﺍﻟﺴﻠﻒ ﺗﺮﺩﻭﻥ ﺗﮕﻮﻟﻮﻥ ﺍﻧﺎﻧﻴﺔ ﻟﺌﻴﻤﺔ ﺍﻧﻲ ﻫﺬﺍ ﻃﺒﻌﻲ
ﻭﺭﺓ ﻓﺘﺮﻩ ﮔﻤﺖ ﺍﺣﺲ ﺑﻠﻌﻴﺔ ﻧﻔﺲ ﻭ ﺍﺣﺐ ﺍﻧﺎﻡ ﻭ ﺍﻟﻌﺎﺩﺓ ﺍﻟﺸﻬﺮﻳﺔ ﺃﺗﺄﺧﺮﺕ ﺷﻜﻴﺖ ﺑﻨﻔﺴﻲ ﺣﺎﻣﻞ ﺑﺲ ﻣﺎ ﺍﮔﺪﺭ ﺍﮔﻮﻝ ﻟﺸﺒﻞ ﺍﻻ ﺍﻧﻲ ﺃﺗﺄﻛﺪ ﻭﺻﻴﺖ ﻣﺮﻳﻢ ﻣﻦ ﺗﺮﻭﺡ ﻟﻠﺴﻮﮒ ﺗﺠﻴﺒﻠﻲ ﺍﺧﺘﺒﺎﺭ ﻭ ﺍﺫﺍ ﻣﻮﺟﺐ ﺍﺭﻭﺡ ﻟﻠﻤﺴﺘﺸﻔﻰ ﺍﺳﻮﻱ ﺗﺤﻠﻴﻞ ﺩﻡ
ﺧﻄﻴﺔ ﻫﻴﺔ ﻓﺮﺣﺖ ﺍﻟﻲ ﻭ ﺭﺍﺣﺖ ﺟﺎﺑﺖ ﺍﺛﻨﻴﻦ ﻣﻮ ﻭﺍﺣﺪ
ﺗﮕﻠﻲ ﺍﺣﺴﻦ ﺗﺘﺄﻛﺪﻳﻦ
ﻭ ﺻﺪﮒ ﺣﻠﻠﺖ ﻭ ﻃﻠﻊ ﻣﻮﺟﺐ ﺷﻔﺖ ﺍﻟﺨﻄﻴﻦ ﺃﻳﺪﻱ ﺿﻠﺖ ﺗﺮﺟﻒ ﻣﻦ ﺍﻟﻔﺮﺣﺔ ﮔﻠﺖ ﻟﻤﺮﻳﻢ ﮔﺎﻣﺖ ﺗﻬﻠﻞ ﺑﺼﻮﺕ ﻋﺎﻟﻲ ﺍﺟﻮ ﻋﻴﺎﻟﻲ ﻣﻔﺰﻭﻋﻴﻦ ﺳﺄﻟﻮﺍ ﺷﻜﻮ
ﮔﺎﻟﺘﻠﻬﻢ ﻣﺮﻳﻢ ﺍﻓﻮﻧﺔ ﺣﺎﻣﻞ
ﺧﻄﻴﺔ ﻛﻠﻬﻢ ﻓﺮﺣﻮﻟﻲ ﺑﺲ ﻓﺮﺡ ﻣﻦ ﻟﻴﻮﻡ ﺍﺟﻴﺖ ﻟﻼﻥ ﻣﺘﺤﺒﻨﻲ ﻋﻮﺩ ﺍﺧﺬﺕ ﻣﻨﻬﺎ ﺷﺒﻞ ﻋﺸﺘﻮ ﻫﻮ ﺍﺻﻼ ﻳﻤﻮﺕ ﻣﻨﻬﺎ ﻓﻮﮒ ﺳﻮﺍﻳﺎﺗﻬﺎ ﻭ ﻣﺸﺎﻛﻠﻬﺎ ﺑﺲ ﺧﻔﺖ ﻣﻦ ﻧﻈﺮﺍﺗﻬﺎ
ﺷﺒﻞ ﺑﻬﻞ ﺍﻷﺛﻨﺎﺀ ﺟﺎﻥ ﻃﺎﻟﻊ ﻳﺮﺟﻊ ﺏ 12 ﻛﻠﻬﻢ ﻧﺎﻳﻤﻴﻦ
ﻣﻦ ﺻﺎﺭﺕ 11:30 ﻛﻤﻠﺖ ﺷﻐﻞ ﺭﺣﺖ ﺻﻌﺪﺕ ﺳﺒﺤﺖ ﻭ ﻟﺒﺴﺖ ﻣﻼﺑﺲ ﻧﻮﻡ ﻣﺸﺒﻜﺔ ﺍﻭﻝ ﻣﺮﺓ ﺃﻟﺒﺴﻬﻢ ﻻﻥ ﺟﻨﺖ ﺍﺳﺘﺤﻲ ﻣﻨﻬﻦ ﻛﻮﻟﺶ ﻳﻔﺸﻠﻦ ﻳﻌﺮﺿﻦ ﺍﻛﺜﺮ ﻣﻤﺎ ﻳﺴﺘﺮﻥ 😂
ﺟﺎﻥ ﻟﻮﻧﻬﻦ ﺍﺳﻮﺩ ﻭ ﺣﻄﻴﺖ ﺿﻼﻝ ﺍﺳﻮﺩ ﺳﻤﻮﻛﻲ ﻭ ﺣﻤﺮﺓ ﺣﻤﺮﺍ ﻭ ﺭﺷﻴﺖ ﺍﻟﻌﻄﺮ ﺍﻟﻲ ﻳﻤﻮﺕ ﻋﻠﻴﻪ ﺷﺒﻞ ﻳﮕﻮﻝ ﻣﻐﺮﻱ ﻭﺷﻌﻠﺖ ﺷﻤﻮﻉ ﺣﻤﺮ ﺑﺎﻟﻐﺮﻓﺔ ﻭ ﻧﻮﻣﺖ ﺍﻻﻃﻔﺎﻝ ﺩﺧﻞ ﺷﺒﻞ ﺿﻞ ﻓﺎﺗﺢ ﺣﻠﮕﻪ
ﺿﺤﻜﺖ ﻋﻠﻴﻪ ﻭ ﮔﺘﻠﻪ : ﺳﺪ ﺣﻠﮕﻚ ﻟﺘﺘﺪﺧﻞ ﺑﻲ ﺫﺑﺎﻧﺔ
ﺿَﻞ ﻳﺘﻘﺮﺏ ﻣﻨﻲ ﻭ ﺧﺠﻠﺖ ﻣﻦ ﻧﻈﺮﺗﻪ
ﮔﺎﻝ : ﺷﻨﻮ ﻫﺬﺍ
ﻭ ﺿﻞ ﻳﻔﺮ ﺑﻴﻪ
ﮔﺘﻠﻪ ﺷﺒﻞ ﺍﺳﺘﺤﻲ ﻟﺘﺒﺎﻭﻋﻠﻲ ﻫﺠﻲ
ﮔﺎﻝ : ﻣﻦ ﺍﺭﻭﺡ ﻓﺪﻭﺓ ﻟﻠﻤﺴﺘﺤﻲ ﻋﻤﻲ ﺍﻧﻲ ﺷﻤﺴﻮﻱ ﻭ ﺍﻟﻠﻪ ﻳﺠﺎﺯﻳﻨﻲ ﻫﻴﺞ ﺷﻨﻮ ﻫﺬﺍ ﻭﻟﺞ ﮔﻤﻴﺮ ﻟﻮ ﻗﺸﻄﺔ ﺷﻮ ﺗﻌﺎﻱ ﺳﺤﺒﻨﻲ ﻟﻠﺠﺮﺑﺎﻳﺔ
ﮔﺘﻠﻪ : ﺍﻭﻛﻒ
ﮔﺎﻝ : ﺷﻨﻮ ﻳﻌﻨﻲ ﻫﺬﺍ ﺑﺲ ﺍﺑﺎﻭﻉ
ﮔﺘﻠﻪ : ﺗﻌﺎﻝ ﺳﺤﺒﺘﻪ ﻭ ﻃﻠﻌﺖ ﺍﻏﻨﻴﺔ ﺳﻠﻮ ﺑﻤﻮﺑﺎﻳﻠﻲ ﻭ ﺿﻠﻴﻨﺎ ﻧﺮﮔﺺ ﻭ ﻫﻮ ﻣﻨﺪﻣﺞ ﻭﻱ ﺍﻻﻏﻨﻴﺔ ﻫﻤﺴﺖ : ﺑﺎﺫﻧﻪ ﺍﻧﻲ ﺣﺎﻣﻞ
ﺑﻌﺪ ﻋﻨﻲ ﻭ ﺿَﻞ ﻳﺮﻣﺶ ﺑﻌﻴﻮﻧﻪ ﺑﺴﺮﻋﺔ
ﻭ ﮔﺎﻝ : ﺷﻨﻮﻭ ﺷﮕﻠﺘﻲ ﺍﻧﺘﻲ ﺣﺤﺤﺤﺎﺍﺍﻣﻤﻤﻞ
ﺍﺷﺮﺕ ﺑﺮﺍﺳﻲ ﺍﻱ
ﺷﺎﻟﻨﻲ ﻭ ﺿَﻞ ﻳﻔﺮ ﻣﻨﻲ
ﮔﺎﻝ : ﻳﻌﻨﻲ ﺭﺍﺡ ﺍﺻﻴﺮ ﺍﺑﻮ؟؟ !!!
ﺍﺑﻮ ﺿﺤﻚ ﻭ ﮔﺘﻠﻪ : ﺷﺒﻴﻚ ﺍﻧﺘﻪ ﺍﺻﻼ ﺍﺑﻮ ﻟﻮﻟﺪ 2
ﺑﻌﺪﻳﻦ ﺷﻮ ﻋﺒﺲ ﻭﺟﻬﻪ
ﮔﺘﻠﻪ : ﺣﺒﻴﺒﻲ ﺷﺒﻴﻚ ﻣﺘﺮﻳﺪ ﻃﻔﻞ
ﮔﺎﻝ : ﻻ ﺷﻠﻮﻥ ﺍﺳﺘﻐﻔﺮ ﺍﻟﻠﻪ ﺑﺲ ﺍﺧﺎﻑ ﻋﻠﻴﺞً ﻣﻦ ﺍﻟﻮﻻﺩﺓ
ﺧﻄﻴﺔ ﺗﺬﻛﺮ ﻣﺮﺗﻪ
ﮔﺘﻠﻪ : ﺣﺒﻲ ﺷﺒﻞ ﻟﺘﺨﺎﻑ ﺍﻧﻲ ﻣﻮ ﺍﻭﻝ ﻭ ﻻ ﺍﺧﺮ ﻭﺣﺪًﺓ ﺗﺤﻤﻞ ﻭ ﺗﺠﻴﺐ ﺑﺲ ﻋﺎﺩﻱ ﻫﺬﺍ ﻗﻀﺎﺀ ﻭ ﻗﺪﺭ
ﮔﺎﻝ : ﻳﻠﻪ ﺣﺒﻲ ﻫﺎ ﺷﻮﻑ ﻧﺴﻴﺘﻴﻨﻲ ﺍﻟﺴﺎﻟﻔﺔ ﺍﻷﺻﻠﻴﺔ
ﮔﺘﻠﻪ : ﺷﻨﻴﺔ
ﮔﺎﻝ : ﺍﻟﮕﻴﻤﺮ ﺷﻮ ﺗﻌﺎﻟﻲ ﻳﻠﻪ ﺳﺤﺒﻨﻲ ﻟﻠﺠﺮﺑﺎﻳﺔ ﻭﻭﻭﻭﻭﻭﻭ
ﻭ ﺍﻧﻲ ﻧﺎﻳﻤﺔ ﺣﻠﻤﺖ ﻧﻔﺲ ﺍﻟﺤﻠﻢ ﻣﺎﻝ ﻋﻠﻲ ؟؟
..
يتبع...