" ဗိုလ်ချုပ်ရှောင်းသည် အမျိုးသားဖြစ်သူတပ်ကြပ်ဝမ်အား သေတဖန်သက်တစ်ဆုံးပေါင်းသင်းပါမည်ဟု သဘောတူပါသလား"
"သဘောတူပါတယ်"
ဖာသာရဲ့စကားအဆုံး နှစ်ဦးသားလက်စွပ်ချင်းဖလှယ်ကြသည်။ စစ်ဝတ်စုံယူနီဖောင်းများကိုသေသပ်စွာ ဝတ်ဆင်ထားသောလူနှစ်ယောက်။
"ခင်ဗျားကိုသိပ်ကြည့်ရတာမဟုတ်ဘူး"
"မင်းကကိုယ့်ရဲ့လူဖြစ်သွားပြီ "
"ခင်ဗျားကသာကျွန်တော့်ရဲ့လူ "
မင်္ဂလာပွဲမှာ ဘယ်သူကဘယ်သူရဲ့လူဖြစ်ကြောင်း အပြိုင်ငြင်းဆန်နေသော ယောကျာ်းသားနှစ်ယောက်။
"ကိုယ်အရှုံးပေးပါတယ် မင်းကသာကိုယ့်ကိုပိုင်တာပါ"
"အစောကတည်းကပြောခဲ့သင့်တာ"
လက်ထပ်ပြီးရက်များစွာကြာ ဗိုလ်ချုပ်ရှောင်းရှိသောတပ်ရင်းထဲတွင် ဗိုလ်ချုပ်ရှောင်းထံသို့ တပ်သားများရဲ့ အမြဲတစေတိုင်တန်းစာများက တောင်လိုရာလိုရောက်ရှိလာတတ်ကြသည်။
"ဗိုလ်ချုပ် တပ်ကြပ်ဝမ်ကိုတားပေးပါဦး "
"ဗိုလ်ချုပ် ကျွန်တော်တို့ကိုနေ့လည်စာပေးမစားဘူး"
"ဗိုလ်ချုပ် တပ်ကြပ်ဝမ်ကနံနံပင်ဟင်းချိုတွေချက်နေပြန်ပြီ"
"ဗိုလ်ချုပ် တပ်ကြပ်ဝမ်ကျွန်တော်တို့ကိုဆေးထိုးအပ်နဲ့ လိုက်ထိုးနေတယ်"
"ဗိုလ်ချုပ် !!!"
"တပ်ကြပ်ဝမ်ကိုသွားခေါ်လာခဲ့ "
ယူနီဖောင်းအစိမ်းရောင်ကိုမှ အင်္ကျီလက်အားခေါက်တင်ထားပြီး လက်ထဲတွင်ဓားကိုင်ထားသော ဝမ်ရိပေါ်ရောက်လာလေသည်။
ဝမ်ရိပေါ်ရဲ့ပုံစံမှာတပ်သားတွေရဲ့မျက်လုံးထဲတွင် အမျက်ကြီးသောနတ်ဆိုးတစ်ကောင်အလား။
"ဗိုလ်ချုပ်ရှောင်း ကျွန်တော့်ကိုခေါ်တယ်ဆို ဘာဖြစ်လို့လဲ "
"ဒီနားလာဦး"
"ကိစ္စမရှိရင် အဲ့ကနေပဲပြောပါ"
"ကိစ္စရှိတယ် ဒီနားလာခဲ့"
ဖြောင့်မတ်နေသောကိုယ်က စည်းချက်ကျကျခြေလှမ်းတဲ့အခါ
အလွန်ကိုမှကြည့်ကောင်းလှသည်။အနားသို့ရောက်လာသည့်ဝမ်ရိပေါ်အား။
အိတ်ကပ်ထဲတွင်ဆောင်ထားလေ့ရှိသော လက်ကိုင်ပုဝါအားထုတ်လို့ နဖူးတွင်တင်ကျန်နေသောချွေးစက်များကို ညင်သာစွာသုတ်ပေးလေသည်။"ဗိုလ်ချုပ်ရှောင်း !"
"ဓားကိုင်ထားတယ်ဆိုတော့ ဘာတွေချက်နေတာလဲ"
"မုန်လာဥဟင်းချိုလုပ်မလို့"
"လက်ရောဓားထိသေးလား"
"ခင်ဗျားထက်ဓားကိုင်ကျွမ်းတယ် ကိစ္စကဘာလဲ"
"ပင်ပင်ပန်းပန်းတွေလျောက်မလုပ်နဲ့လို့ "
"ဒါပဲလား"
"အင်း"
"သွားခွင့်ပြုပါဦး"
ခွေးစာကျွေးခံလိုက်ရသော တိုင်တန်းသည့်တပ်သားတစ်စုရဲ့ရင်ထဲတွင်တော့ မချိတင်ကဲစွာနဲ့ အော်ဟစ်မိသည်က။
ဗိုလ်ချုပ်ကြီးကသူ့ယောကျာ်းကိုအလိုလိုက်လွန်းတယ် !!
YOU ARE READING
[ ZHANYI ] ဗိုလ်ချုပ်ကြီးကသူ့ယောကျာ်းကိုအလိုလိုက်လွန်းတယ်။ (Version - 2)
FanfictionEdition Date : 05-08-21 ° Unicode Only °