حـارة الـمـوت

البداية

#حـارة_الـمـوت ( 1)

#الـحـلـقـة_الأولــى

في عام1985 في فصل الشتاء الـساعـة 12 منتصف الليل 🕛....
بعد ما كملت غسل المـاعين مشت للصالة لقت عزوزتها لطفيه مقعمزه على الكرسي وشاده سبحتها تسبح والواضح على وجها ملامح القلق وتشبح للساعة
اما هي فا حطتت يدها على بطنها الكابر وتنهدت
لطفيه... قاعد ماجاش
هزت غزاله رأسها بنفي.... لا لا مازال
لطفيه... يارب لطفك الوقت تأخر
غزاله... خشي ارتاحي داخل يا عمتي وانا توا انوضك لما يجي
لطفيه...لا لا نستنه انا وين و النوم وين
غزاله جت قعمزت على الكرسي جنبها وهي تحاول تخفي ملامح القلق و التوتـر
مامرو خمسة دقايق لين سمعو صوت الـباب سكر....
لطفيه بفرحة... هاا نوضي شوفي اكيد ساامر
ناضت غزاله تجري لقت سامر مطبس يسلب في كندرته ( أكرم القارئ)
ولابس الكبوط أكحل صـوف و طاقيه صوفيه ومسك بيده كيسه فيها فواكه
غزاله بلهفة... الحمد لله على السلامه وين كنت؟
سامر رفع عيونه و شبحلها بحده... في الدكان يعني وين منكون؟
غزاله... اه باهي
سامر... تعالي خودي مني الكيسة ومعاش اتكثر الدوة
غزاله هزت رأسها بموافقة وجت خذت الكيسه ومشت بيها لي الكوجينه وهو توجـه للصـالـة عند أمه
سامر... امي هذا وين سكرت المحل جابـو بضـاعة جديـدة وكان من اللازم انه انرتبها ( عنده محل مجوهرات)
لطفيه.... باهي ياوليدي معاش تضغط على روحك هلباا مش كويس
سامر طبطب على يده امـه حنيه ... حاضر يما حاضر توصي على شيء منرقد تعبان   ❤️
لطفيه... نوصي على هالمرا الباهية نشوف في معاملتك معاها الواه هكي
سامر... هي شكت؟
لطفيه.... لا يا كبدي ميطلع من فمها كان الكلام الباهي بس معليش خف عليها شويه
سامر تنهد بضيق... تمام توا منرقد تصبح على خير
لطفيه... وانت بخير
بأس راسه أمه ومشى للكوجينه لقاهـا مطلع اللحـم من الفريـز بديـرله عشاه
سامر... مديري شي نبي نرقد راهو
غزاله من دون نقاش... باهي
سامر هز راسه وطلع من الكوجينه ومشى لي داره طول
أما غزاله فردت اللحـم ومشت لي الصـالة ملقتش عزوزتها فتأكددت أنها رقدت
ركبت لي الـدور الثاني وخشت لي دار نومها لقت سامر راقد
جت رقدت جنبه وغمضت  عيونها
سامر... معاش توقفي هلبا مش كويس عليك حاامل راهو في شهرك زياده رد بالك
غزاله ابتسمت لما عرفته انه إيـحاول ايرضي فيها بطريقـته الخـاص  ❤️
غزاله.... حاااضر تأمر بحاجة تانيه
سامر... شي تصبح على خير
غزاله... وانت بألف خير
وراحت فيها نووومه  امـا سامر فليل كله وهو يفكر ويخمم في الف حاجة وحاجة.......
فـي صبـاح اليـوم التـاني  🌄🌄
على سفره الإفطار العيله كلها متجمعه وتاكل
حتى خوات مقعمزت جنبه علي السفره واللي هذه تشبح لي الثانيه تبيها تتكلم لين تجرأت سميره ونطقت
سميره... ساامر
سامر يجغم في الشاهي.... خيرك؟
سميره قعدت تشبح لي أخته سهيله مرتبكة.... هو انا الحق
سامر... خيرك تكلمي؟
سميره... نبي نطلع مع حـوش عمي
سامر... لا
سهيله.... بالله عليك البنات كلهم ماشين خلي نمشو حتى احنا
سامر.... لا يعني لا
سميره وسهيله شبحو لي امهم متع تكلمي
لطفيه.... خليهم يا وليدي يوسعو خاطرهم
سامر.... الحوش تشبحو فيه مقلوب ولا كل شيء في راس غزاله غزاله راهي حاامل مفروض ترتاح وبنات عمي مافيش حد اللي وعارفهم غر معندهمش ولاد شادين فيهم بس
سميره و سهيله ولا كلمة انسمطو 
لطفيه.... خلاص وليدي كول فطورك كول
سامر... معنديش  نيه
غزاله ناضت... توا أنديرلك قهوة
سامر هز راسه ووقف.... تمام جيبها فوق
لطفيه... ورأس ولدي لما تقعمز تاكل هالقمه
سامر تنهد بقلة حيل وقعمز على الكرسي... تمام غزاله مطلعتليش بـ القهوة
غزاله... حاضر
مشت للمطبخ خذت البكرج عبته ميه وحطتت على الغاز حست بليه في بطنهاووجها تغير بس معدلتش
بعتلي خذت القهوة كيف بتطحها على البكرج لين جي مغصص قوويه في بطنها لين عيطت
غزاله.... ااااه اه اه اه اه اه اه اه اه
سامر ناض مخلوع مشي يجري ليها لقاها مقعمزة على الأرض ومكمشة في روحها و تستنجد
غزاله.... اه اه اه سااامر خلاص بنووولد
لطفيه جت تجري بعتلي طبست علي ولدها.... سامر بر فيسع لي حوش ابراهيم قوله يخبر مرته علي ولاده غزالة
سامر طبس ناحية غزالة قامها في حضنه ورفعها للدار و طلع يجري لي حوش جاره إبراهيم
قعد يطق الباب بالقوة لين طلعتله إبراهيم
إبراهيم... خير سامر اهلين تفضل
سامر يحك في جبهته بصبعه.... خير خير عمتي جازيه  قاعده؟
إبراهيم... ايه ايه قاعده
سامر...بالله بسرعه قولها تجي تولد العويلة
إبراهيم... خلاص خلاص تم
خش إبراهيم يجري لي مرته جازيه
إبراهيم.... جازيه يا جازيه
جازيه طلعتله من المطبخ... نعم
إبراهيم.... مرت سامر شكلها بتولد توا
جازيه.... توا انا جايه غر انطفي علي الغاز
إبراهيم.... بسرعة استعجلي
جازيه... باهي
طفت الغاز و لبست غطاء الصلاة علي قفطانها البصمة و شبب وطلعت بسرعة من حوشها
قابلها سامر موطي عيونه والواضح  انه متوتر
جازيه... متخاف ما يصير كان كل خير اعطني الطريق
سامر... باهي هيا
طلعت وراه تجري لين خشت للحوش سمعت صوت عياط غزاله في واحده من  الديار مشتلها
حولت الغطاء من عليها وقربت منها
جازيه.... هيا يا بنيتي هاني جيت غر تحمل هالسويعه
غزاله داهشه...اهاهاهاااا يا ربي هونها عليا ياربي
جازيه... الميه السخونه يا لطفيه
خشت عليها سهيلة بالميه و حاطتها جنب جازيه
سهيلة... اهي وصلت عمتي جازيه
جازيه... خلاص تحملي شويه يا بنيتي تحملي