يجمااعه الفوووت متنسهوووش 🤗
❤❤كما اعتدنا من الفراق علي كسر القلوب وكسر الخواطر فالفراق يا عزيزي يقتل الروح ويفقد الحياه كل ملاذاتها ❤❤
بقلمي ✍آيه أحمد
يونس كلم وائل وايمان يجو عشان هم عيلته وعشان كمان ناوي علي حاجه لسه محدش يعرفها غير عبد الرحمان
ويونس اخد عبد الرحمان علي جمب وقاله كلمتين وعبد الرحمان بعدها خرج
عز : هو الواد ده راح فين
يونس : هتعرف دلوقتي
عز : بعد اذنكم ي جماعه هاخد تمارتي ونقعد في الجنينه شويه علي م الباقي يوصلو واخد ايد تمارا وخرجو
يونس : احم بعد إذنك ي عمي ممكن كلمتين مع عبير
ايهاب برخامه : ليه
يونس : احم عادي يعني ي عمي عاوز اتكلم معاها كلمتين لحد م الجماعه يجو
ايهاب : لاءه
اكرم بضحك : متسيبه يجدع ده انت غريب جدا
ايهاب : اسكت ده انا مفقوع منه حطني في موقف محرج جدا
يونس : الله يعمي ده انا خلصتك من الكائن الغريب الي كان متقدم لبنتك
ايهاب براحه : ايوة فعلا في دي عندك حق
يونس : طب ممكن اقعد معاها بقي
ايهاب : لا بردو
عبير وتاليا كاتمين الضحك بالعافيه علي منظر يونس
باب البيت اتفتح وحمزه داخل بيتسحب عشان خايف من باباه عشان كان مفروض يرجع الساعه٨ علي معاد الضيوف وطبعا اتأخر مع صحابه ومجاش فجأه لقي حد ماسكه من قفاه
حمزه : احم ميصحش كده ي حج
ايهاب : الساعه في ايدك كام ي حيوان
حمزه : احم بابا والله نسيت خالص والوقت عدي بسرعه
مروه : سيبه ي ايهاب انت ماسكه كده ليه اكيد م اخدتش باله من الوقت والا كان هيجي في ميعاده
اكرم وهو مازال ممسكا بحمزه : ايوة طبعا ومين هيحاميله
حمزه وهو ينظر حوله هو فين العريس ده طيب
يونس ميل براسه ورفعله ايديه
حمزه : اي ده هو انت قريب عز وعبد الرحمان مش كنت تقول يبابا طب م هم مش غرب اهم عاملي حوار لي بقي وسعلي كده
حمزه شال ايد باباه وراح قعد جمب يونس
حمزه : انت مالك ضارب بوز كده ليه هو حد ضربك علي ايدك
يونس بصله بغيظ لا محدش ضربني ولا حاجه
حمزه : اومال بردو ليه البوز ده
يونس نفخ بعصبيه وبص لايهاب لقاه بيبصله بإنتصار وعمال يضحك اتغاظ اكتر وطلع تليفونه عشان يستعجل خالته وجوز خالته بس لقي جرس الباب رن وهم دخلو ووراهم دخل عز وماسك في ايده تمارا
يونس قعد بأريحيه وايمان ووائل دخلو سلمو عليهم ووائل طلب ايد عبير رسمي ليونس وقرأو الفاتحه
تليفون يونس رن وكان عبد الرحمان
__ ها ي عم كله تمم وقريتو الفاتحه
يونس : ايوة الحمد لله
__طب اي اجيب الامانه الي معايا واجي
يونس بقلق مش عارف الوضع هنا هيبقي شكله ازاي حاسس ان ابوها عاوز يقوم يقتلني
__فكك منه وخدها عافيه ياد
يونس : معاك حق ياد ي عبده ادخل يالا بسرعه
وقفلو
جرس الباب رن وحمزه فتح لقي عبد الرحمان داخل وجايب معاه مأذون
أنت تقرأ
صدف العشق
Roman d'amourمعظم الاشياء تأتينا صدفه فمابالكم بصدفه عشق❤ تبدأ بالخناق وتخلد علي يد مأذون واتنين شهوود وقصه عشق ابديه يسطرها العشاق 😍🥰❤ صدف العشق..........😍
