Love Cafe | Completed✔ |

Love Cafe ( Part 5 Final)

တနင်္ဂ​နွေ ​နေ့ရဲ့ ည​နေခင်းတစ်​ချို့မှာ
အသက်​ရှုကြပ်​ရခြင်း
အ​ကြောင်းပြချက်​​တွေကို
ကိုယ်​​ဖြေရှင်းနိုင်​ခြင်း ရှိ..မရှိ...

​တွေ့ရင်​​တော့ ​ပြောပြချင်​မိတယ်​..
ချမ​ရေးဖြစ်​တဲ့ ဒိုင်​ယာရီ​တွေရဲ့
​ကျောဖက်​မှာ ပြုံးတုံ့တုံ့​ငေး​နေတတ်​တဲ့
မျက်​လုံး​လေး​တွေကို သတိရမိတဲ့
အ​ကြောင်း...

အဓိပ္ပါယ်​မရှိ ဟာလာဟင်းလင်းနိုင်​တဲ့
​ထောင့်ဆုံးက ​စားပွဲခုံ​လေးနဲ့
အ​ကြောင်းမဲ့ ​​ လှည့်ကြည့်မိတဲ့
​ခြေသံတစ်​ချို့....

ဝမ်းနည်းစရာ​ကောင်းတာက​တော့
ကိုယ့်စိတ်​ကို ကိုယ်​မသိခဲ့တာပဲ ...

မင်း​မျှော်​​နေလိမ့်မလားလို့ ကိုယ်​ချင်းမစာ
မ​တွေးတတ်​တဲ့ ဒီလူက ​ခြေတစ်​လှမ်း
​နောက်​ကျတဲ့ အ​နေအထားနဲ့ မိုး​ရေ​တွေကြားထဲ
အ​ပြေးလာခဲ့မိတယ်​ဆို ယုံဦးမလား..

လူ​တွေအများကြီးရှိ​နေတဲ့ ​လေဆိပ်​မှာ
မင်းကိုမ​တွေ့နိုင်​​တော့ဘူးဆိုတာ မယုံလို့
ကိုယ်​လိုက်​ရှာခဲ့​သေးတာ...

ကံတရား​တွေ ဖူးစာ​တွေ ...
ထားစမ်းပါ...တကယ်​​တော့
မင်းမရှိရင်​ အဲ့ဒါ​တွေက အ​ရေးမပါဘူး..

​နောက်​ကျ​ပေမယ့်လည်း ​လောဘကြီးတဲ့
ကိုယ်​က ဝန်​ခံချင်​​သေးတယ်​..
အင်း... မင်းမုန်းသွား​တော့လည်း ကံပဲ​... ။

ဖြူ​ဖွေး၍အဆုပ်​လိုက်​ ပြန့်ကျဲ​နေ​သော
တိမ်​စိုင်​တိမ်​ခဲများကို​လေယာ​ဉ်​ပြတင်းမှတစ်​ဆင့်
မြင်​ရသည်​။

သူ့အ​တွေးတို့သည်​လည်း ​တောင်​စဉ်​​ရေမရ
ပြန့်ကျဲလျက်​ရှိသည်​ ။

မကြာခင်​ဆင်းသက်​ပါ​တော့မည်​ဟု ​ကြေငြာ​သော
​လေယာဉ်မယ်​​လေး၏ အသံ​နောက်​တွင်​
တဒိန်းဒိန်း ခုန်​လှုပ်​စပြု​နေ​သော
နှလုံးခုန်​သံ အချို့ ကပ်​ငြိပါသွားဟန်​..
အသက်​ကို ခပ်​ပြင်းပြင်းရှူထုတ်​မိသည်​ ။

မင်းသိပ်​ချစ်​တဲ့ ​မွေးရပ်​​မြေကို​တော့
​ခြေချရပြီ... Minhyung..
ကိုယ်​တို့ဘယ်​အချိန်​ဆုံကြမလဲ...