Wanna Love You... AGAIN

TERE DAAR PAR SANAM

Fateh tumhari haar galti maaf hai jab tak mere DIL MEIN HO TUM.....

"Tu meri hi behen hai na, aisa kaise bol sakti hai yaar. Sorry na, mein na tum dono ko kahi dinner par le chalunga, Pakka". Fateh ne wapas manane ki koshish karte hue kaha.

"Apki behen hu issi liye samjha rahi hu veer ji, ek din aisi galti maat kar baithna ki bhabhi chahe toh bhi apko maaf na kar paye, Aur dinner pe bhabhi ko le jao mujhe apke sath nahi jana". Mahi ne apna nashta continue karte hue kaha.

Mahi ko kya hua vo iss baat ko itna kyu seriously le rahi hai, "Mahi chal na maan bhi jaa yaar pakka agli baar aisa nahi hoga, acha dinner ke sath shopping bhi unlimited, soch le limited time ke liye hi hai offer". Fateh ne card dikhate hue kaha.

"Mahi maan bhi jaa na aisa offer phir nahi milega, please". Meine usse piche se hug karke kaha.

"Sirf apke liye bhabhi". Usne kaha aur meine aankhon se haa kaha.

"Offer change nahi hona chahiye". Usne Fateh ko dekhkar kaha.

Baat sunkar Fateh ne hanskar kaha, "Tu toh teri bhabhi ke liye jaa rahi hai toh tujhe meri offer se kya karna"

Mahi ne muh banakar kaha "dekho bhabhi kaise kar rahe hai, mujhe nahi jana".

"Fateh... Tum bhi na" Meine usse datne ka natak karte hue kaha.

"Acha baba, Sorry majak kar raha tha din fix kon karega"? Usne humse pucha.

Humne apni ungli Fateh ki taraf ki, " Ye bhi mein hi decide karu, kitne kam hote hai mujhe". Fateh ne lambi saans lekar masti mein kaha.

"Aap hi toh ho jo sabse jyada busy hota hai toh apka hi schedule check karna padega na". Mahi ne chair se uthkar kaha.

"Sunday is best... Thik hai na". Fateh ne mahi ki baat ko ignore karke pucha.

Meine done kaha toh usne mahi ke reply ka wait kiya tab mahi ne okay jawaab diya, aur waha se chali gayi.

"Fateh vo abhi thoda ghusse mein hai shant hote hi thik ho jayegi aur phir khud hi sabse jyada excited hogi. Ye lo tumhara tiffin". Meine usse tiffin dete hue kaha.

"Kya hua aaj lunch hum sath mein nahi karenge kya"? Usne tiffin lete hue pucha.

"Haa vo mein ghar jane wali hu aur ghar ke baki bhi function mein jane wale hai". Meine usse explain karte hue kaha.

Vo kuch sochne laga, "Fateh kya hua"?

"Kuch nahi". Usne ekdam se jawaab diya.

Meine pucha "Toh chale", usne haa mein ishara kiya aur hum college ke liye nikale.
Humne car mein jyada baat nahi ki meine jitna pucha Fateh ne utna hi jawaab diya kisi soch mein tha vo, toh meine bhi usse distrub nahi kiya aur ganne sunane lagi. Gadi ruki toh dyan gaya college aa gaya hai.

"Bye...". Meine car se utar kar kaha toh Fateh ne bhi bye karte hue hath hilaya aur college mein aa gayi.

Aaj college mein jyada kam nahi tha aur mere lecs bhi kam the toh mein apna kam pura karke ghar jane ke liye nikal gayi.
Jab mein ghar pahuchi toh gippy already aa gaya tha. "Hello, tejo ji". Usne mujhe dekhkar kaha.

"Puttar, aa gayi tu hum tera hi intajar kar rahe the. Gippy ne kaha ki tu aa jaye phir baat karte hai". Mummy ne mujhe paani dete hue kaha.

Meine idhar udhar dekh kar pucha, "Jassu kaha hai mummy"?

"Kamre mein gayi hai aati hi hogi". Mummy ne apna kam karte hue kaha.

"Bolo puttar apko kuch baat karni thi na"? Tauji ne gippy ko kaha.

"Haa vo mujhe puchna tha ki kya hum shadi postpone kar sakte hai"? Gippy ke bolte hi mummy papa bebe tauji taiji sab confused lag rahe the. Kisi ne kuch nahi kaha.

Toh usne khud ko explain karte hue kaha, "Mujhe na 10 din mein Canada wapas jana hai jaruri kam se".

Gippy ne mujhe aap kuch bolo ka ishara kiya, " Itne jaldi jassu ka passport ban nahi sakta, toh shadi ki jaldi kyu kare. Waise bhi gippy 1-2 mahine mein aa hi jayega tab ki koi tarik nikal lete hai".

Tabhi jassu niche aayi, "Aur shadi ke baad toh Jassu ne Canada chale jana hai, toh vo bhi humare sath aur time spend kar lengi".

"Gippy puttar apke parivaar ko koi dikkat toh nahi na"? Papa ne gippy se pucha.

"Na ji na, unko koi dikkat nahi hai". Gippy ne hanskar jawaab diya.

"Lekin aab toh vhay ki sari tayariya ho chuki hai". Mummy ne papa ko dekhte hue kaha.

"Mummy shadi mein toh sirf paas ke rishtedaar hi rehne wale the na, hum baat karenge toh sab samajh jayenge". Meine mummy ki tension ko dur karne ki koshish ki.

"Par puttar Sare order de diye hai khana, phool voh sab"? Taiji ne pucha.

"Toh mummy kyu na hum sagai kar de"? Abhiraj ne suggest karte hue kaha.

"I like..... ". Gippy kehne hi wala tha ki jassu ne kaha, "Nahi, hum shadi ke time hi sagai karenge".

Uski baat sunkar meine kaha, "Kyu na hum party kar le aise hi ghar ke sab, jassu aur gippy ke liye"?

"Haa, ye thik hai koi order bhi cancel nahi karna hoga. Gippy puttar aap apne puri family aur friends ko lekar aao humara bhi sab se milna ho jayega". Papa ne apni tayari shuru karte hue kaha.

"Ji jaroor,Thik hai aab mein chalta hu mujhe kuch kam hai". Gippy ne uthakar kaha, aur bebe ke pair chue.

"Haa puttar ji". Bebe ne kaha.

Gippy ke jane ke baad mein sab se baat kar rahi thi toh jassu ne kaha, "Chal na tejo tujhe kuch dikhana hai". Kehkar hath pakad ke uthaaya.

Mein uske sath room mein aayi toh vo idhar udhar dekhe jaa rahi thi.
"Jassu tuze kuch dikhana tha na". Meine usse pucha.

"Dikhana, Haa dikhana tha. Nahi... Kuch batana tha". Vo bohot had badai hue thi.

"Jassu sab thik hai na? Tu shadi postpone nahi karana chahti thi kya"? Meine uske hath ko apne hath mein lekar kaha.

Usne apna hath mere hath par rakh kar kaha. "Nahi tejo vo mujhe na kuch confuse karna hai".

"Jassu Tu kya bol rahi hai mujhe kuch samajh nahi aa raha". Vo mujhe agar confuse hi karna chahti hai toh mein sach mein confused thi.

"Aree matlab apni galti manani thi". Usne mujhe samajhate hue kaha.

"Ohh, tuze kuch confess karna hai,  kya tu bhi jassu, aab kya kar diya tune"? Meine strict teacher ki tarah hathon ko fold karke pucha.

"Vo tejo baat ye hai ki mere aur Fateh..." Kehkar ruk gayi. Mere dimag mein already kai khayal aa gaye the.

Jab usne aage kuch nahi bola toh meine usse dekha. Vo darvaje ki taraf dekh rahi thi.

Jab meine darvaaje ki taraf dekha toh Fateh waha par khada tha. Haaf raha tha jaise bhag ke aya ho. "Fateh..... ".

"Tum yaha, kab ayee Achanak, bataya bhi nahi".

"Haa mein...yaha, achanak..., nahi bataya". Usne hanskar bich bich mein sans lete hue kaha.

"Gadi kaha hai lag raha hai jaise bhagte hue aye ho". Meine usse upar se niche dekhte hue kaha.

"Vo mummy ne kaha ki tumhe pick kar lu toh chale aye hum TERE DAAR PAR SANAM..... ".

Thank You For Reading.....
I hope you have enjoyed reading story..... And wish to continue enjoying it.
If you are enjoying the story, Please vote for it.
Also Enjoy the song. I have chosen this video as it has a lot pictures of Avneil 😍.
Be Healthy and Happy😇