မစ္စတာ Zombie Fanအား ရှာဖွေခြင်း [One Shot_Completed]

One Shot - Part 1

[Unicode]

@Muli2013: ငါမင်းကိုကြိုက်တယ်၊ Mr. Temperate Ocean

---

ယဲ့ချွီတစ်ယောက် ဒီနေ့ သူ့fanတစ်ယောက် လျော့သွားသည်ကို ရှာဖွေတွေ့ရှိလိုက်ရသောကြောင့် စိတ်သောကရောက်နေသည်။

စာရေးဆရာတစ်ဦးအဖြစ် ၄နှစ်တာကာလအတွင်း သူသည် fanပေါင်း ၁၀,၀၀၀နှင့်အထက်ကို စုဆောင်းနိုင်ခဲ့ပြီ ဖြစ်သည့်အတွက် fanတွေတိုးလာတာ၊ လျော့သွားတာနှင့် ပတ်သက်ပြီး ကျင့်သားရသင့်​နေပြီ ဖြစ်သည်။ 

သို့သော် သူငယ်ချင်းတစ်ယောက် တင်လာသော "မင်းရဲ့ပထမဆုံးfanက ဘယ်သူလဲ။ သူက အခုချိန်ထိ မင်းရဲ့fanဖြစ်နေတုန်းလား" ဆိုသော ခေါင်းစဥ်ကြောင့် သူ့၏ အတိတ်ကိုလွမ်းဆွတ်သတိရသောခံစားချက်များ နိုးထလာသည်။

ယဲ့ချွီသည် သူတို့တွေ ပျော်ရွှင်စွာဖြင့် ပါဝင်ဆွေးနွေးနေကြသည်ကိုသာ စိတ်ဝင်တစားဖြင့် ကြည့်‌နေလိုက်သည်။ အဘယ်ကြောင့်ဆိုသော် သူ့၏ပထမဆုံးသောfanက အခုထိ ရှိနေသေးသည်ကို သိသောကြောင့်ဖြစ်သည်။

ရလဒ်အနေနှင့်... ယဲ့ချွီသည် သူ့၏ followers list ကို နောက်ဆုံးစာမျက်နှာရောက်သည်အထိ အထက်အောက်လှန်ကာ လိုက်ရှာကြည့်ပြီးနောက် သူကြက်သေသေသွားသည်။

သူ့ရဲ့ ပထမဆုံး fanလေး! မ! ရှိ! တော့! ဘူး!

'စတင်အသုံးပြုသူများအတွက် လမ်းညွှန်ချက်'ကို မဖတ်ဘဲ Weibo စသုံးခဲ့သည့်အချိန်ကို သူ အခုထိ မှတ်မိနေသေးသည်။ "MuLi2013"က သူ့ကို followလာလုပ်သည့် ပထမဆုံးfanဖြစ်သည်။

စစချင်း နာမည်ကိုမြင်တော့ ယဲ့ချွီက ဒီတိုင်း သာမန် zombie fan တစ်ယောက်ဖြစ်လိမ့်မည်ဟု ထင်ခဲ့ပေမယ့် သူ့၏ပထမဆုံးစာအုပ်ကို ထုတ်ဝေပြီးနောက် ထိုအကောင့်နာမည်သည် rewards list တွင် အမြဲလိုလို ပေါ်လာတတ်သည်။ ထိုလူပေးသော ပမာဏက သိပ်မများပေမယ့် chapterတိုင်းကို သူပေးနေကျဖြစ်သည်။ 

(T/N: Zombie fan - weiboကဲ့သို့ social mediaများပေါ်တွင် တိုက်ခိုက်ရန်ရှိနေတတ်သော အတုအယောင်fanများ)

ယဲ့ချွီ စာရေးလာသည်မှာ ၄နှစ်ရှိပြီဖြစ်ပြီး ထို၄နှစ်တာကာလတစ်လျှောက်လုံး MuLi2013က သူနှင့်အတူ ရှိနေခဲ့သည်။ ဘာကြောင့်မှန်းမသိပေမယ့် သူထိုနာမည်ကိုမြင်တိုင်း စိတ်သက်သာရာရသလို အမြဲခံစားရသည်။