منوعات

حوار بين شاب عاشق.. وفتاة عنيدة

ﻣﺤﺎﻭﺭﻩ ﺷﻌﺮﻳﺔ ﺑﻴﻦ ))) ﺑﻨﺖ ﻋﻨﻮﺩﻳﺔ ((ﻭ )) ﺷﺎﺏ ﻣﻐﺮﻡ..... ﺑﺎﻟﺪﺍﺭﻣﻲ ﺍﻟﻌﺮﺍﻗﻲ
ﺍﺍﻛﻮ ﻓﺪ ﺷﺨﺺ ﻳﻨﺘﻈﺮ ﺑﻨﻴﺔ ﺗﺮﻭﺡ ﺗﺠﻴﺐ ﻣﻲ ﻣﻦ ﺍﻟﺠﺪﻭﻝ .. ﻳﻮﻣﻴﺔ ..ﻭﺑﻬﺬﺍ ﺍﻟﻴﻮﻡ ﻗﺮﺭ
ﻳﺤﺎﺟﻴﻬﺔ ...ﻭﻛﺎﻝ.
ﺣﻨﻲ ﻳﺒﻨﺖ ﺍﻟﻨﺎﺱ ﻣﺮﺓ ﺍﻋﻠﺔ ﺣﺎﻟﻲ*** ﺻﺪﻛﻴﻨﻲ ﺁﻧﺔ ﺍﻫﻮﺍﺝ ﻭﺍﻧﺘﻲ ﺑﺨﻴﺎﻟﻲ
ﺭﺩﺕ ﻋﻠﻴﻪ.. ﻭﻛﺎﻟﺖ ..
ﻻﺣﻦ ﻭﻻ ﺍﻫﻮﺍﻙ ﻣﺎﻋﺮﻓﻚ ﺁﻧﺔ*** ﻻﺗﺤﺠﻲ ﺑﻌﺪ ﻭﻳﺎﻱ ﻛﺎﻓﻲ ﻣﻴﺎﻧﺔ
ﺭﺟﻊ ﺍﻟﻤﻐﺮﻡ ﻭﻛﺎﻝ ..
ﻣﺎ ﺍﻛﺪﺭ ﺁﻧﺔ ﺍﺳﺎﺝ ﺻﺮﺗﻲ ﺍﻧﺘﻲ ﺭﻭﺣﻲ*** ﻭﺑﻠﻤﺴﺔ ﺍﻳﺪﺝ ﻫﺎﻱ ﺗﺬﺑﻞ ﺟﺮﻭﺣﻲ
ﺟﺎﻭﺑﺘﺔ ﺍﻟﺒﻨﻴﺔ ﺑﻬﺬﺍ ﺍﻟﺮﺩ ..
ﺍﻣﺸﻲ ﻳﺨﻮﻳﺔ ﻭﺭﻭﺡ ﻭﺍﻟﻌﻦ ﺍﺑﻠﻴﺴﻚ ***ﻣﻮ ﺳﻠﻌﺔ ﺁﻧﺔ ﻭﺟﺎﻱ ﻳﺎﺧﺬﻧﻲ ﺟﻴﺴﻚ
ﺟﺎﻭﺑﻬﺔ ﺍﻟﻤﻐﺮﻡ ..
ﻣﻮ ﺳﻠﻌﺔ ﺍﻧﺘﻲ ﺍﺩﺭﻳﺞ ﺍﻧﺘﻲ ﺣﻴﺎﺗﻲ*** ﻭﺍﺗﻤﻨﺔ ﻳﻤﺞ ﻛﻮﻥ ﻳﺤﺼﻞ ﻣﻤﺎﺗﻲ
ﻛﺮﺭﺕ ﺍﻟﺒﻨﻴﺔ ﻛﻠﻤﺔ ﺧﻮﻳﺔ ﻭﺟﺎﻭﺑﺖ ..
ﻛﺎﻓﻲ ﻳﺨﻮﻳﺔ ﻭﺭﻭﺡ ﻭﺍﺑﺘﻌﺪ ﻋﻨﻲ*** ﺗﻠﻜﺔ ﺑﻨﺎﺕ ﻫﻮﺍﻱ ﺣﺘﻰ ﺍﺣﻠﺔ ﻣﻨﻲ
ﻛﺎﻝ ﺍﻟﻤﻐﺮﻡ ..
ﻣﻦ ﺑﻴﻦ ﻛﻞ ﺍﻟﻨﺎﺱ ﻛﻠﺒﻲ ﻳﺮﻳﺪﺝ*** ﻭﺳﻠﻤﺖ ﻫﺎﻱ ﺍﻟﺮﻭﺡ ﻳﺎﺣﻠﻮﺓ ﺑﻴﺪﺝ
ﺑﺪﺕ ﺗﻤﻞ ﻛﻼﻣﺔ ﺍﻟﺒﻨﻴﺔ ﻭﺭﺩﺕ ..
ﺃﻳﺲ ﻳﺨﻮﻳﺔ ﻭﺭﻭﺡ ﻻﺗﺎﺫﻱ ﻛﻠﺒﻚ*** ﻣﺎﺭﻳﺪﻙ ﻭﻣﺎﺭﻳﺪ ﻳﺎﺧﺬﻧﻲ ﺣﺒﻚ
ﺭﺟﻊ ﺻﺎﺣﺒﻨﺔ ﺍﻟﻤﻐﺮﻡ.. ﻭﺟﺎﻭﺏ..
ﻫﻴﺠﻲ ﻳﺒﻨﺖ ﺍﻟﻨﺎﺱ ﺻﻌﺒﺘﻲ ﺍﻣﺮﻱ ***ﺩﻣﺮﺗﻲ ﺣﻠﻢ ﺍﻟﺮﻭﺡ ﺿﻴﻌﺘﻲ ﻋﻤﺮﻱ
ﺿﺎﺟﺖ ﺍﻟﺒﻨﻴﺔ ﻛﻠﺶ ﻭﺟﺎﻭﺑﺖ ﺑﻌﺼﺒﻴﺔ ..
ﻣﺎﺭﻳﺪﻙ ﻭﻣﺎﺭﻳﺪ ﻛﺮﺑﻚ ﺍﻟﻴﺔ*** ﺁﺧﺮ ﻛﻼﻣﻲ ﻭﻳﺎﻙ ﺣﺒﺘﻚ ﺣﻴﺔ !!!
ﺭﺟﻊ ﺍﻟﻤﻐﺮﻡ ﺑﻌﺪ ﺍﻟﺼﺪﻣﺔ ...ﻭﻛﺎﻝ ..
ﺍﻗﺒﻞ ﻛﻼﻣﺞ ﻫﺎﺫ ﺑﺲ ﻣﺎ ﺍﻋﻮﻓﺞ*** ﻳﻮﻣﻴﺔ ﺍﺟﻴﺞ ﻫﻨﺎ ﻭﻳﻮﻣﻴﺔ ﺍﺷﻮﻓﺞ !!!!...
ﻭﺭﺟﻊ ﺍﻟﻤﻐﺮﻡ ﻳﺘﻤﻨﻰ ﻗﺒﻮﻟﻬﺎ ........ﺏﺱ ﻫﺎﻟﻤﺮﺓ ﻣﻨﻮ ﺑﺪﺍ ﻳﺤﺠﻲ؟؟؟؟
ﻫﻴﺔ ﺑﺪﺕ ﺑﺎﻟﻜﻼﻡ ... ﻭﻛﺎﻟﺖ !!!...
ﻫﺎ ﺧﻮﻳﺔ ﺷﻮ ﺭﺩﻳﺖ ﺷﻨﻬﻲ ﺍﻟﻘﻀﻴﺔ ...... ﻣﺎﻑﺍﺩ ﺣﺠﻴﻲ ﻭﻳﺎﻙ ﺫﻳﺞ ﺍﻟﻤﺴﻴﺔ
ﺟﺎﻭﺑﻬﺔ ﺍﻟﻤﻐﺮﻡ ﺑﻠﻬﻔﺔ ...
ﺭﺩﻳﺖ ﺍﻟﺞ ﻣﺸﺘﺎﻙ ﺻﺪﻛﻲ ﻳﺤﻠﻮﺓ ........ ﻋﺖﻧﻲ ﻋﻠﻴﺞ ﺍﻟﺸﻮﻙ ﻣﻮ ﺑﻴﺪﻱ ﻛﻮﺓ
ﻃﻠﻌﺖ ﺍﻟﺒﻨﻴﺔ ﺑﻌﺪ ﻛﻞ ﻫﺎﻟﻬﻮﺳﺔ ﺗﺤﺐ ﺍﻟﺼﺮﺍﺣﺔ !!! ﻭﻛﺎﻟﺖ ...
ﺳﻮﻟﻔﻠﻲ ﻗﺼﺘﻚ ﻛﻮﻝ ﺣﻠﻮﺓ ﺍﻟﺼﺮﺍﺣﺔ ..... ﺍﻧﺖﻓﻊ ﺑﻴﻬﺔ ﻫﻮﺍﻱ ﻭﺍﺷﻌﺮ ﺑﺮﺍﺣﺔ
ﺳﻮﻟﻔﻠﻬﺎ ﺻﺎﺣﺒﻨﺔ ﺍﻟﻤﻐﺮﻡ ﺑﺼﺮﺍﺣﺔ ﺗﺎﻣﺔ ﻭﻛﺎﻝ .....
ﺣﺠﻴﻲ ﺍﻟﺼﺮﻳﺢ ﻭﻳﺎﺝ ﺁﻧﺔ ﻫﻮﻳﺘﺞ ........ ﻭﺍﻟﻴﻮﻡ ﺍﺟﻲ ﺧﻄﺎﺏ ﻭﺍﺗﻌﻨﺔ ﺑﻴﺘﺞ ...
ﻣﻦ ﺳﻤﻌﺖ ﺑﻴﻬﺔ ﺧﻄﻮﺑﺔ ﺍﻟﺒﻨﻴﺔ ..... ﻻﻧﺖ ﺷﻮﻳﺔ ....ﻭﻛﺎﻟﺘﻠﺔ ﻛﻠﻤﺔ ... ﻋﻴﻨﻲ !!!!
ﻫﻠﻜﺪ ﻳﻌﻴﻨﻲ ﺗﻔﻴﺾ ﺷﻮﻙ ﻭﻣﺤﺒﺔ ...... ﻃﻴﺐ ﻭﻋﺎﻻﺧﻼﻕ ﻛﻠﺒﻚ ﺗﺮﺑّﺔ ....
ﺧﻄﻴﺔ ﻣﻐﺮﻣﻨﺎ ....... ﺑﺪﺓ ﻳﻨﺘﻈﺮ ﺍﻟﺮﺩ ﺍﻟﺼﺮﻳﺢ ....ﻭﻛﺎﻝ ...
ﻫﺎ ﻳﺒﻌﺪ ﻫﺎﻟﺮﻭﺡ ﻣﺎ ﺟﺎﻭﺑﻴﺘﻲ ....... ﻙﺍﻓﻲ ﺷﻼﻉ ﻛﻠﻮﺏ ﻛﻮﻟﻲ ﺭﺿﻴﺘﻲ ...
ﺟﺎﻭﺑﺖ ﺍﻟﺒﻨﻴﺔ .

ﻭﺍﻟﻠﻪ ﺭﺿﻴﺖ ﺍﻫﻮﺍﻙ ﺍﺳﺮﻧﻲ ﺣﺒﻚ ....... ﻭﺍﺗﻤﻦﻯ ﺍﻋﻴﺶ ﻭﻳﺎﻙ ﻭﺍﺗﻤﻨﻰ ﻛﺮﺑﻚ
ﺟﺎﻭﺏ ﺍﻟﻤﻐﺮﻡ ﺑﻌﺪ ﻛﻞ ﻫﺎﻟﻌﺬﺍﺏ .... ﻓﺮﺣﺎﻥ ﻭﻣﺮﺗﺎﺡ ... ﻭﻛﺎﻝ ...
ﻫﻤﻲ ﻳﺤﻠﻮﺓ ﺍﻧﺰﺍﻝ ﻣﻦ ﻫﺎﻟﻤﻮﺩّﺓ ......... ﻏﻴﻢ ﺍﻟﺤﺰﻥ ﻭﺍﻵﻩ ﺑﻴﺪﺝ ﺗﻌﺪّﺓ ...
ﺿﺤﻜﺖ ﻫﻴﺔ ﻭﻛﺎﻟﺖ ......
ﻳﻠﺔ ﺩﺷﻴﻞ ﺍﻟﻤﺎﻱ ﺧﻠﻴﻨﺔ ﻧﻤﺸﻲ ...... ﺻﺮﻧﺔ ﺍﻫﻞ ﻭﺍﺣﺒﺎﺏ ﻭﺍﻧﺘﻬﻰ ﻛﻠﺸﻲ

مقتبس