تملكني الخوف بقلم هنا سلامه " لوكندا لوسيفر ترحب بكم"

البارت التاني 💙" أهلاً بك عزيزي النزيل !"

كارما بصراخ : ايه ده !!
فهد : اهدى يا حبيبتي الكوتشات فرقعت
كارما باستغراب : ازاي ؟؟
نزل فهد و بص لقى مسامير على الأرض فقال بعصبيه : يلعن ابو كده
نزلت كارما و قالت : طيب هنكمل الطريق ازاي؟!
طلع فونه و قال : هعمل طلب لاوبر.. ايه ده!! مفيش شبكة!!
كارما : طب هنعمل ايه يا فهد
فهد بص يمين و شمال و قال : مش عارف.. المكان باين عليه مقطوع.. بصي احنا هنمشي شويه و ان شاء الله نلاقي مكان نبات فيه و فيه شبكة
ظهرت قطه سوده من وسط قش على الأرض
كارما بخوف : يا لهوي قطة يا فهد !!
حضنها و قال بضحك : عادي يا حبيبتي انا موجود اهو
بصت لها القطة بعيون زرق مبرقه!
كارما بخوف : بصالي كده ليه؟! فهد هموت من الرعب
شالها و قال : متخفيش انا معاكي اهو.. امسكي فيا
شالها بأيد و الايد التانيه كان بيجر شنطه السفر بتاعتهم لحد ما وصلوا لمكان.. فندق من الواضح.. بس فندق قديم
فهد : هو شكله مش احسن حاجه بس لازم تريحي يا حبيبتي شويه
كارما بصت للمكان و بلعت ريقها : ماشي مش مشكله..

في الفندق

"_ لا تخاف يا ابن ادم.. واضح انك ضعيف للغاية !
قال بثقة - أعوذ بالله من الشيطان الرجيم
انحرق أمامه و تبخر!!
قال بانتصار - كلمات الله تحرقك.. انا متحصن بها!" بقلمي 💙

دخلوا للمكان.. ممر طويل و كراسي.. مفيش غيرهم.. راجل عجوز قاعد و شكله غريب الأطوار
فهد : اقعدي يا حبيبتي عمال ما اشوف اوضه لينا
كارما : ماشي يا حبيبي
راح فهد ناحية الراجل و قال : لو سمحت.. لو سمحت!
الراجل رد اخيرا و قال : هاا.. خير؟
فهد : عاوز اوضه ليا و للمدام لو سمحت
الراجل بصوت يشبه فحيح الثعابين : سلام و لا تعبانين؟
فهد باستغراب : مش فاهمك
الراجل : مش مُهم..
فتح الدرج عشان يشوف الاوض إلى موجوده.. فقال بفرحه : رقم ١٣!! غرفة رقم ١٣.. حياة أبدية سعيده ليك..
بصلة فهد باستغراب و قال : طيب فيه اسانسير؟!
الراجل : لا سلم.. فيه هيل.. هيساعدكم في الشنط
فهد : لا شكرا انا هقدر
راح فهد ناحية كارما و قال : يلا يا روحي
كرما : يلا يا حبيبي
طلعوا السلم.. أول دور كان خارج منه سائل احمر! تاني دور كان فيه صوت ذبذبات! تالت دور كان فيه صوت فيلم.. تحسه سينما! رابع دور كان في صمت فظيع.. اما الدور الخامس عليه عنكبوت كتير.. لحد الدور ال ١٣ اسكت هُص!
طلعوا للدور ال ١٣.. ممر طويل و الاوضه في آخره
فهد فتح الباب و طلع منه هبو فظيع
كارما : كح كح.. ايه ده!
فهد : الريحه بشعة فعلاا.. ادخلي يلا ..
حطت رجلها على الأرض التراب اتنطر بشكل غير مرئي..
ملايه واضح انها مش نضيفة بالمره.. المرتبة نفسها ريحتها بشع.. الاوضه كلها بشعه.. ما عدا المرايه.. الحاجة الوحيدة الي شكلها حلو و قيم !
قفل فهد الباب و هو بيحضن كارما و بيقول و هو بيستنشق ريحتها : المكان وحش انا عارف.. بس ملقيناش غيره يا روح فهد
كارما : مش مشكله يا حبيبي.. هموت و انام.. هغير و ننام
فهد : و انا هاخد شور و انت غيري براحتك
كارما : ماشي يا حبيبي..
بصت في المراية على شكلها و هي بتقول : قمر.. قمر يا بت يا كراميلا، فهد كان هيلاقي احلى مني فين بس ؟
طلع فهد من التواليت و قال : المايه نازله مولعه مش قادر!
كارما بضحك : معلش سيبها شوية هتهدى هدخل اغير
فهد : ماشي يا حبيبتي..

الساعة ١٠

كانت نايمه كارما في حضن فهد و واضح انهم تعبانين جداً
صوت دبات بسيطة على الأرض.. بتزيد الدبات.. و الباب اتفتح!
دخل راجل شكله غريب و قال : احمم.. الغداء
اتنفض فهد و هو بيغطي كارما بالملايه و قال بعصبيه : ازاي تدخل كده!! انا هرتكب فيك جريمة يا راجل انت!!
قرب منه فهد و هو جاي يضربه و الراجل هيطلع شرار من عينه!
اتعلقت كارما في فهد و قالت ببراءة : عشان خاطر ربنا يا فهد اوعى تعمل حاجه!
الراجل بعد ١٣ خطوه و قال بصوت غريب : الغداء.. يلاا!
فهد بعصبيه : متزعقش عشان محزنش امك عليك
كارما : فهد اهدى و النبي، مش مشكله انا لابسه بجامه عاديه يعني
فهد بعصبيه : ميديلوش الحق يدخل علينا، البسي عشان ننزل يلا
خرج الراجل و هو بيتافف : كله من رجيم.. ازاي يبقوا قدامنا و هما سلام كده!!
طلعت كارما و فهد و هما لابسين كجول.. و كالعادة السلسلة الفضة إلى مكتوب عليها " الله" في رقبة كارما

على السفره في دور الاستقبال

نزلوا و لقوا كل الي في الفندق قاعد
كارما ببلعت ريق : مش عاوزه اتغدى مع ناس معرفهمش انا!
باس خدها بحب و قال : عشان خاطر فهد.. عشان خطري كُلي اي حاجه
كارما : طيب..
دخلوا و قعدوا على التربيزه.. معظم الناس القاعدين شكلهم بني آدمين عادي.. بس مرهقين شويه
بنت شعرها اسود و عيونها رصاصي قالت لكارما : كُنت متأكده ان فهد هييجي .. بس مكنتش متوقعه انك هتيجي معاه
برقت كارما من الجمله!!
حست كارما أن روحها بتتسحب! غمضت عينها بقوة و هي حاسه انها بتتحدف من على قمة جبل و نزلت في القاع!!
فتحت عيونها و قالت بارتجاف : اا.. ااا.. انا، فهد !!!

يتبع ...