وضعت شرط زواجها منه أن يتزوج صديقتها أيضًا ..
فماذا سيكون موقفه يا تُرى، وماذا ستكون ردة فعلها عندما تشعر أن الأمور تتفلت من بين يديها ويظهر لها وجوه جديدة ؟!
اسكريبت "جنان رسمي"
بالعامية..
سارة نيل
_ هديل قالت بغيظ: يعني هتكون بتعمل أيه يا ميزو سيبك منها .. وشديته من دراعه بس هو زقها جامد لما حس بخوف وقلق على مريم ..
_ ابعدي عني والزمي حدودك ...
وسابها ومشى وهي بتغلي غيظ ...
دخل معتز الأوضه بلهفة واتصدم لما ملقاش مريم وصدمته زادت أكتر لما لقى بعض من هدومها مش موجوده والشنطه مش موجوده ...
طلع من الاوضه وهو بينادي في الشقه بجنون وخوق وصوت عالي ..
_ مرييييييييم ..... مرييييييييييم
خرجت هديل بفضول لما سمعت صوته...
_ في أيه يا معتز ..
_ معتز وهو بيدور حولين نفسه: مريم ... مريم مش موجود في الشقه ... راحت فين
_ هديل قلبت عينها وقالت بقرف: أحسن ياريتها تكون غارت في داهيه ...
بصلها معتز بغضب وجرى عليها ونزل قلم على خدها وكمان قلم على الخد التاني(علشان الحبايب 😂) وشدها من شعرها بقوة وغضب
_ كله بسببك يا حيه .... بسببك قسيت عليها .. تعرفي لو حصلها حاجه هشرب من دمك وقولي على نفسك يا رحمان يا رحيم ... أنا هطلع أدور عليها وأجي ملقيش خلقتك هنا ... إنتِ طالق طالق طالق (أخيرًا كانت قاعدة على قلبي😂😌)
وخرج معتز من الشقه علشان يدور على مريم وقعد يأنب ضميره إنه قسى عليها وإزاي نسى أزمتها النفسية وإللي حصل زمان ...
كل الناس إللي في شوارع الحاره استغربوا من منظر معتز ودورانه في الشوارع ....
عمو عبدو البقال شاف معتز وقعد يضرب كف على كف: لا حول ولا قوة إلا بالله ... نازل تاني يوم الصبح يدور في الشوارع على عروسته.. الحارة دي مليانه بالعجايب ... ياما هنشوف يا نحاسين ...
= أول مكان راحه معتز عند حماته الست بدريه وطلع البيت بلهفه وأمل إن يلاقيها ...
_ خير يا معتز أيه إللي جايبك دلوقتي .... مريم حصلها حاجه يا ابني ...
_ معتز برعب: هي مريم مش هنا يا أمي ...
_ الست بدريه ضربت على صدرها وقالت: بنتي ... بنتي فين يا معتز .. عملتوا فيها أيه ... مريم بنتي فين .. يا حسرتي يااااني ...
_ معتز قرب منها وطبطب عليها: اهدي يا أمي .. اهدي هنلاقيها وهرجعها سليمه وهتكون النهاردة في حضننا .. بس متعمليش كدا في نفسك علشان صحتك الله يخليكي ..
حضنها بحنان وهي فضلت تعيط بحسرة على بنتها وخوف.. _ بنتي يا معتز... مريم إنت ناسي إللي حصل زمان .. أنا خايفه عليها يا ابني .. يا ترى روحتي فين يا مريم .. يهون عليكي أمك يا قلب أمك... أنا ليا مين غيرك في الدنيا دي طب ارجعي وأنا مش هكرر الغلطة دي ..
وفضلت على الحال ده ومعتز يهدي فيها من غير فايدة فاخدها ووصلها عند والدته تفضل معاها علشان خاف عليها .. ونزل هو يدور على مريم برعب ولف الحارة حته حته ومكان مكان ... لكن للأسف مكانش فيه أثر لمريم ...
_ إنتي فين يا مريم ... إنتي فين يا حبيبتي ارجعلي وأنا مش هسيبك تاخدي القرار ده ولا انفذهولك .. فراقي سهل عليكي كدا يا مريمة قلب معتز... دا معتز من غيرك ولا حاجه...
____________________________________
هديل لمت هدومها بسرعة واخدت كل حاجة غاليه وتقيله في الشقة... حتى أخدت دهب مريم ودخلت على هدومها ومسكتها قطعتها بالمقص لغاية ما شوهتها وخليتها معتدتش تنفع لحاجة ..
هدوم جديدة مريم مفرحتش بيها وأمها شقت وتعبت على ما قدرت تجهزها وتجوزها وبدون سند في الحياة...
ومسكت شهادات مريم العلمية وقصتها بالإضافة للكُتب إللي هي عارفه انها غاليه على قلب مريم وليها ذكرى مع معتز ...
وفي الأخر وصلت للهدايا إللي معتز أهداها لمريم واتخلصت منهم بمنتهى الغل والحقد ... وشوهت باقي الشقه إللي مريم ملحقتش تعيش فيها يوم واحد وإللي اتفقت هي ومعتز على كل ركن فيها غير تعب معتز إللي حاطه فيها لأن معتز شاب عادي جدًا فمش بالسهل يعمل شقة ويجهز هو كمان .. فكل الحاجات دي تفرق معاهم ... بس طبعًا أغلاهم مريم...
_ طالما خربانه يبقى متتمتعيش بحاجة في الشقه واخربها عليكي واكسر فرحتك تاني زي ما كسرتها أول وابقوا وروني هتعملوا أيه وانتوا مش حيلتكم حاجه ...
وسابت الشقه ومشت بعد ما سابت وراها حطام هيحطم صاحبتها مش علشان الدهب ولا الحاجات الماديه بل الأثر النفسي إللي هتخلفه الأشياء دي ..
بس هي متعرفش أن السعادة عمرها ما ارتبطت لا بدهب ولا مال ولا بيت ولا ملابس ولا حتى بكنوز الدنيا وإذا وجدت الراحة النفسية أغنت عن كل شيء.. وإن إللي عملته هيكون دمار عليها ....
_________________________
معتز بيدور على مريم بجنون في الشوارع بس مفيش ليها أي أثر كأنها اتبخرت ...
بلغ الشرطه عن اختفائها بس قالوا مينفعش يتحركوا قبل ٢٤ ساعة من اختفائها والموضوع هيكون مختلف لأنها خرجت من البيت بإرادتها ...
يُتبع ...
يا أرى مريم راحت فين؟ ومعتز هيقدر يلاقيها؟ ولا هتكون دي النهاية نتيجة تهورها؟!
إللي هيخمن صح ليه هديه عندي 🥰🙊
معدتش فاضل ألا حلقة واحده ولو الحلقة دي جابت خلال ساعة 50 لايك وكل إللي بيقرأ علق هنزلها بعد ساعة من نزول ده ... وإنتوا وشطارتكم 🙃😉
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
