"جنان رسمي"
«حلقة خاصة '1'»
-لو سمحت طلقني يا مُعتز.
رفع رأسه من الكتاب إللي كان بيقرأه ومسك جهاز التحكم ووطى صوت التلفزيون، أتأمل حالتها المُشعثة من أثر النوم وبنطال منامتها المُشمر والمرفوع إحدى سيقانه بينما الساق الأخرى فطبيعية.
رجع «مُعتز» لورا وريح في قاعدته، وقال ببرود:-
-ومالك بتقوليها بإحترام ليه كدا يا ست مريم دا إحنا عمرنا ما شوفنا التهذيب ده ومسمعتش كلمة لو سمحت دي منك قبل كدا.
حركت رجليها بعصبية وتخصرت وهي بتحرك إيدها بنفاذ صبر:-
-لا كدا عاجب ولا كدا عاجب، أنا بكل إحترامي بطلب تطلقني يا معتز.
-ادخلي كملي نوم يا مريم، الله يحرق أم هرمونات حملك إللي بتطلعيها على جتتي وأخلاقي دي.
إنهارت في بكاء مرير وبصوت عالي:-
-إنتَ بتعلي صوتك عليا يا معتز وكمان بتشتمني وتدعي عليا فاكرني مليش حد هيقفلك ويحطك عند حدك..
وكمان قاعد بتخوني نص الليل، طب خليك في الشقة إفرح بيها أنا مش قعدالك فيها ولا هنام دقيقة واحدة هنا.
بصلها «مُعنز» بصدمة وهي بتجري ناحية الباب وبتحاول تفتحه علشان تُخرج، قفز من مكانه وجرى ناحيتها ومسكها وهي بتحاول تفلت منه..
-سيبني يا خاين مش مسمحاك يا معتز مش مسمحاك.
حاول معتز يهديها وحضنها من ظهرها بقوة وهو بيحاول يصبر نفسه ويقنعها إن دا كله شغل هرمونات مش أكتر
حرك إيده برفق على إنتفاخ معدتها الصغير وهو بيزيد من إحتوائها..
-خيانة مرة واحدة يا مريم هو إنتِ خليتي فيا حيل حتى أدير ورايا دا إنتِ مخلصة عليا أول بأول يا شيخة وشعري شاب من عمايلك المزعببة دي.
وبعدين شتمتك إمتى ولا دعيت عليكِ هو إنتِ في عالم موازي ولا أيه يا مجنونة.!
اتحركت بعنف وعصبية لكن قدر يسيطر عليها وشالها على كتفه وهو بيتجه لغرفة نومهم..
-لما أنا مجنونة ومش عجباك يا عاقل يا رزين كنت بتتجوزني من الأول ليه هاااا .... إنت بقيت شرير يا معتز حتى مبقيتش تحبني .. وبعدين أنا شوفتك بعيني بتكلم العقربة حسنات قصدي سيئات..
حط الغطا فوقهم وهو بيقد حركتها جوا حضنه ومسك نفسه بالعافية عن الإنفجار ضحك على جملتها الأخيرة..
-عيب كدا يا قطتي متنسيش إنها بنت عمي وكمان أكبر منك وكدا لسان مريم بدأ يطول ويقول كلام باد وعايز معتز يروضه ولا أيه..
-معتزززززززززززز
-صرعتيني وصرعتي ابني إللي جواكِ هو ذنبه أيه المسكين ده.
-كنت واقف معاها ليه.؟
-كانت بتقولي على موضوع قضية طلاقها.
-أول مرة أعرف إنك محامي يا متر .. مش كنت تعرفنا كنت سيطتلك وعملتلك سبوبة حلوة.
أنت تقرأ
"جِنان رسمي"
Romanceوضعت شرط زواجها منه أن يتزوج صديقتها أيضًا .. فماذا سيكون موقفه يا تُرى، وماذا ستكون ردة فعلها عندما تشعر أن الأمور تتفلت من بين يديها ويظهر لها وجوه جديدة ؟! اسكريبت "جنان رسمي" بالعامية.. سارة نيل
