අපේ පුංචි පන්ති කාමරේ [ මකුළු දැල් බැඳී ඇත ]

පන්ති කාමරය

පන්ති යන විශේෂණ පදය එක් වුවද , මෙයද සාමාන්‍ය කාමරයකි. බිත්ති හතරක් ඇතත් , එය හරියටම හතරක්දැයි කිව නොහැක්කේ නානාප්‍රකාර කොළ අලවා, පාඩම් වල විස්තරද අලවා වසා ඇති ඒ බිත්ති දෙස මා කවදාවත් වැරදිලාවත් නොබලන බැවිනි.

ඩෙස්පුටු තිහක් හතලිහක් ඇති මෙය ළමයින් නැති විට පාළුවට ගිය සොහොන් පිට්ටනියකි. ඩෙස්පුටු ගණන දිනෙන් දින වෙනස් වන්නේ අසල්වැසි කඩකාමර වලින් පැමිණ අප නැති වෙලාවට ඒවා උස්සාගෙන යන බැවිනි. එවැනි දිනක ටීච අම්මාටත් කියා ඇයවත් පෙරටු කරගෙන රිටර්න් එක දෙන්නට සෙට් එකම යන්නේ මාර ගැම්මෙනි. නැවත ඩෙස්පුටු උස්සාගෙන එන විට ඒ ගැම්ම ටික ටික අඩු වෙන්නේ මහන්සිය නිසාය.හදිසියේවත් පැහැරගත් ඩෙස්පුටු සොයා ගැනීමට නොහැකි වුවහොත් , කාගේ හෝ පුටුවකට පශ්චාත් භාගය හේත්තු කරගෙන  දවස ගෙවා ගැනීමට අපට සිදුවේ.

අප නැති විට පාළු කනත්තක් වන එය නාඩගම් මඩුවක් වන්නේ
නාඩගම්කාරයන් ටික මෙහි රිංගූ පසුය.

ඒ නාඩගම්කරුවන් අප බව පවසා සිටින්නේ නිහතමානී ආඩම්බරයකිනි...

මේ නාඩගම්කාරයොන්ගේ නෙයියාඩගම් බැලීමට ඔබට ඉක්මනින්ම හැකි වනු ඇත.

රැදී සිටින්න අපේ පුංචි පන්ති කාමරයේ ඩෙස් එකක් උඩට වී....