مش عارفه حُبنا دَ هيودينا لفين ولا أخرته هتبقى عامله إزاي، بس أنا بحبك🦋🖤🎶
☆☆☆☆☆☆☆☆☆☆☆☆☆☆☆☆☆☆☆☆☆
_ أسفه أسفه... اعتذرت بعد ماخبطت في شخص ووقعت منه شوية أوراق فنزلت على ركبتي علشان أجيبهم وهو كذلك ومعتقدش حد فينا بص في وش التاني.. قومت بعد مالميت شويه وهو شويه وأديتهمله وفجاءة بصينا لبعض واتفجائنا ودِ كانت المفجاءه ونزلت دمعتي
= إنتِ
_ أنتَ
= إزيك... إزيك أوي يعني (أحيانًا كلمة واحشتيني بتبقا على هيئة إزيك ف إزيك... إزيك أوي أوي يعني...)
بصيتله بإستغراب: الحمد لله كويسه
= إتغيرتِ أوي وبقيتي مختمره جميله
بصيت لنفسي برضا واتبسمت_ لسه مبتداءه الستر جميل بردك وبعدين مش سيبتني ومشيت طبيعي اتغير... حتى أنت اتغيرت
إبتسم بهدوء وقالي: إزاي
غيرت الموضوع وكنت عاوزه أهرب بصراحة بس الأول لازم أعرف ليه عمل فيا كدا.... ليه سحب روحي مني ومشى بعد كل الحب دَ كله!؟: باين عليك إنك بخير جدًا
أبتسملى بسخريه: أنا!
_ بخير!؟
= لأ أنا مش بخير وأنتي عارفه دَ
بصيتله وعيوني مليانه دموع: ولا أنا
بص ليا وبعدها نزل بنطرته للأرض: طب بتعيطي ليه دلوقتِ وليه قولتي إننا بخير طالما مش بخير!
بينت إني كويسه وابتسمت: أنا مش بعيط... ثانيًا بردك الحمد لله عايشين
= شكلي كنت بخلي عيونك دبلانين دايمًا بس لو جيتِ للحق أنا مش بخير
بصيتله أوي المره دِ وقولت: ليه!؟
= فارقلك إني أكون بخير؟
مردتش وهزيت راسي بمعنى أيوه
إبتسم بحزن وقال بآسى: بخير إزاي وأنا بدونك!
بصيت حواليا لِ لحظه ولقيت الدنيا زحمه حوالينا ورجعت بصيتله أوي وقولت بتنهيده مليانه وجع: وليه عملت كدا... من حقي أعرف بردك!؟
إبتسم أوي... إبتسامته زي ماهي بس بقا أجمل ووشه كله نور بقا... بقا جميل أوي وكان جميل: برئيك لو مكنتش عملت كدا كنا وصلنا للى إحنا فيه دَ وأنتِ الأهم
_ مش فاهمه
إبتسم بهدوء: ومن أمته بتفهميلى كلمه!
بصيت حواليا وقولت: أنا لازم أمشي أصلًا وقفتنا دِ غلط سلام ..
قالي بسرعه: أستني
_ امم.. نعم؟
دعيتي عليا صح
ابتسمت وقولت بحزن: متخافش دعيت إنك تدوق نفس إللى أنا دوقته... بس
بص ليا بملامح هاديه وحزينه وبعدين إبتسم بحزن وقال: متخافيش دعائك استجاب ودوقت عذاب الفُراق
_ أنت إللى عملت كدا.... جيت أمشي بس كان في حد هيخبط فيا وهو معدي بس لقيته شدني من دراعي بسرعه لورا
= انتِ كويسه
هزيت دماغي ومشيت من طريق وهو مشي من طريق وفجاءة لفينا لبعض... كان في كلام كتير محتاج يتقال وعيوننا فيها كلام كتير على هيئة لمعه.......
♡♡♡♡♡♡♡♡♡♡♡♡♡♡♡♡♡♡♡♡♡♡.
رجعت البيت بعد ماشوفته ودخلت أوضتي بهدوء وقفلت الباب وقعدت اعيط وأنا كاتمه أنفاسي في مخدتي... كان نفسي احضنه قدام الناس كلها وأثبتلهم إني بحبه بس مش هينفع ولا هينفع.. قومت بعد شويه كان أذان العشاء قرب اتوضيت على ماأذن وصليت وفضلت ساجده لفتره طويله وأنا بدعيله وبدعيلي... مش عارفه انساه في دعائي ولا هو راضي يخرج من حياتي سابني آه بس طيفه لسه موجود، افتكرت نفس اليوم وقتها
Flash back
= ممكن نتقابل وفي نفس المكان والوقت.. تحت الغروب
اتكلمت بفرحه إني هشوفه: تمام
كانت أول مره أشوفه فيها وبدأت الحكايه من يومها تحت الغروب ومنظره... وجوده كان قليل جدًا فى حياتي بس الصدف كانت كتيره وكافيه بإنها تخليني أقع من غير ماأحس..... روحت ولقيته واقف بيبص للغروب وحس بأني جيت ولف ليا وقعد يبص كتيير ليا والسكوت طال شويه
_ هتفضل كدا كتير
اتكلم بهدوء وقال= عارف إني وعدتك وعود كدابه بس... بس أنا حقيقي مش هقدر أكمل حتى كلمة أكمل طالعه بصعوبه بس دَ أحسن ليا وليكي
بصيتله أوي وأنا مستغربه ومصدومه في نفس الوقت واخدت نفس طويل وحبسته يمكن يطفي النار إللى قادت جوايا دِ بس غصب عني خرجت الهوا واتنهدت _ كل دَ كان ليه!؟
= للأسف معنديش إجابه ياعََشَمْ غير إني حبيتك بجد ومش عارف هتفهمي ولا لأ ويستحسن متفهميش.. أنا أسف بس إنتِ دايمًا بتحسِسيني بحاجات كتير وأنا مش فاهم حاجه
_ ليه مفهمش... ثواني بس أنا قولتلك مش لازم تفهم كل حاجه بقولها ياسيف لأنك مش هتفهم أصلًا مهما عملت بس أنت مليت وزهقت صح
بص ليا بنظره غريبه ومشى من غير مايقول كلمه... آخد روحي معاه... مسك إيدي وسحب مني الروح وفي الآخر سابها ومشى كان بيقولي إن عمره ماهيسيبها!
Back
اتنهدت بدموع وأنا على السجاده ولقيت ماما بتنادي عليا اتعشى معاهم... قرأت سورة الملك بسرعه وخلصت ولبست بيجامه وطبقت الأسدال وحطيته مكانه وطلعت
_ إزيكم ياحلوين
أبتسمولى وخالد أخويا قال: مساء القمر ياأحلى عَشَمْ
ابتسمت وأنا بقعد ورايحه أكل: مساء النور كلكم.. أنا جعانه وبطني عامله حفله جوه
بابا: إللى يشوفك وأنتِ دبلانه مايشوفك وأنتِ بتاكلي
بصيت لبابا بضحك كدا: أي ياأبي وهي مالها معدتي بالعالم الخارجي بتاعنا دا هو بريء حضرتك من أي فعل بيحصل
ابتسم: تمام كولي بالهنا على قلبك
أُمي جيت وقعدت هي كمان وبعد ماخلصت وكنت لسه قايمه لقيت أبي بيمسك إيدي
_ في حاجه يابابا!؟
ابتسملي وقال: أعمليلي كوباية قهوه من إيديكِ الحلوين دول وتعالي عايزك في موضوع كدا
عملت القهوه وروحت الصالون لقيته قاعد هو وماما وأخويا.. أخويا دَ يبقا توأمي
أبي: تسلمي اقعدي بقا
بصتلهم بإستغراب: مالكم بتبصولي كدا ليه
أمي بهدوء: صراحة مش عارفين نبداء منين
_ ها! قلقتوني
أبي اتكلم بإبتسامه وقال: أنا هقول... أنا طبعًا مش هعيشلك العمر كله يابنتي وحاليا عندك 23سنه وخلصتي دراستك..
_ بعيد الشر عنك ربنا يديك طولة العمر ليه بتقول كدا.. أنا مش فاهمه حاجه والله
خالد: في قمر جاي متقدم لقمرين
أبي بصله بتحذير: بطل غلاسه شويه
بصيتلهم وقومت بهدوء: من قبل مااعرف التفاصيل أنا مش موافقه
أبي: أستني يابنتي
_ يابابا قولتلك مش بفكر
أبي اتكلم بإبتسامه: ودلوقتي لازم تفكري أنا شايف إنه كويس والله بس ناقص تفكري بس.. أوعدك مش هجبرك على حاجه اقعدي معاه وأستخيري ربنا وسبيها على الله
_ ونعم بالله.. حاضر ياأبي
♡♡♡♡♡♡♡♡♡♡♡♡♡♡♡♡♡♡♡♡♡♡.
عريس الغفله جيه وكان في الصالون هو ووالده وأبي وتوأمي.
_ يارب خير يمكن بعدتني عنه وهتعوضني بشخص أفضل بس على ماأظن عمري ماهشوف أفضل منه في حياتي... خلصت لبس الخمار كنت لابسه فستان أسود وخمار كشمير وخرجت بالصنيه اللى كلنا موعودين بيها دِ
_ لازم اتنيل وأشيلها يعني
أمي بإبتسامه: آه
_ مش عارفه ليه الكل مبتسم من أول ماعرف كدا ملاك قاعد برا مثلًا
أمي بإبتسامه بردك: آه إن شاء الله
اديت لأمي الصنيه ثانيه وبصيت لنفسي في المرايه تاني.. ليه شكلي حلوه النهارده وحتى محطيتش ميكب بس شكلى حلو وملامحي حساها أحلى بكتير النهارده... ليكون هو العوض فعلًا بس أنا كان نفسي يكون سيف مش إللى برا دَ رجعت ملامحي للحزن تاني وأخدت الصنيه
أمي بقلق: مالك
_ بخير بس متوتره بس
.. إن شاء الله خير متقلقيش
_ ونعم بالله
طلعت وخالد أخد مني اللي في إيدي وقعدت جمب أبي وببص للأرض شويه وشويه لخالد... بصراحه مش قادره أبص لحد غيره كنت بتمنى يكون هو... شويه ولقيت بابا قام هو ووالده علشان يسيبونا شويه سوا بس خالد جيه همسلي وقال: بوصي متقلقيش أنا جمبك بس هبعد عنكم شويه صغننين بحيث أشوفكم ومش هسمعكم أصلًا
_ تمام
قعدت وأنا بفرك في إيدي وببلع ريقي بصعوبه وباصه للأرض وفجاءة لقيته بيتكلم: وبعدين... أنا أحلى من السجاده على فكره
لحظه بس دَ دَ هو معقول!
بصيت بسرعه له لقيته فعلًا هو...
قومت وقفت وبصيتله وأخويا شافني قايمه فقام بسرعه بس كنت فقدت الوعي بعدها .......
فتحت عيني بوهن لقيته قدامي وحاطت ايده في جيبه وواقف وأول ماشافني قرب هو والكل
أبي: أنتِ كويسه
_ الحمد لله هو في أي
لقيته بيتكلم: في عريس قاعد مستني هنا
والده أتكلم وقال لبابا: شايف إنها مش بخير فنأجلها... أول ماسمعته قومت نطيت من الكرسي وقولت: لا لا أنا كويسه وبخير
ضحك عليا وقال: آه هي كويسه يابابا متقلقش
خالد: تيجو نطلع التراس
طلعنا زي ماخالد قال وهما تحت
خالد: أنا جمبك على فكره
سيف أتكلم بتحذير: مترميش ودانك هنا بس
خالد رفع أيده بإستسلام وكان معاه الهاند فري: معايا دَ
= كويس جدًا
قعدت أبصله كتير أوي أوي وأنا مبتسمه جدًا
= قلبي الصغير لا يحتمل هتفضلي كدا كتير
هديت شويه: عملت كدا ليه!؟
ابتسم أوي وقال: علشان نوصل للحظه دِ.. بس كلامك مكنش مفهوم ومكنتيش بتعترفي بحبك ليا ودايمًا بحسك رغم تقربك إلا أنك بتصديني مش عارف إزاي
اتنهدت براحه وابتسمت وبصيتله أوي: أنا من طبعي مش بحب الضالمه ياسيف
بصلي بإستغراب: إزاي
_ يعني أنا صحيح بحب المكان المظلم وبحب الغموض بس مش بحب حياتي تكون في الضالمه وأني اقولك كلام طالع نازل واعترفلك وكل دَ في الضالمه أنا بحب النور ياسيف بحب النور أوي وأكيد هكون مبسوطه يوم ماالك يعرف بحبك ليا بجد
بصيتله وابتسمت وهو كذلك وأبتسم: غريبه إنتِ أوي بس جميله ياجميلتى
♡♡♡♡♡♡♡♡♡♡♡♡♡♡♡♡♡♡♡♡♡♡.
مفوقناش غير على جملة المأذون وهو بيقول جملته: بارك الله فيكما وبارك عليكما وجمع بينكما فى خير... يدوبك قالها وهو قام أي دَ هو هيحضني حضن كتب الكتاب ولا أي... صراحة أنا اللى حضنته قبله ونسيت إن الكل قاعد وفضلت متبته فيه وهو كذلك
ضحك وهو بيمسح دموعي: أي دَ أنتِ بتعيطي!
ضحكت وضربته في كتفه: دِ دموع الفرحه ياغبي.. ورجعت حضنته تاني
أبي ووالده والمأذون والكل حمحم وبعدين بعدت عنه وهو بردك وقعدنا نبصلهم بإستغراب وفجاءة ضحكو كلهم وأنا أوحرجت...... بعدنا عنهم بعد ماالكل باركلنا وأحضان وبوس بقا
............
همسلي بضحك وقاال: شكلك قمر
بصيتله وقولت: علشان مع القمر نفسه ياقمر
ضحك وقال: كان فين دَ من زمان ها!
ضحكت: اتعود بقا ياجميل... بص ليا كتير وبعدين مسكت أيده وقولت: أنا وأنت وفنجان قهوه؟♥️
= أحلى قهوه
بصيتله وابتسمت وقولت: طب ماتيجي نشرب قهوه وأخطف قلبك على سهوه؟
= كلامك حلو أوي وأنا بحبك
_ لسه عنيك بتاخدني بعيد.. لسه قلبي عندك أحتفظ بيه
= نهرب لبعيد؟
_ وأعترفلك وتعيد؟
= ونشرب قهوه بعيد وهعيد وازيد
ابتسمت وكملت: وتقول بحبك ياجميل واقولك مش أكتر مني.
*# "حكاوي عَشَمْ"*🦋🖤🎶
